Manx Airlines | ||
---|---|---|
IATA JE | ICAO MNX |
Eam-chowrey MANX |
Bunnit | 1982 | |
Creeaghyn | IOM Purt Aer Vannin | |
Mooadys lhuingys | 5 (2002) | |
King jurnaa | BHX Birmingham International CWL Cayr Deeth ORK Corkee DUB Divlyn GLA Glaschu JER Jersee LBA Bradford LPL Lerphoyll LHR Lunnin Heathrow LTN Lunnin Luton MAN Manchuin NCL Balley Chashtal Noa SOU Southampton | |
Corys troailtee vennick | Club Sovereign | |
Kione-cherroo | Purt Aer Vannin Balley Sallagh, Malew, Mannin | |
Sleih ogheragh | Terry Liddiard |
She aer-lhuingys soit ayns Mannin ee Manx Airlines ny Skianyn Vannin eddyr 1982 as 2002. Va'n kione-cherroo eck ayns Purt Aer Vannin.[1]
Va aer-lhuingys elley ayns fo'n ennym cheddin eddyr 1947-1958.[2]
She co-halee v'ayn eddyr daa aer-lhuingys Hostnagh, British Midland Airways as AirUK.[3] Ghow ad toghiaght etlagh er Mee Houney 1, 1982 as she JE601 va'n chied etlagh, voish Purt Aer Vannin dys Purt Aer Ghlaschu er etlan Embraer EMB 110 Bandeirante.
Ayns Mee Vayrnt 1991, chroo Manx Airlines rheynn "Manx Airlines Europe" dys skeaylley as getlagh harrish y Reeriaght Unnaneysit.[4] Ayns 1994 haink Manx Airlines Europe dy ve ny ymmyrkagh fo chiartys dellal da British Airways, as dettyl ee fo ghaahghyn British Airways. Ayns Mean Souree 1996 cheaghil Manx Airlines Europe yn ennym eck da British Regional Airlines. Ayns Mee Vayrnt 2001, ren British Airways kionnaghey yn British Regional Airlines Group (colught hellooagh British Regional Airlines as Manx Airlines) er son £78m.[5] Ren ad covestey Manx Airlines marish Brymon Airways myr "British Airways CitiExpress".
Scuirr Manx Airlines jeh etlagh er 31 Luanistyn 2002.
Eddyr 1985 as 1993, ren yn aer-lhuingys ymmyd jeh etlanyn Shorts 360 as Shorts 330. Va Vickers Viscount 836 eck eddyr Mee Houney October 1983 as Mee Houney October 1988.[6] She y Viscount s'jerree 'syn RU dettyl troailtee er skedjal, as dettyl eh ymmodee keayrtyn 'shampane' roish my scuirr eh jeh etlagh.
Eddyr 1987-88, va Saab 340 eck, fo'n ennym "City Hopper" tra dettyl eh shirveishyn Lerphoyll-Heathrow. Ayns Mee Houney 1988, chionnee ish BAe ATP ayns ynnyd y Viscount. Va BAe 146 eck myrgeddin.
Eddyr Mee Vayrnt 1999 as jee-vunnaghey, shoh ny h-etlanyn v'eck:[7]
Sorçh | Coad(yn) |
---|---|
BAe 146 | G-MIMA |
BAe ATP | G-MANA, G-MANB, G-MANC |
Jetstream 41 | G-MAJA |
Rere y phlan bunneydagh, lhisagh BAe 146 G-MIMA er netlagh y turrys s'jerrinagh, voish Gatwick dys Roonysvaie. Er coontey doilleeidyn çhaghnoaylleeagh, ghow ad stiagh etlan er maayl. Ren Manninagh, Captan Paul Quine, getlagh ATP G-MANB as roshtyn Roonysvaie ec 20:10 GMT er Jesarn 31 Luanistyn 2002.