પોનમુડી

પોનમુડી
પોનમુડીથી સવારનું દ્રશ્ય
શિખર માહિતી
ઉંચાઇ	1,100 m (3,600 ft)
અક્ષાંસ-રેખાંશ	8°45′37″N 77°07′00″E / 8.76028°N 77.11667°E / 8.76028; 77.11667
નામ
ભાષાંતર	പൊന്മുടി (મલયાલમ)
ભૂગોળ
પોનમુડી નેડુમાંગડ તાલુકો , તિરુવનંતપુરમ્ જિલ્લો, કેરળ, ભારત
પિતૃ પર્વતમાળા	પશ્ચિમ ઘાટ
આરોહણ
સૌથી સહેલો રસ્તો	ચઢાણ

પોનમુડી (મલયાલમ: പൊന്മുടി, ભાષાંતર: સુવર્ણ શિખર) એ ભારતનાં દક્ષિણી રાજ્ય કેરળના થિરુવનંતપુરમ જિલ્લામાં આવેલું એક ગિરિમથક છે. તે થિરુવનંતપુરમની ઈશાન દિશામાં ૬૧ કિ.મી. જેટલા અંતરે દરિયાઈ સપાટીથી ૧૧૦૦ મીટર જેટલી ઊંચાઈ પર આવેલું છે. આ સ્થળ પશ્ચિમ ઘાટનો એક ભાગ છે અને આ પર્વતમાળા અરબી સમુદ્રને સમાંતર ચાલે છે.

પર્યટન

પોનમુડી તે થિરુવનંતપુરમ સાથે એક સાંકડા અને વાંકડીયા રસ્તાથી જોડાયેલું છે. આખા વર્ષ દરમ્યાન અહીંનું વાતાવરણ ખુશનુમા રહે છે. અહીં સુધી પગપાળા પર્યટન અને પર્વતારોહણ કરવા માટે થિરુવનંતપુરમ એ તળેટીનું સ્થળ બને છે. અહીં ચાના બગીચાઓ પણ આવેલા છે.

સોનેરી ખીણ અને નાનકડા ઝરણા અને નદીઓ અહીંનું અન્ય આકર્ષણ છે. અહીંના હરિયાળા જંગલોમાં ઉષ્ણ કટિબંધીય પ્રકારની વનસ્પતિ જોવા મળે છે. અહીંના જંગલોમાં વિવિધ પ્રકારની વનસ્પતિસૃષ્ટિ જોવા મળે છે. સુવર્ણ ખીણમાંથી આસપાસની ટેકરીઓ અને કાલાર નદી સુધી પહોંચી શકાય છે. આ નદી જંગલોમાંથી વહે છે આથી તેના પટમાં ગોળાકાર પથરા, ઠંડુ પાણી, માછલીઓ અને જંગલને હરિયાળી મળે છે.

આ ક્ષેત્રનું અન્ય આકર્ષણ છે અગસ્ત્ય માલા અથવા અગસ્ત્યરકૂડમ. તે પશ્ચિમ ઘાટની સૌથી ઊંચી ટેકરીઓમાંની એક છે જેની ઊંચાઈ ૧૮૬૮ મી છે. આ ટેકરી ગીચ જંગલો વચ્ચે આવેલી છે અને જંગલ વિભાગની પરવાનગી મેળવ્યા પછી જ અહીં જઈ શકાય છે. મીન્મુટી ધોધ પણ આ ક્ષેત્રનું એક આકર્ષણ છે.

પોનમુડીની એક શિયાળુ સાંજ

પહોંચ

• નજીકનું હવાઈ મથક - થિરુવનંતપુરમ આંતરરાષ્ટ્રીય હવાઈ મથક.
• નજીકનું રેલ્વે સ્ટેશન ત્રિવેંદ્રમ સેંટ્રલ.
• નજીકના બસ સ્થાનક નેડુમાંગડ અને વિતુરા. કેરળ રાજ્ય પરિવહન નિગમની બસો તિરુવનંતપુરમ કે નેડુમંગડથી મળે છે ^[૧]).
• સમગ્ર રસ્તા પર આવેલ નિર્દેશક પાટીયાથી પોનમુડી સુધી સરળતાથી પહોંચી શકાય છે.
• પોનમુડી બ્રાઈમોરની નજીક આવેલું છે જે પોતે પણ એક પ્રવાસી આકર્ષણ છે
• પોનમુડીમાં અન્ય ઘણે ટેકરીઓ છે. તેમાંની એક છે મોટ્ટા ટેકરી જે પર્વતારોહણ માટે પ્રખ્યાત છે.
• આ ટેકરી પેરેંગમાલા ગામડાની હદમાં આવે છે, જે અહીંથી ૩૬ કિમી દૂર છે.
• અહીં એક હરણ ઉદ્યાન અને એક બિનતારી સ્થાનક પણ અપર સેનીટોરિયમ આગળ છે.

આ પણ જુઓ

• પશ્ચિમ ઘાટ - પોનમુડી પશ્ચિમ ઘાટનો એક ભાગ છે
• અનામુડી (ആനമുടി) - કેરળની સૌથી ઊંચી ટેકરી
• અગસ્ત્યમલા (അഗസ്ത്യമല) - કેરળની બીજી સૌથી ઊંચી ટેકરી

ચિત્રદર્શન

• 
  કેરળ પ્રવાસન વિકાસ નિગમ રિસોર્ટ
• 
  પોનમુડી - ટેકરીઓ અને રસ્તાઓ
• 
  કાલાર નદીનું ઝરણું
• 
  પેનોરમા દૃશ્ય - પોનમુડી

સંદર્ભ

1. "Trivandrum -Tourist Places - Ponmudi". મૂળ માંથી 2010-08-29 પર સંગ્રહિત. મેળવેલ ૧૧ સપ્ટેમ્બર ૨૦૧૦.

બાહ્ય કડીઓ

• નેડુમંગડ તાલુકો સંગ્રહિત ૨૦૧૯-૦૩-૨૫ ના રોજ વેબેક મશિન