Attahiru Bafarawa

Attahiru Bafarawa
gwamnan jihar Sokoto 29 Mayu 1999 - 29 Mayu 2007 ← Rufa'i Garba - Aliyu Magatakarda Wamakko →
Rayuwa
Haihuwa	4 Oktoba 1954 (70 shekaru)
ƙasa	Najeriya
Karatu
Harsuna	Turanci Hausa Pidgin na Najeriya
Sana'a
Sana'a	ɗan siyasa
Imani
Jam'iyar siyasa	All Nigeria Peoples Party

Alhaji Attahiru Dalhatu Bafarawa (an haife shi a ranar 4 ga watan Nuwamba shekara ta alif 1954A.C) Miladiyya. Dan siyasan Nijeriya ne wanda ya kasance gwamnan jihar Sakkwato a Nijeriya daga ranar 29 ga watan Mayu na shekarar 1999 zuwa ranar 29 ga watan Mayu na shekarar 2007.^[1]

Farkon aiki

Bafarawa ya kasance kansilan karamar hukuma mai kula da harkokin Ilimi. A shekara ta Alif (1979) ya kuma tsaya takarar dan majalisar wakilai ba tare da nasara ba a karkashin jam'iyyar Great Nigeria Peoples Party (GNPP). Ya kasance memba na Taron Tsarin Mulki na Kasa na shekara ta (1994) zuwa shekara ta (1995) lokacin mulkin soja na Sani Abacha. Ya kasance memba na United United Congress Congress (UNCP - a shekara ta1997) da Jam'iyyar All People Party (APP - a shekara ta Alif (1998).^[2]

Gwamnan jihar Sakkwato

A cikin shekara ta (1999) aka zabe shi gwamnan jihar Sakkwato a karkashin jam'iyyar All Nigeria Peoples Party (ANPP), sannan aka sake zabarsa zuwa ANPP a shekara ta 2003. A watan Maris na shekara ta 2002, wata kotun shari’ar Musulunci a Jihar Sakkwato ta ’yantar da wata mata’ yar shekara 35 mai suna Safiya Hussaini, wacce aka yanke wa hukuncin kisa ta hanyar jefewa bayan an same ta da laifin yin zina. Ministan shari’ar Najeriya ya ayyana Sharia a matsayin wanda kuma ya sabawa tsarin mulki. Attahiru Bafarawa, ya ce jihohin Sharia ba za su bi wannan zartarwa ba.^[3]

A ƙarƙashin gwamnatin Bafarawa jihar ta samu ci gaba matuka kan ingancin tituna. An inganta makarantu, kuma an samu ci gaba sosai a makarantun saboda ba da tabbacin cewa za a koyar da dukkan daliban dabi'a da addinin Musulunci. Gwamnati ta gina sama da masallatai 70. An inganta ruwan sha ta hanyar gina rijiyoyin burtsatse.^[4]

Daga baya aiki

Attahiru Bafarawa ne ya kafa Jam’iyyar Democratic Party (DPP) kuma ya zama dan takarar ta na shugaban kasa a zaben shugaban kasa na shekara ta 2007 a Najeriya.^[5] A matsayinsa na dan takarar shugaban kasa, yayin da yake ganawa da jami’an ma’aikatar harkokin wajen Amurka a Washington, DC, ya yi alkawarin yin watsi da Hukumar Raya Yankin Neja Delta (NDDC) idan aka zaɓe shi, yana mai bayyana hukumar a matsayin “wata hanyar cin hanci da rashawa da barnata dukiya.”^[6]

Manazarta

1. Sokoto State Government". Sokoto State. Archived from the original on 3 June 2009. Retrieved 7 December 2009.
2. Dickson, Ifeatu (23 March 2007). "Bafarawa: Ahead on merit". The Sun Publishing Limited. Archived from the original on 21 August 2007. Retrieved 12 April2008.
3. Sokoto Governor Attahiru Bafarawa discusses Sharia ruling". Voice of America. 25 March 2002. Retrieved 6 December 2009
4. Jonathan Elendu (26 March 2006). "A Visit to the Seat of the Caliphate". ElunduReports. Retrieved 6 December 2009.
5. Dickson, Ifeatu (23 March 2007). "Bafarawa: Ahead on merit". The Sun Publishing Limited. Archived from the original on 21 August 2007. Retrieved 12 April2008.
6. RABI'U AUWAL (22 March 2007). "I'll scrap NDDC if... – Bafarawa". Daily Triumph. Retrieved 5 December2009.