Klětno

**Klětno**
Klitten
	Połoženje Klětnoho na karće Hornjeje Łužicy
	Połoženje Klětnoho na karće Hornjeje Łužicy
gmejna:	Hamor
zagmejnowanje:	2009
wjesny předstejićer:	Annemarie Bahlo
wobydlerstwo:	459 (30. nowembra 2020)
přestrjeń:	5,29 km²
wysokosć:	134 metrow n.m.hł.
	51.3514.6134 Koordinaty: 51° 21′ 0″ S, 14° 36′ 0″ W
póstowe čisło:	02943
předwólba:	035895
	wobydler/ka:; Klětnjan/-ka
	adjektiw:; Klětnjanski
	skłonowanje:; Klětnoho, Klětnomu, Klětno, Klětnom, w Klětnom
	Starolutherska cyrkej swj. Jana Starolutherska cyrkej swj. Jana
	wikidata: Klětno (Q703135)

Klětno (němsce Klitten) je wjes w sakskim wokrjesu Zhorjelc, kotraž ke gmejnje Hamor słuša. Leži w Hornjej Łužicy 134 m nad mórskej hładźinu a ma 459 wobydlerjow.^[2] Prěnje historiske naspomnjenje jako Cleten^[3] je z lěta 1396. Ke Klětnomu słuša wosebita forma serbskeje narodneje drasty.

Geografija

Njedaloko Klětnoho je přibrjóh Bjerwałdskeho jězora. W lětomaj 2014/2015 připrawjeny hłowny pěskojty přibrjóh při jězorje je tež po wsy pomjenowany – Klětnjanski přibrjóh.

Klětno leži při železniskej čarje mjez Wojerecami a Zhorjelcom. Klětnjanske dwórnišćo leži poprawom w Jamnom, wjesnym dźělu Klětnoho. Twarjenje Klětnjanskeho dwórnišća so hižo njewužiwa.

Wobydlerstwo

Hačrunjež leži wjes w serbskim sydlenskim rumje, lědma abo scyła nichtó hižo tu serbsce njerěči. Zajimawe je, zo je so ličba Serbow w druhej połojcy 19. lětstotka w dźeń a wjetšej wsy samo zwyšowała, a to zwjetša dla funkcije Klětnoho jako srjedźišćo serbskich starolutherskich wěriwych. W lěće 1863 běše 269 z 382 wjesnjanow serbskich, mjeztym zo běše 1880 353 ze 440 Serbow (80 %).^[4] Arnošt Černik zwěsći w lěće 1956 přeco hišće serbskorěčny podźěl wobydlerstwa wot jenož hišće 15,7 %.^[5]

Wobchad

W Klětnom nadeńdźe so zastanišćo při železniskej čarje Wojerecy–Zhorjelc. Linija OE 64, tak mjenowany shuttle jězorina-Nysa, zwjazuje wjes z woběmaj městomaj.

Hlej tež

Kulturne pomniki w Klětnom

Literatura

Klitten/Klětno mit Jahmen/Jamno und Klein Oelsa/Wolešnica. W: Oberlausitzer Heide- und Teichlandschaft (= Werte der deutschen Heimat. Zwjazk 67). 1. nakład. Böhlau, Köln/Weimar/Wien 2005, ISBN 978-3-412-08903-0, str. 174–178.

Žórła

↑ staw: 30. nowembra 2020; Podaća Hamorskeje gmejny na swojej webstronje
↑ 30. nowembra 2020; Podaća Hamorskeje gmejny na swojej webstronje
↑ Klětno w Digitalnym stawizniskim zapisu městnow Sakskeje (němsce)
↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski
↑ Ludwig Elle: Sprachenpolitik in der Lausitz. Ludowe nakładnistwo Domowina, Budyšin 1995, str. 254. [1869 wobydlerjow, z nich 141 dorosćenych z aktiwnymi znajomosćemi serbšćiny, 85 z pasiwnymi, 67 serbskich dźěći a młodostnych, 1576 bjez znajomosćow] → wšě wjeski

Wotkaz

Commons: Klětno – Zběrka wobrazow, widejow a awdiodatajow

Gmejnske dźěle Hamora

[1] staw: 30. nowembra 2020; Podaća Hamorskeje gmejny na swojej webstronje

[2] 30. nowembra 2020; Podaća Hamorskeje gmejny na swojej webstronje

[digit-3] Klětno w Digitalnym stawizniskim zapisu městnow Sakskeje (němsce)

[4] Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski

[5] Ludwig Elle: Sprachenpolitik in der Lausitz. Ludowe nakładnistwo Domowina, Budyšin 1995, str. 254. [1869 wobydlerjow, z nich 141 dorosćenych z aktiwnymi znajomosćemi serbšćiny, 85 z pasiwnymi, 67 serbskich dźěći a młodostnych, 1576 bjez znajomosćow] → wšě wjeski

[1]

[2]

[3]

[4]

[5]