Բարսելոնա 6-1 ՊՍԺ

Իրադարձություն	ՈՒԵՖԱ Չեմպիոնների Լիգա 2016-2017, 1/16 եզրափակիչ
Բարսելոնա ՊՍԺ 6 1
Ամսաթիվ	2017 թվականի մարտի 8
Մարզադաշտ	Կամպ Նոու մարզադաշտ, Բարսելոնա
Հանդիպման խաղացող	Նեյմար (Բարսելոնա ՖԱ)
Մրցավար	Դենիս Այտեկին
Հանդիսական	96,290[1]
Եղանակ	մասամբ ամպամած 13 °C (55 °F) 80% օդի խոնավություն[2]

Բարսելոնա 6-1 ՊՍԺ, հայտնի նաև որպես La Remontada («Քամբեք»)^[3], խաղ, որը եղել է 2016-2017 թվականների ՈՒԵՖԱ Չեմպիոնների Լիգայի 1/16 փուլի երկրորդ շրջանում և տեղի է ունեցել 2017 թվականի մարտի 8-ին Բարսելոնա քաղաքի Կամպ Նոու մարզադաշտում։ Բարսելոնան այդ խաղում հաղթել է ՊՍԺ-ին՝ հաղթահարելով նախորդ փուլում ստացած 4 գոլի արգելքը։ Բարսելոնան գումարային 6-5 հաշվով հաղթել է՝ հանդիպումը դարձնելով ՈՒԵՖԱ Չեմպիոնների Լիգայի ամենամեծ քամբեքը^[4][5]։

Նախապատմություն

Պատմություն

Այս հանդիպումը պատմության մեջ 3-րդ անգամ էր, երբ ՈՒԵՖԱ Չեմպիոնների Լիգայի շրջանակներում թիմերը խաղում էին միմյանց դեմ, որոնց արդյունքում ՊՍԺ-ն պարտություն է կրել 2012-13 և 2014-15 թվականներին տեղի ունեցած հանդիպումների ժամանակ։

Խմբային փուլ

Երկու թիմերն էլ հեշտությամբ անցել են խմբային փուլ։ ՊՍԺ-ն խմբային փուլից դուրս է եկել 2-րդ տեղով՝ հավաքելով 9 միավոր, հետ մնալով Արսենալից և առաջ անցնելով Բազելից ու Լուդոգորեցից։ Բարսելոնան խմբային փուլն ավարտել է որպես C խմբի առաջատար՝ առաջ անցնելով Մանչեսթեր Սիթիից, Բորուսիա Մյոնխենգլադբախից և Սելտիկից։ Բարսելոնան երկրորդ տեղից՝ Մանչեսթեր Սիթիից, առաջ է եղել 6 միավորով։

Առաջին փուլ

ՈՒԵՖԱ Չեմպիոնների Լիգա 2016-2017
2017 թվականի փետրվարի 14 20:45 ԿԵԺ 1/16 փուլ, 1-ին հանդիպում	ՊՍԺ	4 - 0	Բարսելոնա	Պարկ դե Պրենս, Փարիզ Հանդիսական՝ 46,484[6] Մրցավար՝ Շիմոն Մարցինյակ (Լեհաստան)
	Դի Մարիա  18',  55' Դրաքսլեր  40' Կավանի  72'

Մրցաշրջանում թիմերի մեջ առաջին հանդիպումը տեղի է ունեցել փետրվարի 14-ին Փարիզում՝ Պարկ դե Պրենս մարզադաշտում։ Երկու թիմերն էլ նախորդ խաղերում մեծ հաշվով հաղթանակներ էին տարել․ ՊՍԺ-ն Լիգա 1-ում 3-0 հաշվով հաղթել է Բորդոյին, իսկ Բարսելոնան Լա Լիգայում 6-0 հաշվով՝ ընդդեմ Դեպորտիվո Ալավեսի^[7][8]։

Անխել դի Մարիան փարիզցիներին առաջ է մղել 18-րդ րոպեին՝ Սամուել Ումտիտիի կատարած խախտումից հետո ստացած ազատ հարվածի արդյունքում։ Յուլիան Դրաքսլերը 40-րդ րոպեին հաշիվը դարձրել է 2-0՝ գոլային փոխանցումը ստանալով Մարկո Վեռատտիից։ 55-րդ րոպեին՝ տուգանային հրապարակի դրսից կատարված Դի Մարիայի հարվածից հետո, հաշիվը դառնում է 3-0։ Վերջին գոլը 72-րդ րոպեին խփել է Էդինսոն Կավանին՝ ապահովելով 4-0 հաշվով հաղթանակ։ Ամբողջ խաղի ընթացքում Բարսելոնան իրականացրել էր ընդամենը մեկ դիպուկ հարված։

Հանդիպում

Ամփոփում

Արտաքին տեսաֆայլեր
	Բարսելոնա vs ՊՍԺ 6-1 կարևոր պահեր և գոլեր UCL-2016/2017

Երկրորդ հանդիպումը տեղի է ունեցել մարտի 8-ին Բարսելոնայում՝ Կամպ Նոու մարզադաշտում։ Ինչպես նախորդ անգամ, այնպես էլ այդ ժամանակ, թիմերը հաղթել էին իրենց լիգաների նախորդ խաղը․ Բարսելոնան 5-0 հաշվով հաղթել էր Սելտա Վիգոյին, իսկ ՊՍԺ-ն 1-0՝ Նանսին^[9][10]։

Հանդիսականների թիվը զարմանալիորեն 96,290^[1] էր՝ չնայած դրսի խաղում 4-0 պարտությանը։ Բարսելոնայի առաջին գոլը 3-րդ րոպեին՝ Թոմաս Մենյեի գնդակը հեռացնելուց հետո, գլխով խփել է Լուիս Սուարեսը գրեթե դարսապային գծի մոտից։ 40-րդ րոպեին ՊՍԺ-ի խաղացող Լևեն Կուրզավան ինքնագոլ է խփել՝ փորձելով արգելափակել Անդրես Ինիեստայի հարվածը։ Հաշիվը 3-0 դարձավ այն ժամանակ, երբ Թոմաս Մենյեի կողմից Նեյմարի հանդեպ խախտվեց կանոնները և նշանակվեց 11 մետրանոց հարված, որն էլ անվրեպ իրացրեց Լիոնել Մեսսին։ Բարսելոնայի՝ հաջորդ փուլ դուրս գալու շանսերը քչացան այն ժամանակ, երբ Էդինսոն Կավանին 62-րդ րոպեին խփեց ՊՍԺ-ի միակ գոլը՝ հաշիվը դարձնելով 3-1․ այդ ժամանակ Բարսելոնային հաջորդ փուլ դուրս գալու համար անհրաժեշտ էր խփել ևս 3 գոլ։ Վերջին րոպեներին՝ 88-րդ և 91-րդ, Նեյմարը խփեց երկու գոլ, որից առաջինը՝ ազատ հարվածից, իսկ երկրորդը՝ 11 մետրանոց հարվածից։ Խաղի վերջին վայրկյաններին Նեյմարը փոխանցում կատարեց տուգանային հրապարակ, որտեղ էլ 95-րդ րոպեին Սերխի Ռոբերտոն խփեց 6-րդ և վերջին գոլը, ինչի արդյունքում Բարսելոնան գումարային 6-5 հաշվով անցավ հաջորդ փուլ։ Հանդիպումը սոցիալական մեդիայում ներկայացվել է որպես «ապշեցուցիչ», «անհավատալի», «հրաշք»^[4][11][12]։

Մանրամասներ

2017 թվականի մարտի 8 ՈՒԵՖԱ Չեմպիոնների Լիգա 2016-2017 20:45 ԿԵԺ 1/16 փուլ, 1-ին հանդիպում	Բարսելոնա	6 - 1	ՊՍԺ	Կամպ Նոու, Բարսելոնա Հանդիսական՝ 96,290[13] Մրցավար՝ Դենիս Այտեկին
	Լ. Սուարես  3' Կուրզավա  40' (ինքն․) Մեսսի  50' (պեն․) Նեյմար  88', 90+1' (պեն․) Ռոբերտո  90+5'		Կավանի  62'

Բարսելոնա

Պարի Սեն-Ժերմեն

GK 1 Մարկ-Անդրե տեր Շտեգեն CB 14 Խավիեր Մասկերանո CB 3 Ժերար Պիկե 23' CB 23 Սամուել Ումտիտի DM 5 Սերխի Ռոբերտո 36' RM 4 Իվան Ռակիտիչ 61' 84' LM 8 Անդրես Ինիեստա (ավագ) 65' AM 10 Լիոնել Մեսսի RF 12 Ռաֆայել 76' CF 9 Լուիս Սուարես 67' LF 11 Նեյմար 64' Պահեստայիններ՝ GK 13 Յասպեր Սիլեսեն DF 18 Ժորդի Ալբա DF 19 Լյուկա Դին DF 20 Սերխի Ռոբերտո 76' MF 7 Արդա Թուրան 65' MF 21 Անդրե Գոմեշ 84' FW 17 Պակո Ալկասեր Մարզիչ՝ Լուիս Էնրիկե

GK 1 Քևին Թրապպ RB 12 Թոմաս Մենյե 90+3' CB 5 Մարկինյոս 90' CB 2 Տիագո Սիլվա (ավագ) LB 20 Լևեն Կուրզավա CM 25 Ադրիան Ռաբիո CM 14 Բլեյզ Մատուիդի 5' RW 7 Լուկաս Մոուրա 55' AM 6 Մարկո Վեռատտի 90+4' LW 23 Յուլիան Դրաքսլեր 14' 75' CF 9 Էդինսոն Կավանի 42' Պահեստայիններ՝ GK 16 Ալֆոնս Արեոլա DF 3 Պրեսնել Կիմպեմբե DF 19 Սերժ Օրիե 75' MF 4 Գժեգոժ Կրիխովյակ 90+3' MF 10 Խավիեր Պաստորե MF 11 Անխել դի Մարիա 55' MF 21 Հատեմ Բեն Արֆա Մարզիչ՝ Ունայ Էմերի

Վիճակագրություն

Ընդհանուր^[14]

Վիճակագրություն	Բարսելոնա	Պարի Սեն-Ժերմեն
Խփված գոլեր	6	1
Ընդհանուր հարվածներ	17	7
Դիպուկ հարվածներ	7	3
Սեյվեր	2	2
Գնդակի տիրապետում	65%	35%
Անկյունայիններ	6	4
Կանոնների խախտումներ	16	25
Խաղից դուրս իրավիճակներ	3	5
Դեղին քարտեր	5	5
Կարմիր քարտեր	0	0

Հանդիպումից հետո

Քառորդ եզրափակչում Բարսելոնան նորից ծանր պարտություն է կրել՝ հակառակորդի դաշտում այս անգամ 3-0 հաշվով պարտվելով Յուվենտուսին^[15]։ Սակայն այս անգամ Բարսելոնան տնային հանդիպման ժամանակ չի կարողացել կրկնել նույն քամբեքը, որը կատարել էր նախորդ փուլում, ինչից հետո տանը 0-0 խաղալով՝ դուրս է մնացել Չեմպիոնների Լիգայից^[16]։

ՊՍԺ-ի դեմ տարած հաղթանակի գլխավոր հերսոներից մեկը՝ Նեյմարը, 2017 թվականի օգոստոսին ռեկորդային տրանսֆերային արժեքով Բարսելոնայից տեղափոխվում է ՊՍԺ^[17]։ Ըստ լրագրողների կործիքի՝ Նեյմարի՝ Բարսելոնան լքելու գլխավոր պատճառներից մեկն այն էր, որ ՊՍԺ-ի դեմ տարած հաղթանակից հետո ուշադրության մեծ մասն ուղղված է եղել իր խաղընկերոջը՝ Լիոնել Մեսսիին՝ չնայած Նեյմարի առանցքային դերի^[18]։

Նմանատիպ արդյունքներ հաջորդ մրցաշրջաններում

Հաջորդ մրցաշրջանում տեղի ունեցող Չեմպիոնների Լիգայի շրջանակներում Բարսելոնան սեփական մարզադաշտում հաղթանակի է հասնում 4-1 հաշվով, սակայն հակառակորդի մարզադաշտում պարտություն է կրում 3-0 հաշվով և դուրս մնում հետագա փուլերից^[19][20]։ Չնայած Նեյմարին և մի շարք այլ ֆուտբոլիստներ ձեռք բերելուն՝ ՊՍԺ-ն հաջորդ մրցաշրջանում նորից դուրս է մնացել ՉԼ 1/16 փուլից՝ պարտվելով Բարսելոնայի ախոյանին՝ Ռեալ Մադրիդին։

ՈՒԵՖԱ Չեմպիոնների Լիգայի 2018-19 թվականների մրցաշրջանի 1/16 փուլում ՊՍԺ-ն առանց վնասվածք ունեցող Նեյմարի նորից դուրս է մնում հետագա փուլերից․ տնային հանդիպման ժամանակ Պարկ դե Պրենս մարզադաշտում 3-1 հաշվով հաղթելով Մանչեսթեր Յունայթեդին՝ ՊՍԺ-ն արտագնա խաղում 2-0 հաշվով պարտություն է կրում և դուրս մնում հետագա փուլերից^[21][22]։ Նույն մրցաշրջանի կիսաեզրափակչում Բարսելոնան դուրս է մնում մեկ այլ քամբեքից հետո․ Կամպ Նոուում Լիվերպուլի նկատմամբ 3-0 հաղթանակի հասնելուց հետո Բարսելոնան Էնֆիլդ մարզադաշտում պարտվում է 4-0 հաշվով և դուրս մնում հետագա փուլերից։ Հենց Լիվերպուլն էլ դառնում է Չեմպիոնների Լիգայի այդ մրցաշրջանի հաղթող^[23]։

Տես նաև

• Բարսելոնա ՖԱ
• Պարի Սեն-Ժերմեն
• ՈՒԵՖԱ Չեմպիոնների Լիգա 2016-2017

Ծանոթագրություններ

1. «Full Time Summary Round of 16 2nd Leg – Barcelona v Paris Saint-Germain» (PDF). UEFA.org. Union of European Football Associations. 2017 թ․ մարտի 8. Վերցված է 2017 թ․ մարտի 8-ին.
2. «Tactical line-ups - Round of 16 2nd leg - Wednesday 8 March 2017 - Camp Nou - Barcelona» (PDF). UEFA.com. Union of European Football Associations. 2017 թ․ մարտի 8. Վերցված է 2020 թ․ մայիսի 6-ին.
3. Mundo Deportivo: La remontada ‘escuece’ en Madrid, 10 March 2017 (in Spanish)
4. «Barcelona 6 PSG 1: Miracle at the Nou Camp as Barca complete greatest ever European comeback in football history!». Daily Telegraph. 2017 թ․ մարտի 9. Վերցված է 2017 թ․ դեկտեմբերի 20-ին.
5. «Europe's biggest second-leg comebacks». UEFA. 2018 թ․ փետրվարի 26. Վերցված է 2018 թ․ հուլիսի 30-ին.
6. «Full Time Summary Round of 16 1st Leg – Paris Saint-Germain v Barcelona» (PDF). UEFA.org. Union of European Football Associations. 2017 թ․ փետրվարի 14. Վերցված է 2017 թ․ փետրվարի 14-ին.
7. «Bordeaux 0–3 Paris Saint-Germain». BBC Sport. 2017 թ․ փետրվարի 10.
8. «Alavés 0–6 Barcelona – Match Report & Highlights». Sky Sports. 2017 թ․ փետրվարի 11.
9. «Barcelona 5–0 Celta Vigo». BBC Sport. 2017 թ․ մարտի 4.
10. «PSG v Nancy Match Report». Goal.com. 2017 թ․ մարտի 4.
11. «Champions League 2017: Barcelona routs Paris Saint-Germain 6–1 in astonishing comeback». CNN. 2017 թ․ մարտի 9. Վերցված է 2018 թ․ հուլիսի 30-ին.
12. «Barcelona shatter PSG as Sergi Roberto caps incredible 6–1 comeback win». The Guardian. 2017 թ․ մարտի 9. Վերցված է 2018 թ․ հուլիսի 30-ին.
13. «Full Time Summary Round of 16 2nd Leg – Barcelona v Paris Saint-Germain» (PDF). UEFA.org. Union of European Football Associations. 2017 թ․ մարտի 8. Վերցված է 2017 թ․ մարտի 8-ին.
14. «Full Time Report - Round of 16 2nd leg - Wednesday 8 March 2017 - Camp Nou - Barcelona» (PDF). UEFA.com. Union of European Football Associations. 2017 թ․ մարտի 8. Վերցված է 2020 թ․ մայիսի 6-ին.
15. «Full Time Summary Quarter-finals 1st Leg – Juventus v Barcelona» (PDF). UEFA.org. Union of European Football Associations. 2017 թ․ ապրիլի 11. Վերցված է 2018 թ․ հուլիսի 30-ին.
16. «Full Time Summary Quarter-finals 2nd Leg – Barcelona v Juventus» (PDF). UEFA.org. Union of European Football Associations. 2017 թ․ ապրիլի 19. Վերցված է 2011 թ․ հուլիսի 30-ին.
17. «Neymar: Paris St-Germain sign Barcelona forward for world record 222m euros». BBC Sport. 2017 թ․ օգոստոսի 3. Վերցված է 2018 թ․ հուլիսի 30-ին.
18. «El engaño de Neymar» [The deception of Neymar]. El País (Spanish). 2017 թ․ օգոստոսի 2. Վերցված է 2018 թ․ հուլիսի 30-ին.
19. «Full Time Summary Quarter-finals 2nd Leg – Roma v Barcelona» (PDF). UEFA.com. Union of European Football Associations. 2018 թ․ ապրիլի 10. Վերցված է 2018 թ․ հուլիսի 30-ին.
20. «Full Time Summary Quarter-finals 1st Leg – Barcelona v Roma» (PDF). UEFA.com. Union of European Football Associations. 2018 թ․ ապրիլի 4. Վերցված է 2018 թ․ հուլիսի 30-ին.
21. «Manchester United floor PSG as Marcus Rashford's late penalty caps comeback». The Guardian. 2019 թ․ մարտի 6. Վերցված է 2019 թ․ մարտի 7-ին.
22. «PSG 1-3 Man Utd: Ligue 1 side throw away Champions League lead again». Sport. 2019 թ․ մարտի 6. Արխիվացված է օրիգինալից 2019 թ․ մարտի 8-ին. Վերցված է 2019 թ․ մարտի 7-ին.
23. «Liverpool 4-0 Barcelona (4-3 agg): Jurgen Klopp's side complete extraordinary comeback». BBC Sport. 2019 թ․ մայիսի 7. Վերցված է 2019 թ․ մայիսի 7-ին.

Արտաքին հղումներ

• UEFA match commentary