Գրոբի հարձակում

	a	b	c	d	e	f	g	h
8									8
7									7
6									6
5									5
4									4
3									3
2									2
1									1
	a	b	c	d	e	f	g	h

Գրոբի հարձակում
կողային սկզբնախաղ
ECO	A00
Անվանում ի պատիվ	Հենրի Գրոբ, Ջենովա, Կառլ Ահլհաուզեն և Սամպերդարենա
FEN	rnbqkbnr/pppppppp/8/8/6P1/8/PPPPPP1P/RNBQKBNR b
Stack Exchange	chess.stackexchange.com/tags/grob

Գրոբի հարձակում, հայտնի որպես Գրոբի սկզբնախաղ, շախմատային սկզբնախաղ, որը սկսվում է 1. g2-g4 քայլով, իր տեսակով համարվում է կողային սկզբնախաղ։

Սկզբնախաղն իր անունը ստացել է շվեյցարացի շախմատիստ Հենրի Գրոբի անունով, որը հաճախ է կիրառել այն։

Սկզբնախաղը նման է Սոկոլսկու սկզբնախաղին, սակայն լուրջ թուլացնում է արքայական թևի զինվորային կառուցվածքը։ Բացի այդ, թերություն է համարվում կենտրոնը հակառակորդին հանձնելը (շախմատային ուսումնական գրքերում կենտրոնը համարվում է խաղի սկզբում կարևոր ռազմավարական դաշտ) և անկյունագծի բացումը, որի պատճառով անուշադրության դեպքում հնարավոր է երկրորդ քայլով հիմար մատ ստանալ։ 1.g4 քայլով սպիտակը գրավում է տարածք սևերի արքայական թևում և պատրաստվում է տեղադրել սպիտակադաշտ փիղը g2 դաշտում՝ ստեղծելով ճնշում մեծ անկյունագծում։ Սա թույլ է տալիս սպիտակներին հարձակվել սևի b7 զինվորի վրա^[1]։ Համաձայն համակարգչային վերլուծության՝ սա ամենավատ սկզբնախաղերից է սպիտակների համար։

Գրոբի հարձակումն ընկալվում է որպես «սխալ» մեկնարկ և լուրջ մրցաշարերում բավականին հազվադեպ է կիրառվում։

Պատմություն

Այս սկզբնախաղով խաղացած առաջին պարտիաները վերագրվում են 19-րդ դարի վերջերին։ Հետագայում Սավելի Տարտակովերը, երբեմն, միաժամանակյա խաղի սեանսների ժամանակ իր խաղերը սկսել է այս սկզբնախաղով։ Հենրի Գրոբը, որի անունով հետագայում կոչվել է սկզբնախաղը, բավականին խորը ուսումնասիրել այն և նամակագրությամբ խաղացել մի քանի տասնյակ խաղեր։

1978 թվականին Գրոբի հարձակումուվ հայկական ծագմամբ անգլիացի շախմատիստ և շախմատային գրքերի հեղինակ, միջազգային վարպետ Մայքլ Բասմանը հաղթել է անգլիացի գրոսմայստեր, շախմատային խնդիրների լուծման աշխարհի եռակի չեմպիոն Ջոն Նաննին^[2]։

2005 թվականին Կանզասում տեղի ունեցած «Շախմատ հանուն խաղաղության» միջազգային նախաձեռնության շրջանակներում նախկին Խորհրդային Միության նախագահ Միխայիլ Գորբաչովը Անատոլի Կարպովի և Յուդիթ Պոլգարի ընկերական խաղում կատարել է հանդիսավոր առաջին քայլը՝ 1.g4: Նման դեպքերում խաղացողները կարող են ուղղել հանդիսավոր քայլերը, որոնք իրենց դուր չեն գալիս, սակայն Գորբաչովը պահանջել է, որ Կարպովը շարունակի խաղն այդ մեկնարկով։ Նախկին նախագահը նշել է, որ ցանկանում է «որոշ դժվարություններ ստեղծել ավագ խաղացողի համար»^[3][4]։

Տարբերակներ

• 1. …d7-d5 2. Փf1-g2 c7-c6. 3. g4-g5
• 1. …d7-d5 2. Փf1-g2 Փc8:g4 3. c2-c4 ֊Ֆրիցի գամբիտ
• 1. …d7-d5 2. Փf1-g2 Փc8:g4 3. c2-c4 d5-d4֊Ռոմֆորդի հակագամբիտ^[5].
  • 4. Փg2:b7 Кb8-d7 5. Փb7:a8 Թd8:a8 հնարավոր շարունակություն

1. g2-g4 քայլից հետո սպիտակները կարող են հիմար մատ ստանալ, եթե սխալ խաղան։

• 1. …e7-e5 2. f2-f3 Թd8-h4#

Մատենագրություն

• Basman, Michael (1991). The Killer Grob. Cadogan. ISBN 0-08-037131-0.
• Wall, Bill (1988). Grob's Attack. Chess Enterprises. ISBN 0-931462-86-X.
• Dunnington, Angus (2000). Winning Unorthodox Openings. Everyman Chess. ISBN 978-1-85744-285-4.
• Schiller, Eric (2002). Unorthodox Chess Openings (Second ed.). Cardoza. pp. 201–210. ISBN 1-58042-072-9.
• Bloodgood, Claude (1976). The Tactical Grob. Chess. Archived from the original on 2008-07-01. Retrieved 2008-06-30.

Ծանոթագրություններ

1. Дебют Гроба
2. Basman-Nunn, Oxford 1978
3. «Chess for Peace – with Mikhail Gorbachev». 2 November 2005.
4. «Gorbachev supports Chess for Peace initiative».
5. «A00: Grob, Romford counter-gambit — 365Chess.com». Արխիվացված է օրիգինալից 2021-05-15-ին. Վերցված է 2020-07-06-ին. {{cite web}}: Unknown parameter |deadlink= ignored (|url-status= suggested) (օգնություն); no-break space character in |title= at position 34 (օգնություն)

Արտաքին հղումներ

• Атака Гроба — гроб для чёрных