Kay Williamson (Alunlunsun 26, 1935, Hereford, United Kingdom – Alunlunsun 3, 2005, Brazil) ji Ruth Margaret Williamson e yin ogbe susu dotọ he yọn na oplọn gando ogbe Aflikanu lẹ tọn, tintengbe na mẹhe to Niger Delta to Naijilia lẹ, to fihe e nọ na nudi owhe kandeao (50). E nọ yin yiylọdọ Onọ ogbe susu dotọ Naijilia-nu lẹ tọn podọ e sọ yin yinyọnẹn na hinhẹn owekun Pan-Nigerian alphabet wa aimẹ.
Wesetọ Kay Williamson yin jiji do Hereford, England, to fihe e nọ na owhe 18 tintan gbẹzan etọn tọn. E wọ wẹ yin ovi he whẹn hugan to ovi ṣidopo mẹ. Otọ́ etọn, Alfred Henry Williamson, ehe sọ yin yinyọnẹn taidi Hsrry, wẹ yin dowatọ Wyevale Nurseries he yin wehọmẹ yọpọvu lẹ tọn. [Otọ́]] etọn podo onọ etọn Harriett Eileen Williamson po diọ Wyevale nurseries do nuwatẹn daho de to Europe. Williamson yi wehọmẹ to Hereford girls' high school podo St Hilda's College, Oxford, to fihe e mọ gbedewema ( BA) yi te to yovogbemẹ to 1956, zọnpọ podo gbedewema daho (MA) po to 1960.
Zinjẹgbonu susu etọn lẹ bẹ ohòagokun podo wezẹhomẹ to ogbe Ijo tọn mẹ, wezẹhomẹ Igbo tọn podo susu owe oplọn tọn lẹ he dọho do hosọ voovo lẹ ji.
Kay Williamson yin yinyọnẹn na vivẹnudido etọn na azọ́ngban nuwiwa gbangba tọn lẹ to ogbe mẹ. E tindo nujikudo lọ dọ ogbedotọ de dona gọalọna hodọtọ ogbe lọ lẹ tọn gando dodinanu etọn go nado basi kandai lẹ to ogbe yetọn mẹ. E yi ganmẹ he họakue zan nado nọgodona azọ́n wehihia pinplọn omẹ Ayimatẹn Rivers tọn lẹ, yedọ azọ́n de he yin awuwlena nado hẹn wehihia podo kinkàn po wa wehọmẹ pẹvi bẹjẹeji tọn lẹ to ogbe he dibla yi ko (20) mẹ he yin ogbe he nọ yin dido hugan to lẹdo omẹ Ijo tọn lẹ mẹ. Na enẹwutu, owe susu lẹ wẹ yin bibladopọ gbọn Williamson dali podo azọ́nwatọgbẹ etọn lẹ po.
To 2002, e yin dide taidi UNESCO Professor of Cultural Heritage, University of Port Harcourt, otẹn de he e hẹn bosọ nọ kakajẹ whenuena e basi matintọ.
Azọ́n etọn he yin zinzinjẹgonu lẹ yin vivọjlado gbọn Roger Blench dali.
Williamson whẹn do amisa Methodist tọn mẹ bo wa lẹzun (Quaker to bẹjẹeji owhe 1990 tọn bosọ bẹ azọ́n avunlọyinamẹtọ jijọho tọn jẹeji).
E basi matintọ to whenue e tindo owhe 69 to Brazil to 3 Alunlunsun 2005.