Kelly Gallagher (alpine skier)

Kelly Gallagher (alpine skier)
human
Ein sex anaa genderfemale Edit
Country wey e be citizenUnited Kingdom Edit
Country for sportUnited Kingdom Edit
Name wey dem give amKelly Edit
Family nameGallagher Edit
Ein date of birth18 May 1985 Edit
Place dem born amLondon Edit
Languages edey speak, rep anaa signEnglish Edit
Ein occupationalpine skier Edit
Educate forUniversity of Bath, Glenlola Collegiate School Edit
Medical conditionalbinism Edit
Sportalpine skiing Edit
Participant insyd2014 Winter Paralympics, 2010 Winter Paralympics Edit
Award e receiveMember of the Order of the British Empire Edit

Kelly Gallagher MBE (born 18 May 1985), be retired British skier den de first athlete wey komot Northern Ireland make she compete insyd de Winter Paralympics. Gallagher win Britain ein first ever Winter Paralympic gold medal during Sochi 2014.[1]

Kiddie time

[edit | edit source]

Na dem born Kelly for 18 May 1985[2] wey na dem raise am insyd Bangor insyd de north of County Down. Ein poppie, Patrick Gallagher, na he be airline pilot. She be graduate insyd mathematics from de University of Bath.[3][4]

Pre-Paralympics

[edit | edit source]

Kelly get oculocutaneous albinism,[5] wey she be visually impaired den dey compete plus sighted guide. For de 2009 New Zealand Winter Games Gallagher, compete plus guide Claire Robb, win gold insyd ein first ever international race, de giant slalom.[6]

Na dem select am for de British team for de 2010 Winter Paralympics insyd February 2010.[7][8] Gallagher be funded by de Sport Northern Ireland Athlete Support Programme wey she be supported by de Sports Institute for Northern Ireland wey she sanso be backed by Disability Sports NI.[9]

2010 Paralympics

[edit | edit source]

Na Kelly be one of seven skiers give Great Britain for de 2010 Winter Paralympics wey she cam turn de first athlete from Northern Ireland make she compete insyd de Winter Paralympics.[7] For de Games she contest de giant slalom den slalom events give visually impaired athletes.[10] She fini sixth insyd de slalom buh she achieve de British team ein highest finish, wey miss out for medal by single place den 3.36 seconds insyd de giant slalom.[11]

Kelly skiing with guide
Downhill final of de 2013 IPC Alpine World Championships for La Molina insyd Spain. Kelly Gallagher (white tunic) den guide Charlotte Evans (orange tunic)

Between Paralympics

[edit | edit source]

Dey follow de Paralympics Gallagher seek fresh sighted guide make she job plus ein thru to de 2014 Winter Paralympics insyd Sochi wey dem select 19-year-old Charlotte Evans wey komot Medway. Na Evans be out of de sport after she snap cruciate ligament insyd 2009 buh she take up de role wey she go cam turn qualified coach.[12]

Insyd January 2011 Gallagher cam turn de first British athlete make she win medal for de IPC World Championships. She compete plus Evans wey de pair win de silver medal insyd de slalom den bronze insyd de giant slalom for de event dem hold insyd Sestriere five weeks per after dem start dey job togeda.[13] De pairing sanso win gold medal insyd slalom for de 2011 Europa Cup Finals.[14]

2014 Paralympics

[edit | edit source]

Gallagher win Britain ein first ever Winter Paralympic gold for 10 March 2014, during de 2014 Winter Paralympics insyd Sochi, Russia. She fini first insyd de visually impaired Super-G competition.[5] She fall during both de super-combined den de giant slalom.

Na dem appoint am Member of de Order of the British Empire (MBE) insyd de 2014 Birthday Honours give services to sport for people plus visual impairment.[15] De Ski Club of Great Britain award am plus Pery Medal along plus de oda medal winners from de 2014 Olympics den Paralympics.

2017 World Championships den 2018 Paralympics

[edit | edit source]

Insyd 2017 na dem select Gallagher for de 2017 World Para Alpine Skiing Championships insyd Tarvisio insyd Italy. She partner plus Gary Smith, she crash during training for de championship slopes wey she injure ein self after she collide into de safety netting.[16] She sustain dislocated elbow den three fractured ribs insyd de accident wey na dem airlift am to local hospital.[16] Gallagher ein injuries rule am out of de championship den ein subsequent rehabilitation mean say she return per to de slopes insyd de season wey dey lead up to de 2018 Winter Paralympics.[17] Despite she loose time to ein injuries na Gallagher still be able make she secure ein place insyd de Great Britain team for de 2018 Paralympics.[17]

2019 World Championships

[edit | edit source]

For de 2019 World Para Alpine Skiing Championships, Gallagher den Smith narrowly miss out for medals insyd de slalom den de giant slalom by she fini fourth, she be pipped to de bronze by tenth of second insyd de latter by team-mates Menna Fitzpatrick den Jennifer Kehoe. However dem claim dema first medal of de championships insyd de downhill, wer na dem take silver behind Fitzpatrick den Kehoe. Dem then go on make dem take two bronzes insyd de super-G den combined, dey increase Gallagher ein number of Worlds medals she win to nine.[18]

References

[edit | edit source]
  1. ↑ "Judith Gillespie leads Northern Ireland Queen's Birthday honours list". BBC News. 13 June 2014. Retrieved 16 June 2014.
  2. ↑ "Kelly Gallagher profile". Sochi Paralympics. Archived from the original on 19 March 2018. Retrieved 8 March 2014.
  3. ↑ "Kelly makes history at World Championships". 21 January 2011. Retrieved 20 April 2011.
  4. ↑ "University of Bath graduate makes history with slalom silver". thisisbath.co.uk. Retrieved 20 April 2011.
  5. ↑ 5.0 5.1 "Sochi Paralympics: Kelly Gallagher wins Paralympic gold". BBC Sport Disability Sport. 10 March 2014. Retrieved 10 March 2014.
  6. ↑ Lindsay, Jessica (9 March 2018). "Who is Kelly Gallagher? Great Britain's only Winter Paralympics gold medallist". The Belfast Telegraph. Retrieved 12 January 2019.
  7. ↑ 7.0 7.1 "NI skier Kelly Gallagher named in GB Paralympic team". BBC Sport. 3 February 2010. Retrieved 20 April 2011.
  8. ↑ "Gallagher to compete at Paralympic Winter Games". morethanthegames.co.uk. 3 February 2010. Archived from the original on 5 June 2012. Retrieved 20 April 2011.
  9. ↑ Bashford, Michael (17 February 2010). "Bangor girl competes for GB at Winter Paralympics". The Belfast Telegraph. Retrieved 20 April 2011.
  10. ↑ "Kelly Gallagher". Paralympic.org. International Paralympic Committee.
  11. ↑ "Kelly Gallagher claims fourth at Winter Paralympics". BBC Sport. 19 March 2010. Retrieved 20 April 2011.
  12. ↑ "Charlotte Evans shares in a piece of Brit sporting history". thisiskent.co.uk. Archived from the original on 5 May 2013. Retrieved 20 April 2011.
  13. ↑ Hudson, Elizabeth (22 January 2011). "Paralympian Gallagher delight at world ski medals". BBC Sport. Retrieved 20 April 2011.
  14. ↑ "Kelly Gallagher takes GOLD at Europa Cup Finals". Disability Sports NI. 16 March 2011. Archived from the original on 13 March 2012. Retrieved 20 April 2011.
  15. ↑ "No. 60895". The London Gazette (Supplement). 14 June 2014. p. b19.
  16. ↑ 16.0 16.1 Hope, Nick (24 January 2017). "IPC Alpine World Championships: Kelly Gallagher fractures ribs & dislocates elbow". BBC Sport. Retrieved 12 January 2019.
  17. ↑ 17.0 17.1 "PyeongChang 2018: History-maker Kelly Gallagher heading to third Winter Paralympic Games". teambath.com. 8 February 2018. Retrieved 12 January 2019.
  18. ↑ Hanna, Gareth (31 January 2019). "Kelly Gallagher wins three medals in two days at World Championships". Belfast Telegraph. Retrieved 9 March 2019.
[edit | edit source]

Wikimedia Commons get media wey relate to Kelly Gallagher.