Togbe Afede XIV dem born am James Akpo insyd Ho on 23 April 1957 to Corporal Patrick Akpo den Madam Rose Anyawoe. Ein twin brother, Philip, pass away at a young age.[6]
He begin ein education for Ho Bankoe Roman Catholic Boys School insyd 1961 den he enter Kpedze Secondary School insyd 1969, wey he successfully plet ein GCE “O” Level insyd 1974. He san proceed to Labone Secondary School insyd Accra where he excell for de GCE “A” Level examination insyd 1976.[7]
Togbe Afede XIV bi alumnus of University of Ghana where he obtain Bachelor of Business Administration qualification insyd Accounting insyd 1979. He san dey hold MBA from Yale School of Management insyd 1989.[8]
Togbe bi de executive chairman of World Trade Centre Accra den dem vote give am say he become member of de board of directors for de World Trade Centre insyd 2015.[9][10][11] Togbe found SAS Finance Group Ltd, constituting Strategic African Securities Ltd, a stock brokerage den corporate finance advisory firm, den SAS Investment Management Ltd, ebi asset management firm.[12] He san form Strategic Initiatives Ltd (SIL) a portfolio den private equity investment firm, den co-founded Sunon Asogli Power Ghana Ltd, Databank Financial Services den Africa World Airlines Ltd.[13]
He san bi co-pilot for de Embraer 145 aircraft of Africa World Airlines wey he pilot for de first landing at Ho Airport insyd April 2021.[14]