Justice Tweneboaa

Justice Tweneboaa
human
Ein sex anaa genderfemale Edit
Country wey e be citizenGhana Edit
Name wey dem give amJustice Edit
Family nameTweneboah Edit
Ein date of birth28 October 2001 Edit
Place dem born amGhana Edit
Languages edey speak, rep anaa signEnglish, Twi Edit
Ein occupationassociation football player Edit
Position dem play for team top / specialitydefender Edit
Sportfootball Edit

Justice Tweneboaa (dem born am 28 October 2001) be Ghanaian footballer wey dey play as defender give Ampem Darkoaa wey she san be captain give dat team den Ghana women's national team.[1][2]

Ein club career

[edit | edit source]

Tweneboaa start ein career plus Ghana Women’s Premier League side Ampem Darkoa. For 2020 insyd, ahead of de 2020–21 season, na dem appoint am as de team captain.

Ein international career

[edit | edit source]

Youth

[edit | edit source]

Tweneboaa cap give Ghana for de U17, U20 den senior level. For de U17 level, she represent Ghana for de 2018 FIFA U-17 Women's World Cup, wer she play 4 matches as Mexico eliminate Ghana for de quarter-finals insyd via penalty shootout. Na she be one of de two wey miss dema penalties. For dat World Cup she play alongside players lyk Mukarama Abdulai den Nina Norshie.[3]

For dat same year, Yusif Basigi bell Tweneboaa to U20 team at de age of 16 for July 2018 insyd wey na dem bell am for de 2018 FIFA U-20 Women's World Cup wer she play all de group matches.[4] For June 2020 insyd, dem bell am for de team as one of de senior players for dema 2020 FIFA U-20 World Cup qualifying matches den friendly matches against Morocco between August den October 2020.[5][6]

Senior

[edit | edit source]

For March 2018 insyd, she get ein first senior national team call up ahead of friendly match against Japan. She make ein debut for 1 April 2018 for de age of 16 for de friendly match against Japan wey Ghana lose by 7–1.[7] For July 2021 insyd, Tweneboaa make de squad for de Aisha Buhari Cup den 2022 Africa Women Cup of Nations qualifiers against Nigeria.[2][8] Dis cam after ein impressive performances for de league wey lead Ampem Darkoa go 2nd place for de league insyd. She make ein international debut during Aisha Buhari Cup friendly match against South African women's national team for 17 September 2021.[9][10]

References

[edit | edit source]
  1. ↑ Amoh, Rosalind K. (13 September 2021). "Black Queens in Lagos for Aisha Buhari Tournament". Graphic Online. Retrieved 4 October 2021.
  2. ↑ 2.0 2.1 "Black Queens coach calls 38 players for camping". www.ghanafa.org. Ghana Football Association. 5 July 2021. Retrieved 18 September 2021.
  3. ↑ "Black Maidens XI to face Uruguay in U17 WC opener". www.ghanafa.org. Ghana Football Association. 13 November 2018. Retrieved 5 October 2021.
  4. ↑ "Justice Tweneboaa - Soccer player profile & career statistics". Global Sports Archive. Retrieved 5 October 2021.
  5. ↑ Ahmadu, Samuel (19 November 2020). "Basigi names Ghana U20 women's squad for Morocco test". www.goal.com. Goal.com. Retrieved 4 October 2021.
  6. ↑ GFA Communications (14 August 2020). "Thirty-one Black Princesses players to resume camping on Friday". www.ghanafa.org. Ghana Football Association. Retrieved 4 October 2021.
  7. ↑ https://gh.soccerway.com/matches/2018/04/01/world/friendly-women/japan/ghana/2761600/
  8. ↑ Teye, Prince Narkortu (13 July 2021). "Awcon Qualifier: Former Germany U19 striker Beckmann gets Ghana call-up for Nigeria showdown". www.goal.com. Goal.com. Retrieved 5 October 2021.
  9. ↑ Twaiah, Martin (17 September 2021). "Aisha Buhari Cup: Portia Boakye, Opoku Sonia Start as Mercy Tagoe names strong Starting XI to face South Africa". Ghana Sports Page. Retrieved 18 September 2021.
  10. ↑ "Aisha Buhari Cup: This is how we line up against South Africa". www.ghanafa.org. Ghana Football Association. Retrieved 18 September 2021.
[edit | edit source]