Z terminusom kowerb (jendźelsce coverb) so woznamjenja w rěčespyće werby, kotrež w rěčach z werbowej serializaciju wustupuja a družinu adpozicionalneje funkcije (w konkretnym padźe prepozicionalnu funkciju) wupjelnjuja, na př. w tójšto wuchodnych a juhowuchodno-aziskich rěčach (na př. Chinšćina) ale tež w zapadoafriskich rěčach (na př. Yoruba), ale tež w Madźaršćinje.
Kowerby so z konwerbami (jendźelsce converbs) zaměnić njemali.
W chinšćinje su sćěhowace kowerby:[1]
Kowerb | Werbalny woznam | Prepozicionalny woznam |
yòng | nałožować | z, instrumental |
zài | so namakać, być | w, na, lokatiw |
gēn | sćěhować | z, komitatiw, a |
gěi | dać | za, benefaktiw, datiw |
bǎ | wzać, brać | akuzatiw |