આરોગ્ય સેતુ

આરોગ્ય સેતુ
આરોગ્ય સેતુ એપનું ચિહ્ન
આરોગ્ય સેતુ એપનું ચિહ્ન
સોફ્ટવેર વિકાસકર્તાઓનેશનલ ઇન્ફર્મેટિક્સ સેન્ટર, ભારત સરકાર
પ્રારંભિક વિમોચનએપ્રિલ ૨૦૨૦
સ્ત્રોતgithub.com/nic-delhi/AarogyaSetu_Android
પ્રોગ્રામિંગ ભાષાકોટલિન અને જાવા
ઓપરેટિંગ સિસ્ટમ
  • એન્ડ્રોઇડ
  • iOS
  • ૧૯૨૧ આરોગ્ય સેતુ IVRS
  • કાઇOS
કદ૪.૦ એમબી (એન્ડ્રોઇડ)
ઉપલબ્ધતા૧૨ ભાષાઓ
ભાષાઓની યાદી
અંગ્રેજી, હિંદી, તેલુગુ, કન્નડ, મલયાલમ, તમિલ, પંજાબી, બંગાળી, ઓડિયા, ગુજરાતી, મરાઠી અને આસામી
પ્રકારઆરોગ્ય સંભાળ
સોફ્ટવેર લાયસન્સઅપાચે લાયસન્સ ૨.૦
વેબસાઇટwww.aarogyasetu.gov.in

આરોગ્ય સેતુ ભારત સરકારના ઇલેક્ટ્રોનિક્સ અને ઇન્ફોર્મેશન ટેકનોલોજી મંત્રાલય હેઠળ આવેલા નેશનલ ઇન્ફોર્મેટિક્સ સેન્ટર દ્વારા વિકસિત એક કોવિડ-૧૯ રોગનું સ્વ મૂલ્યાંકન, ફેલાવાની જાણકારી તેમજ કોન્ટેક્ટ ટ્રેસિંગ અંગેની મોબાઇલ એપ્લિકેશન (એપ) છે.

આ એપ્લિકેશનનો હેતુ ભારતની જનતામાં જાગૃતિ ફેલાવવાનો અને આવશ્યક આરોગ્ય સેવાઓ સાથે તેમને જોડવાનો જણાવવામાં આવ્યો છે. આ એક ટ્રેકિંગ એપ્લિકેશન છે, જે કોરોનાવાયરસ ચેપ વિશે માહિતી મેળવવા માટે સ્માર્ટફોનની જીપીએસ અને બ્લૂટૂથ સુવિધાઓનો ઉપયોગ કરે છે. આરોગ્ય સેતુ એન્ડ્રોઇડ[૧] અને iOS મોબાઇલ ઓપરેટિંગ સિસ્ટમ્સ માટે ઉપલબ્ધ છે.[૨] બ્લૂટૂથ ટેક્નોલોજીનો ઉપયોગ કરીને આ એપ તેના ડેટાબેઝમાં રહેલી માહિતીનો ઉપયોગ કરીને જો કોઇ કોવિડ-૧૯ ચેપગ્રસ્ત વ્યક્તિ નજીક હોય તો વપરાશકર્તાને ચેતવણી આપે છે.[૩]

આ એપ્લિકેશન એ કોરોના કવચ એપનું નવું સંસ્કરણ છે, જે ભારત સરકાર દ્વારા બહાર પાડવામાં આવી છે.[૪]

વિશેષતાઓ

[ફેરફાર કરો]

આરોગ્ય સેતુમાં ચાર વિભાગો છે. જેમ કે, તમારી સ્થિતિ, સ્વ મૂલ્યાંકન, કોવિડ-૧૯ રોગચાળાની છેલ્લી માહિતી અને ઇ-પાસ (જે હજુ સક્રિય થવાનું બાકી છે). તમારી સ્થિતિ વપરાશકર્તા માટે કોવિડ-૧૯ થવાનું જોખમ કહે છે. સ્વ મૂલ્યાંકન વપરાશકર્તાને ચેપ લાગવાનું જોખમ જણાવે છે. કોવિડ-૧૯ અપડેટ સ્થાનિક અને રાષ્ટ્રીય સ્તરે કોવિડ-૧૯ના ફેલાવા અંગે છેલ્લી માહિતી આપે છે.[૫]

આરોગ્ય સેતુ હાલમાં ૧૧ ભાષાઓમાં ઉપલબ્ધ છે (અંગ્રેજી, હિંદી, તેલુગુ, કન્નડ, મલયાલમ, તમિલ, પંજાબી, બંગાળી, ઓડિયા, ગુજરાતી અને મરાઠી) અને ટૂંક સમયમાં વધુ ભારતીય ભાષાઓમાં ઉપલબ્ધ થશે. આ એપમાં પ્રવેશ કર્યા પછી વપરાશકર્તાને આરોગ્ય અને અન્ય માહિતીઓ પૂરી પાડવાનું કહેવામાં આવે છે.

પ્રતિભાવ

[ફેરફાર કરો]

આરોગ્ય સેતુ રજૂ થયાના ત્રણ દિવસમાં જ પચાસ લાખ ડાઉનલોડ પાર કરી ગયી હતી, જે વડે તે સરકારી એપ્લિકેશનોમાં સૌથી વધુ લોકપ્રિય એપ બની છે.[૬][૭] તે વિશ્વની સૌથી ઝડપથી વિકસતી મોબાઇલ એપ્લિકેશન છે, જે ૨ એપ્રિલ ૨૦૨૦ના રોજ રજૂ થયાના માત્ર ૧૩ દિવસમાં જ લગભગ ૫ કરોડ જેટલા મોબાઇલ પર સ્થાપિત થયેલી છે.[૮]

૨૯ એપ્રિલ ૨૦૨૦ના રોજ કેન્દ્ર સરકારે તેના કર્મચારીઓ માટે આરોગ્ય સેતુનો ઉપયોગ ફરજિયાત બનાવ્યો હતો.[૯] ત્યાર પછી કોંગ્રેસ પક્ષના નેતા રાહુલ ગાંધીએ આરોગ્ય સેતુને "અત્યાધુનિક સર્વેલન્સ સિસ્ટમ" ગણાવી હતી.[૧૦][૧૧] જોકે ઇલેક્ટ્રોનિક્સ અને ઇન્ફોર્મેશન ટેકનોલોજી મંત્રાલયે આ દાવાને નકારી કાઢ્યો હતો અને જણાવ્યું હતું કે આ મોબાઇલ એપનો ઉપયોગ સલામત છે અને આંતરરાષ્ટ્રીય સ્તરે તેના વખાણ થયા છે.[૧૨]

૨૬ મે, ૨૦૨૦ના રોજ સલામતી અને અંગતતા વિશે ઉઠેલા પ્રશ્નોના કારણે મોબાઇલ એપનો સોર્સ કોડ જાહેરમાં ઓપનસોર્સ હેઠળ મૂકવામાં આવ્યો હતો.[૧૩][૧૪] વધુમાં મંત્રાલયે તેમાં રહેલી ખામીઓને શોધી કાઢવા માટે બગ બાઉન્ટી કાર્યક્રમની ઘોષણા કરી હતી.[૧૫]

સંદર્ભ

[ફેરફાર કરો]
  1. ↑ "Aarogya Setu – Apps on Google Play". play.google.com (અંગ્રેજીમાં). મેળવેલ 2020-04-05.
  2. ↑ "Aarogya Setu Mobile App". MyGov.in (અંગ્રેજીમાં). મેળવેલ 2020-04-05.
  3. ↑ "Govt launches 'Aarogya Setu', a coronavirus tracker app: All you need to know". Livemint (અંગ્રેજીમાં). 2020-04-02. મેળવેલ 2020-04-05.
  4. ↑ "Govt discontinues Corona Kavach, Aarogya Setu is now India's go-to COVID-19 tracking app". The Financial Express (અંગ્રેજીમાં). 2020-04-05. મેળવેલ 2020-04-05.
  5. ↑ "Aarogya Setu New UI and Features". SA News Channel.
  6. ↑ "Aarogya Setu App Crosses 5 Million Installs in 3 Days". NDTV Gadgets 360 (અંગ્રેજીમાં). મેળવેલ 2020-04-05.
  7. ↑ Bureau, ABP News (2020-04-04). "Coronavirus India: Govt's 'Aarogya Setu' App Crosses 5 Million Downloads in 3 Days". news.abplive.com (અંગ્રેજીમાં). મેળવેલ 2020-04-05.
  8. ↑ "Aarogya Setu beats 'Pokémon GO' record, crosses 50 million downloads in 13 Days". Wion.
  9. ↑ Bhalla, Abhishek (29 April 2020). "Centre makes Arogya Setu app must for all central govt employees". India Today (અંગ્રેજીમાં). મેળવેલ 2020-04-29.
  10. ↑ Clarance, Andrew (15 May 2020). "Why is India's contact tracing app controversial?". BBC News. મેળવેલ 21 May 2020.
  11. ↑ "Rahul Gandhi terms Aarogya Setu a 'sophisticated surveillance system', RS Prasad hits back". Moneycontrol. મેળવેલ 2 May 2020.
  12. ↑ "Rahul Gandhi terms Aarogya Setu a 'sophisticated surveillance system', RS Prasad hits back". Moneycontrol. મેળવેલ 2 May 2020.
  13. ↑ "Aarogya Setu identified over 3k virus hotspots in 3-17 days ahead of time: Kant". Livemint. 26 May 2020. મેળવેલ 27 May 2020.
  14. ↑ nic-delhi/AarogyaSetu_Android, nic-delhi, 27 May 2020, https://github.com/nic-delhi/AarogyaSetu_Android, retrieved 27 May 2020 
  15. ↑ "Government Open Sources Aarogya Setu App Code After Facing Criticisms". NDTV Gadgets 360 (અંગ્રેજીમાં). મેળવેલ 2020-06-15.

બાહ્ય કડીઓ

[ફેરફાર કરો]