Lydia Zynnell Zuh (dem born am July 18, 1990) be Ghanaian fashion icon, actress, writer, producer, television personality den philanthropist wey she dey hail from de Volta region wey dey Ghana. She join de Ghana movie industry for 2004 insyd wey she receive several awards for ein works wey sam dey include, Glitz Style Awards, City People Entertainment Awards den Golden Movie Awards.
Dem born Zynnell Zuh for Accra, Ghana. She get ein secondary school education for Wesley Girls Senior High School. She later further ein education for University of Ghana wer she acquire bachelor's degree for Geography d en Information Studies insyd.
Zynnell Zuh join Ghana Movie Industry for 2004 insyd. Ein first screen appearance be through de V series ‘Sticking to de Promise’ by Point Blank Media. De actress, wey Shirley Frimpong-Manso discover am, cam get fame for 2010 insyd afta say she star for several television series den movies wey dey include 'Tears of a Smile'. She later venture into movie productions wer she produce When Love Comes Around, wey de movie win award for de 2015 Africa Magic Viewer's Choice Awards.
She produce When Loves Comes Around, Love Regardless den Anniversary.
As of 2016, na she be ambassador give United Against Child Poverty Campaign, ebi initiative by de African Rights Initiative International wey dey help eradicate child poverty for Africa insyd. She san be Patron give Inspire Africa NGO.
She star for several movies wey dey include: