Rakuski rozraz
| |
| Rakuski rozraz (Veronica austriaca) | |
| systematika | |
|---|---|
| Domena | Eukaryoty |
| Swět | Rostlinstwo |
| Asteridy Euasteridy I | |
| rjad: | (Lamiales) |
| swójba: | Putnikowe rostliny (Plantaginaceae) |
| ród: | Rozraz[1][2] (Veronica) |
| družina: | Rakuski rozraz |
| wědomostne mjeno | |
| Veronica austriaca | |
| L. | |
Rakuski rozraz (Veronica austriaca) je rostlina ze swójby putnikowych rostlinow (Plantaginaceae).
Po někotrych žórłach so swójbje trudownikowych rostlinow (Scrophulariaceae) přirjaduje.
Wopis
[wobdźěłać | žórłowy tekst wobdźěłać]Rakuski rozraz je zrunana rostlina, kotraž docpěwa wysokosć wot 10 hač 50 cm. Rostlina je zymokruta.
Stołpik je kosmaty, dołhi a šwižny.
Łopjena su lancetojte, zubate hač cyłokromne.
Kćěje wot meje hač junija. Talerjojte kćenja steja w přećiwostejnych, wjelekćenjowych, dołho stołpikatych kićach. Keluch ma pjeć kónčkow. Króna je ćmowomódra a docpěwa šěrokosć wot 11 hač 15 mm. Jich łopješka móže šěroko-owalne abo wuske być.
Stejnišćo
[wobdźěłać | žórłowy tekst wobdźěłać]Rosće na wapnitych suchich trawnikach, kamjentnych zwisach a nawěwach.
Rozšěrjenje
[wobdźěłać | žórłowy tekst wobdźěłać]Rostlina je w srjedźnej a wuchodnej Europje rozšěrjena.
Sorće a poddružina
[wobdźěłać | žórłowy tekst wobdźěłać]- 'Crater Lake Blue' ma ćmowomódre kćenja a docpěwa wysokosć wot 30 cm.
- 'Royal Blue' je wjetša a ma kralmódre kćenja.
- Poddružina Veronica austriaca ssp. teucrium ma 30 dołhe kćenjowe stołpiki, kotrež wjele móličkich, ćmowomódrych kćenjow njesu. Rostlina preferuje słónco a přesakliwe pódy.
Nóžki
[wobdźěłać | žórłowy tekst wobdźěłać]- ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 435.
- ↑ W internetowym słowniku: Ehrenpreis
Žórła
[wobdźěłać | žórłowy tekst wobdźěłać]- Botanica, Einjährige und mehrjährige Pflanzen, Über 2000 Pflanzenporträts, ISBN 978-3-8331-4469-1, strona 904 (němsce)
- Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 276 (němsce)
- Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
- Kubát, K. (Hlavní editor): Klíč ke květeně České republiky. Academia, Praha (2002)
- Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
- Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)