Kćěje wot apryla hač do meje. Kćenja su blědoróžojte, krótko stołpikate, docpěja přeměr wot 2 hač do 3 cm a so před łopjenami jewja. Wone móže jednore abo wupjelnjene być a steja po jednym hač po pjećoch we wokołkach.
Sorta 'Autumnalis' docpěje wysokosć wot 4,5 m a kćěje z přetorhnjenjemi wot pózdnjeho nazyma hač do nalěta. Wona njese běłe, jako pupki róžojte, kćenja. Mrózy kćěwje přetorhuja, ale so to w nalěće pokročuje. Jeje hałuzy słabje přewisuja.
Sorta 'Autumnalis rosea je podobna, ale kćěje róžojće.
Sorta 'Fukubana' docpěje wysokosć wot hač do 6 m. Jeje króna je šěroka. Połwupjelnjene kćenja su jako pupki ćmoworóžojte, pozdźišo róžojte. Jich krónowe łopješka su hłuboko zarězane.
Sorta 'Pendula' njese wisace hałuzy a wot pózdnjeho zyma hač do nalěta mnoholičbne małke, pjećličbne, blědoróžojte kćenja. Jeje płody su brunočerwjene. Wone so často jako wysoki zdónk šćěpi.
Sorta 'Pendula Rubra' njese róžojte kćenja a kćěje w nalěće.
'Accolade' docpěje wysokosć wot hač do 8 m a njese połwupjelnjene, blědoróžojte kćenja, kotrež so z róžojtych pukow wuwiwaja. Wona je hybrida ze sachalinskej wišnju (Prunus sargentii).
'Hally Jolivette' je hybrida z P. × subhirtella × yedoensis a P. × subhirtella. Wona je 2,5-4,5 wysoki a šěroki kerk. Jeje zrunane, čerwjenojte hałuzy njesu běłe kćenja, kotrež so z róžojtych pupkow wuwiwaja.