Tahereh Saffarzadeh

hoton mawakiya taherah

   

Tahereh Saffarzadeh ( Persian,a shekarata 1936 a Sirjan, Lardin Kerman, Iran - Oktoba 25, shekara ta 2008 a Tehran, Iran) mawaƙiyar Iran ce, marubuciyar,fassara kuma fitacciyar malamar jami'a. ^[1]

Iliminta

Ta sami BA a cikin harshen Ingilishi da adabi a shekara ta 1960. Bayan shekaru da yawa tabar Iran zuwa Ingila sannan tatafi Amurka . Bayan da aka karbe ta amatsayin memba na Shirin Rubuce-rubuce na Duniya, ta kuma shiga shirin MF A wanda aka tsara shi da gaske don baiwa marubuta, mawaka, masu zane da dai sauransu, su koyar da fannonin fasaha daban-daban a cikin bita na zahiri da na ka'ida. darussa, a matakin jami'a. Don digirinta tayi karatun manyan adabin duniya na zamani tare da mai da hankali ta musamman kan sukar adabi da tarjama. ^[2]

Ayyukanta

Saffarzadeh ta buga wakoki juzu'i goma sha hudu. Ita ce mawallafiyar litattafai goma kan ka’idojin fassara da suka shafi nassoshin adabi da na kimiyya da na Alkur’ani.

Dangane da tasirin kimiyyar fassahar, Saffarzadeh ta gabatar da ka'idoji da yawa waɗanda aka ɗauka "cigaban Kimiyya ta hanyar Fassara" wanda ya fi shahara. A cikin littafin “Translating the Fundamental Meanings of the Holy Qur’an” shekara ta (1999) wanda bincike ne na hakika kan fassarar Kur’ani na Turanci da Farisa, tayi nasarar gano manyan aibu da kasawa; kuma ta hanyar kwatanta waɗancan lahani ta bullo da wata sabuwar kofa wajen gano makamantan su a fagen fassarar Alƙur'ani wanda tasirinsa ya bayyana a matsayin wannan gagarumin fassarar fahimta. ^[2] Ta buga fassarar alkur'ani mai yare guda biyu acikin harshen Farisa da turanci a shekara ta 2001, wanda shine fassarar alkur'ani na farko da yaruka biyu, kuma mace ta farko ta fassara alkur'ani zuwa turanci. ^{[3] [4]}

Kyaututtuka da karramawa

" Organisation of Afro-Asian Writers " ce ta zabe ta acikin shekara ta 2005 kuma a cewar "Ministan Al'adu da Watsa Labarai" na Masar Muhammad Majdi Marjan wanda ke jagorantar kungiyar: ^[5]

Wasikar tana karantarwa bangare guda,

"A wani yunkuri na tunawa da manyan mata masu rubuta wasiku, mun zabi fitacciyar mawakiyar Iran Tahereh Saffarzadeh, wacce al'ummar musulma suka saba da dogon tarihinta na gwagwarmaya da ita, a matsayinta na babbar mace a duniyar Musulunci da ma na duniya baki daya. na 2005."

A cewar Kungiyar Marubuta Afro-Asiya : ^[6]

Tahereh Saffarzadeh babbar yar kasar Iran ta sadaukar da kanta wajen yin wakoki kuma marubuciya abin koyi ne madaukaka ga mata muminai mata, cewa dukkan musulmi suna girmama matsayinta kuma saboda fagen fadan siyasarta, da kuma zurfin iliminta, a wannan shekarar ne wannan kungiya ta zabe ta domin gudanar da bikinta.

Nassoshi

1. Muslimah Writers Alliance Muslim Women Making History: Tahereh Saffarzadeh
2. "Saffarzade's website". Archived from the original on 2007-07-07. Retrieved 2023-05-31.
3. Saffarzadeh Commemoration Due Iran Daily, October 18, 2010
4. Art News in Brief Tehran Times, October 28, 2008
5. Muslimah Writers Alliance Muslim Women Making History Tahereh Saffarzadeh
6. "Taherehsaffarzadeh.ir". Archived from the original on 2007-07-07. Retrieved 2023-05-31.

Majiya

• http://zamaaneh.com/news/2008/10/post_6780.html
• http://www.farsnews.ir/newstext.php?nn=8708040168
• http://atiban.com/article.aspx?id=3164^{[permanent dead link]}

Hanyoyin haɗi na waje

• Gidan yanar gizon hukuma Archived 2007-01-05 at the Wayback Machine