Գեղեցիկ մարդը (ֆիլմ)

Գեղեցիկ Մարդը (ֆր.՝ La Belle Personne) 2008 թվականին նկարահանված ֆրանսիական դեռահասների կատակերգական դրամա, ռեժիսոր Քրիստոֆ Օնորեի սցենարից, որը նա գրել է Ժիլ Տորանդի հետ համատեղ[1]: Այն 1678 թվականի ֆրանսիական La Princesse de Clèves վեպի արդիականացված ադապտացիան է։ Ֆիլմը նկարահանելու գաղափարը Օնորի մոտ ծագել է այն բանից հետո, երբ Ֆրանսիայի այն ժամանակվա նախագահ Նիկոլա Սարկոզին բազմիցս քննադատել է գիրքը՝ այն անվանելով ժամանակակից կյանքի տեսանկյունից անտեղի[2]:

Ի սկզբանե նախատեսված որպես հեռուստատեսային ֆիլմ՝ «Գեղեցիկ մարդը» ցուցադրվել է Arte հեռուստաալիքով 2008 թվականի սեպտեմբերի 12-ին[3], սեպտեմբերի 17-ին Ֆրանսիայում կինոթատրոնում ցուցադրվելուց առաջ[4][5]։

Սցենար

[խմբագրել | խմբագրել կոդը]

Մոր մահից հետո 16-ամյա Ջունին տեղափոխվում է այն դպրոցը, որտեղ հաճախում է նրա զարմիկ Մաթիասը: Նա անմիջապես գրավում է իր մի քանի նոր դասընկերների ուշադրությունը, հատկապես ամաչկոտ, զգայուն Օտտոյի: Իտալերենի դասարանում հնչում է ձայնագրություն, որտեղ Մարիա Կալասը երգում է Լյուչիա դի Լամերմուր, ինչի պատճառով Ջունին արտասվելով դուրս է գալիս դասարանաից՝ թողնելով իր իրերը: Ուսուցիչը՝ Նեմուրը, Ջունիի իրերի մեջ տեսնում է իր լուսանկարը, որն արվել է մեկ այլ աշակերտի կողմից և վերցնում է այն։ Այնուհետև Նեմուրը հետապնդում է նրան, չնայած նրան, որ ինքն էլ հակասական զգացմունքներ ունի դրա վերաբերյալ: Նեմուրը այնքան է հիացած աղջկանով, որ խզում է իր հարաբերությունները ուսուցչուհի Ֆլորենս Պերինի և ուսանողուհի Մարիի հետ:

Դաշտային էքսկուրսիայի ժամանակ Նեմուրը փոխում է տեղերը Մաթիասի հետ: Մարին գտնում է մի նամակ, որը մնացել է նստարանին, և այն տարածվում է ուսանողների շրջանում։ Այդ նամակը սիրային նամակ է, որը բոլոր ուսանողների կարծիքով գրվել է Նեմուրի կողմից: Ջունին, կարդալով նամակը, շատ է վրդովվում՝ հավատալով, որ Նեմուրը սիրահարված է մեկ ուրիշին: Մաթիասը գնում է վերջինիս մոտ և բացատրում, որ դա իր նամակն է մեկ այլ տղայի՝ Մարտին անունով և խնդրել է նրան ասել, որ այն պատկանում է ուսուցչին։

Օտտոյի ռուսաց լեզվի դասարանի ընկերներից մեկին խնդրում են լրտեսել Ջունիին այն բանից հետո, երբ նա սառն է վերաբերվում Օտտոյի նկատմամբ և տեսնում է, որ Նեմուրը սիրալիր վերաբերմունք ունի Ջունիի նկատմամբ: Նա շփոթում է դա համբույրի հետ, և Օտտոն Ջունիի հետ հանդիպում է քննարկելու այդ թեման։ Վերջինս հերքում է դա և գնում տուն: Հաջորդ օրը Օտտոն ինքնասպանություն է գործում՝ ցած նետվելով դպրոցի շատ բարձր հարկից։ Օտտոյի ինքնասպանությունից հետո Ջունին երեք շաբաթով բաց է թողնում դպրոցը և վերադառնում է միայն այն բանից հետո, երբ Նեմուրը հայտնում է Մաթիասին, որ կիսամյակի մնացած ժամանակահատվածում ինքը արձակուրդ է գնալու։

Նեմուրը հետևում է Ջունիին, և վերջինս որոշում է մոտենալ նրան։ Նեմուրը որոշ ժամանակ է խնդրում նրա հետ խոսելու համար, և նրանք երեխաների պես վազվզում են քաղաքում։ Նեմուրը աղջկան տանում է իր սենյակ, որտեղ Ջունին սկսում է խոսել սիրո մասին: Հետո Նեմուրը աղջկան ուղեկցում է տուն, որտեղ նրանք պայմանավորվում են հանդիպել հաջորդ օրը երեկոյան ժամը հինգին: Նեմուրը սպասում է մինչև ժամը յոթը, հետո զանգում է Մաթիասին։ Մաթիասը իջնում ​​է և Նեմուրին ասում, որ Ջունին մեկ օր առաջ գնացել է, և նրան թույլ չեն տալիս ասել, թե որտեղ և խնդրել է մոռանալ իր մասին։ Ջունին նաև հավելել է, որ այլևս չի ցանկանում տեսնել Նեմուրին։ Եվ վերջին կադրում երևում է Ջունին՝ նավի վրա, որը գնում է այլ տեղ:

Դերասանական կազմ

[խմբագրել | խմբագրել կոդը]

Պարգևներ

[խմբագրել | խմբագրել կոդը]
Award / Film Festival Category Recipients and nominees Result
Սեզար մրցանակբաշխություն Ամենախոստումնալից դերասանը Գրեգուար Լեպրենս Ռինգե Առաջադրված
Ամենախոստումնալից դերասանուհի Լեա Սեյդու Առաջադրված
Լավագույն ադապտացիա Քրիստոֆ Օնորե և Ժիլ Տաուրանդ Առաջադրված
Նամուրի Ֆրանկոֆոնիայի միջազգային կինոփառատոն Լավագույն դերասանուհի Լեա Սեյդու Հաղթանակ
Լումիերի մրցնակաբաշխություն Ամենախոստումնալից դերասանուհի Լեա Սեյդու Առաջադրված
Ժակ Պրևերտ դյու Սցենարիայի մրցանակ Լավագույն ադապտացիա Քրիստոֆ Օնորե և Ժիլ Տաուրանդ Առաջադրված

Ծանոթագրություններ

[խմբագրել | խմբագրել կոդը]
  1. ↑ Mintzer, Jordan (22 September 2008). «The Beautiful Person». Variety. Վերցված է 6 June 2022-ին.
  2. ↑ Gallix, Andrew (31 March 2009). «Why a 17th-century novel is a hot political issue in France». The Guardian. Վերցված է 11 September 2016-ին.
  3. ↑ «Anecdotes du film La belle personne». AlloCiné (ֆրանսերեն). Վերցված է 6 June 2022-ին.
  4. ↑ Քաղվածելու սխալ՝ Սխալ <ref> պիտակ՝ «bom» անվանումով ref-երը տեքստ չեն պարունակում:
  5. ↑ «The Beautiful Person de Christophe Honoré (2008)». Unifrance. Վերցված է 6 June 2022-ին.

Արտաքին հղումներ

[խմբագրել | խմբագրել կոդը]