Դևիդ Մանդել

Դևիդ Մանդել
Կուսակցություն՝	Scottish Conservatives? և Մեծ Բրիտանիայի պահպանողական կուսակցություն[1]
Կրթություն՝	Ստրայթկլայդի համալսարան, Էդինբուրգի համալսարան, Strathclyde Business School?, University of Edinburgh School of Law? և Lockerbie Academy?
Մասնագիտություն՝	քաղաքական գործիչ և իրավագետ
Դավանանք	պրեսբիտերականներ
Ծննդյան օր	մայիսի 27, 1962(1962-05-27) (62 տարեկան)
Ծննդավայր	Դամֆրիս, Շոտլանդիա, Միացյալ Թագավորություն
Քաղաքացիություն	Միացյալ Թագավորություն
Զավակներ	Oliver Mundell?
Կայք՝	davidmundell.com

Դևիդ Մանդել (անգլ.՝ David Gordon Mundell, մայիսի 27, 1962(1962-05-27), Դամֆրիս, Շոտլանդիա, Միացյալ Թագավորություն), բրիտանացի քաղաքական գործիչ, Դևիդ Քեմերոնի երկրորդ կաբինետում (2015-2016), ինչպես նաև Թերեզա Մեյի առաջին և երկրորդ կաբինետներում (2016-2019) Շոտլանդիայի գործերի նախարար։

Կենսագրություն

Վաղ տարիներ

Ավարտել է հանրային պետական դպրոցը, Լոքերբիում վճարովի միջնակարգ դպրոցը (Lockerbie Academy) և Էդինբուրգի համալսարանը^[2], Սթրաթքլայդայի համալսարանի բիզնես դպրոցում ստացել է նաև բիզնեսի կառավարման մագիստրոսի աստիճան^[3]։

Մանդելը մեծացել է թերի ընտանիքում Նյուտոն Ումֆրեյում իր հայրենի Շոտլանդիայի Դամֆրիս էնդ Գալովեյ շրջանում։ 14 տարեկանում միացել է Երիտասարդ պահպանողականների կազմակերպությանը, սակայն 1981 թվականին համալսարանում ուսանելու տարիներին տեղափոխվել է Սոցիալ-դեմոկրատական կուսակցություն։ 1984 թվականին ընտրվել է շրջանային խորհուրդներից մեկում՝ դառնալով Շոտլանդիայի ամենաերիտասարդ շրջանային պատգամավոր^[4], 1991-1999 թվականներին BT Scotland-ում աշխատել է որպես կորպորատիվ իրավաբան^[5]։

Քաղաքական գործունեություն

1999 թվականի մայիսի 6-ին Մանդելը Հարավային ընտրատարածքում Շոտլանդիայի պահպանողական և յունիոնիստական կուսակցությունից ընտրվել է Շոտլանդիայի խորհրդարան^[6]։ 2003 թվականին վերընտրվել է, սակայն 2005 թվականին վաղաժամկետ հանձնել է մանդատը՝ որոշելով առաջադրվել Համայնքների պալատում^[7]։

2005 թվականին Դևիդ Մանդելը՝ Պահպանողական կուսակցությունից, ընտրվել է Շոտլանդիայի Դամֆրիսշիր, Կլայդսդեյլ և Թվիդեյլ Համայնքների պալատ^[8]։ 2005 թվականի դեկտեմբերին Պահպանողական կուսակցության նորընտիր առաջնորդ և խորհրդարանի ստորին պալատում ընդդիմության առաջնորդ Դևիդ Քեմերոնը ձևավորել է իր ստվերային կաբինետը, որում Մանդելը, որը Շոտլանդիայի ընտրություններում հաղթած միակ պահպանողն էր, ստացել է այդ տարածաշրջանի գործերի ստվերային նախարարի պաշտոնը^[9]։

2010 թվականի մայիսի 6-ին խորհրդարանական ընտրությունները Մանդելին նոր հաջողություն են բերել. նա հաղթել է ձայների 38% արդյունքով՝ իր Նախորդ նվաճումը բարելավելով 1,9%-ով^[10]։ 2010-2015 թվականներին եղել է Շոտլանդիայի հարցերով նախարարի խորհրդարանական օգնականը (Under-Secretary of State for Scotland), 2011-2014 թվականներին Համայնքների պալատում գլխավորել Է Շոտլանդիայի պահպանողական և յունիոնիստական կուսակցության խմբակցությունը^[11]։

2015 թվականի մայիսի 7-ին հերթական խորհրդարանական ընտրություններում Դևիդ Մանդելն իր նախկին շրջանում ստացել է ձայների 39,8 %-ը՝ աննշան առաջ անցնելով Շոտլանդիայի Ազգային կուսակցության թեկնածու Էմմա Հարփերից (Emma Harper), որը ստացել էր ընտրողների 38,3 %-ի աջակցությունը (Հարփերը այդ շրջանում իր կուսակցության նախորդ արդյունքը բարելավել է 27 %-ով)^[12]։ Ընդ որում, Մանդելը կրկին Շոտլանդիայում հաղթած միակ պահպանողն էր^[13]։

2015 թվականի մայիսի 11-ին Դևիդ Քեմերոնը ընտրությունների արդյունքում ձևավորել է իր երկրորդ կաբինետը, որում Դևիդ Մանդելը ստացել է Շոտլանդիայի հարցերով նախարարի պորտֆելը^[14]։

2016 թվականի հուլիսի 13-ին Դևիդ Քեմերոնը պաշտոնաթող Է եղել վարչապետի պաշտոնից՝ Եվրամիությանը Մեծ Բրիտանիայի անդամակցության շուրջ հանրաքվեի արդյունքների կապակցությամբ, որտեղ ընտրողները քվեարկել են ԵՄ-ից երկրի դուրս գալու օգտին։ Քեմերոնի իրավահաջորդը դարձավ Մեծ Բրիտանիայի ներքին գործերի նախարար Թերեզա Մեյը, նրա կաբինետում Մանդելը պահպանել է Շոտլանդիայի գործերի նախարարի պաշտոնը^[15]։

Անձնական կյանք

2016 թվականի հունվարի 13-ին Մանդելն իր անձնական կայքում հայտարարել է իր միասեռական կողմնորոշման մասին^[16]։ Ավելի քան 10 տարի առաջ նա բաժանվել է իր կնոջից՝ Լինդա Կարմայքլից (Lynda Carmichael)։ Նրանց որդին՝ Օլիվեր Մանդելը, 2016 թվականի Շոտլանդիայի խորհրդարանի ընտրություններում Պահպանողական կուսակցությունից իր թեկնածությունն է առաջադրել^[17]։

Ծանոթագրություններ

1. https://www.workwithdata.com/person/david-mundell-1962
2. «Half of the new Cabinet 'went to Oxbridge'» (անգլերեն). The Telegraph. 2015 թ․ մայիսի 11. Վերցված է 2015 թ․ սեպտեմբերի 29-ին.
3. The Almanac of British Politics, 2007, էջ 385
4. «David Torrance: Mutual respect is crucial as Tories bid to govern Scotland» (անգլերեն). The Scotsman. 2010 թ․ մայիսի 6. Վերցված է 2016 թ․ փետրվարի 6-ին.
5. The Almanac of British Politics, 2007, էջեր 385—386
6. «David Mundell» (անգլերեն). The Scottish Parliament. Վերցված է 2016 թ․ փետրվարի 7-ին.
7. Deirdre Kelly (2015 թ․ մայիսի 12). «Profile: David Mundell, Secretary of State for Scotland» (անգլերեն). BBC News. Վերցված է 2016 թ․ փետրվարի 7-ին.
8. Nicholas Watt (2016 թ․ հունվարի 13). «David Mundell, Scotland secretary, comes out as gay» (անգլերեն). The Guardian. Վերցված է 2016 թ․ փետրվարի 7-ին.
9. «Mundell in shadow cabinet debut» (անգլերեն). BBC News. 2005 թ․ դեկտեմբերի 13. Վերցված է 2016 թ․ փետրվարի 7-ին.
10. «Dumfriesshire, Clydesdale & Tweeddale». Election 2010 (անգլերեն). BBC News. Վերցված է 2016 թ․ փետրվարի 7-ին.
11. «David Mundell MP». Democracy Live (անգլերեն). BBC. Արխիվացված է օրիգինալից 2016 թ․ փետրվարի 24-ին. Վերցված է 2016 թ․ փետրվարի 8-ին.
12. «Dumfriesshire, Clydesdale & Tweeddale». Election 2015 (անգլերեն). BBC News. Վերցված է 2015 թ․ սեպտեմբերի 29-ին.
13. Camilla Turner, and Danny Boyle (2015 թ․ մայիսի 8). «Scotland election 2015 results: SNP landslide amid almost total Labour wipeout - as it happened» (անգլերեն). The Telegraph. Վերցված է 2016 թ․ փետրվարի 6-ին.
14. «Cabinet reshuffle: Amber Rudd and Sajid Javid promoted» (անգլերեն). BBC News. 2015 թ․ մայիսի 11. Վերցված է 2015 թ․ սեպտեմբերի 29-ին.
15. Dan Bloom, Stephen Jones (2016 թ․ հուլիսի 14). «Who is in Theresa May's new Cabinet? Full line-up after Tory Prime Minister's bombshell reshuffle» (անգլերեն). Mirror. Վերցված է 2016 թ․ հուլիսի 14-ին.
16. «Scottish secretary David Mundell comes out as gay» (անգլերեն). BBC News. 2016 թ․ հունվարի 13. Վերցված է 2016 թ․ փետրվարի 7-ին.
17. «Scots Secretary David Mundell: I'm gay» (անգլերեն). The Sun. Արխիվացված է օրիգինալից 2016 թ․ փետրվարի 8-ին. Վերցված է 2016 թ․ փետրվարի 7-ին.

Գրականություն

• Robert Waller, Byron Criddle The Almanac of British Politics. — Routledge, 2007. — 1107 p. — ISBN 9781135206765

Արտաքին հղումներ

• «David Mundell» (անգլերեն). Facebook. Վերցված է 2016 թ․ փետրվարի 9-ին.
• «David Mundell» (անգլերեն). Twitter. Վերցված է 2016 թ․ փետրվարի 9-ին.
• «The Rt Hon David Mundell MP» (անգլերեն). UK government. Վերցված է 2016 թ․ փետրվարի 6-ին.
• «Rt Hon David Mundell MP» (անգլերեն). UK Parliament. Վերցված է 2016 թ․ փետրվարի 6-ին.

Վիքիպահեստն ունի նյութեր, որոնք վերաբերում են «Դևիդ Մանդել» հոդվածին։