Էդվին Նուրս

Էդվին Նուրս
Ծնվել է	մայիսի 20, 1883(1883-05-20)[1][2] Լոքփորթ, Նյու Յորք[2]
Մահացել է	մայիսի 7, 1974(1974-05-07)[2] (90 տարեկան) Բետեսդա, Մերիլենդ
Քաղաքացիություն	ԱՄՆ
Մասնագիտություն	տնտեսագետ և համալսարանի դասախոս
Հաստատություն(ներ)	The Brookings Institution?
Պաշտոն(ներ)	նախագահ և Chair of the Council of Economic Advisers?
Անդամակցություն	Արվեստների և գիտությունների ամերիկյան ակադեմիա
Ալմա մատեր	Չիկագոյի համալսարան և Կոռնելի համալսարան
Տիրապետում է լեզուներին	անգլերեն[3]
Գիտական ղեկավար	J. Laurence Laughlin?[4]
Պարգևներ	Գուգենհայմի կրթաթոշակ
Կուսակցություն	Դեմոկրատական կուսակցություն
Edwin Griswold Nourse Վիքիպահեստում

Էդվին Գրիսվոլդ Նուրս (անգլ.՝ Edwin Griswold Nourse, մայիսի 20, 1883(1883-05-20)^[1][2], Լոքփորթ, Նյու Յորք^[2] - մայիսի 7, 1974(1974-05-07)^[2], Բետեսդա, Մերիլենդ), ամերիկացի տնտեսագետ, Այովա նահանգի համալսարանի տնտեսագիտության պրոֆեսոր, 1942 թվականին Ամերիկյան տնտեսական ասոցիացիայի նախագահ, 1946-1949 թվականներին ԱՄՆ տնտեսական խորհրդատուների խորհրդի առաջին նախագահ։

Կենսագրություն

Էդվինը ծնվել է 1883 թվականի մայիսի 20-ին Նյու Յորք նահանգի Լոքպորտ քաղաքում, Էդվին Հենրիի և Հարիեթ Օգաստա (Բիմեն) Նուրսի ընտանիքում։ Նրա ավագ քույրը՝ Էլիս Թիսդեյլ Հոբարտը հայտնի գրող է դարձել։ Ընտանիքը չորս ամիս անց տեղափոխվել է Չիկագո^[5]։ Չիկագոյում Էդվինը հաճախել է պետական միջնակարգ դպրոց^[6]։

1903-1904 թվականներին սովորել է Լյուիսի ինստիտուտում և ստացել արվեստի ասոցիացիայի աստիճան, 1906 թվականին՝ Քոռնելի համալսարանում արվեստի բակալավրի աստիճան։ 1915 թվականին տնտեսագիտության դոկտորի աստիճան է ստացել Չիկագոյի համալսարանում^[7]։

1909-1910 թվականներին Ուորտոնի բիզնեսի դպրոցում սկսել է դասախոսական գործունեությունը որպես դասախոս, ապա 1910-1912 թվականներին՝ պրոֆեսոր, Հարավային Դակոտայի համալսարանի տնտեսագիտության և սոցիոլոգիայի ամբիոնի վարիչ, 1915-1918 թվականներին՝ Արկանզասի համալսարանի տնտեսագիտության և սոցիոլոգիայի ամբիոնի վարիչ։ Եղել է Գյուղատնտեսության տնտեսագիտության պրոֆեսոր, 1918-1923 թվականներին՝ Այովա նահանգի համալսարանի փորձարարական կայանի գյուղատնտեսական բաժանմունքի ղեկավար։ 1923-1929 թվականներին՝ ամբիոնի վարիչ, 1929-1942 թվականներին՝ Բրուքինգի ինստիտուտի տնօրեն։ 1942-1946 թվականներին եղել է Բրուքինգի ինստիտուտի փոխնախագահ։ 1942-1945 թվականներին ծառայել է որպես սոցիոլոգիական հետազոտությունների խորհրդի նախագահ (ԱՄՆ)։ 1959 թվականին եղել է Փենսիլվանիայի նահանգի համալսարանի հրավիրյալ պրոֆեսոր։

1946-1949 թվականներին էդվին Նուրսը ԱՄՆ նախագահ Հարրի Թրումենի կողմից նշանակվել է ԱՄՆ տնտեսական խորհրդատուների խորհրդի առաջին նախագահ^[8]։

1924 թվականին եղել է Հռոմում գյուղատնտեսության միջազգային ինստիտուտի ԱՄՆ-ի պատվիրակ։ 1935-1937 տվականներին եղել է Ազգերի լիգայի սնունդի կոմիտեի աշխատակից, 1950-1952 թվականներին՝ Գուգենհայմի հիշատակի հիմնադրամի ավագ գիտաշխատող։ Էդվին Նուրսը նաև 1934 թվականից եղել է Ամերիկայի արվեստի և գիտությունների ակադեմիայի անդամ, 1924 թվականին՝ Ամերիկյան գյուղատնտեսության էկոնոմիկայի ասոցիացիայի նախագահ, 1942 թվականին՝ Ամերիկյան տնտեսական ասոցիացիայի անդամ և նախագահ, Ամերիկյան փիլիսոփայական ընկերության անդամ, Տնտեսական կրթության միացյալ խորհրդի փոխնախագահ, Ալֆա Զետա, Պֆի Կապա Պֆի և Պֆի Գամա My ընկերությունների անդամ^[5]։

Էդվին Նուրսը մահացել է 1974 թվականի ապրիլի 7-ին Մերիլենդ նահանգի Բետեսդի մոտակայքում գտնվող հիվանդանոցում^[9]։

Ընտանիք

Էդվին Նուրսն ամուսնացել է 1910 թվականի օգոստոսի 17-ին Օգդեն քաղաքից Ռեյ Մարի Թայլերի հետ^[10]։

Հիշատակ

1968 թվականին հիմնադրվել է Ամերիկյան կոոպերացիայի ինստիտուտի կողմից Նուրսի մրցանակը՝ ի նշան նրա առաջնորդության ճանաչման^[11]։

Մրցանակներ

Իր ձեռքբերումների համար պարգևատրվել է^[5][8]՝

• 1950 թվական - Գուգենհայմի կրթաթոշակ,
• 1950 թվական - Ազատության հիմնադրամի մրցանակ,
• 1950 թվական - Իլինոյսի տեխնոլոգիական ինստիտուտի իրավունքի դոկտորի պատվավոր աստիճան,
• 1955 թվական - Ամերիկյան մարքեթինգի ասոցիացիայի կողմից մրցանակ,
• 1958 թվական - Այովայի պետական համալսարանից պատվավոր գիտությունների դոկտորի աստիճան,
• 1959 թվական - Չիկագոյի համալսարանից Ռոզենբերգերի մեդալ։

Մատենագրություն

• Nourse E.G. Outlines of agricultural economics; a class-book of questions and problems — Chicago, Ill.: University of Chicago press, 1917
• Nourse E.G. The Chicago produce market — Boston: Houghton Mifflin Company, 1918.
• Nourse E.G. American agriculture and the European market — New York : McGraw-Hill book company, inc., 1924.
• Knapp J.G., Nourse E.G. The co-operative marketing of livestock — Washington, D. C.: Brookings Institution, 1931
• Nourse E.G. Marketing agreements under the AAA — Washington, D.C., The Brookings institution, 1935
• Nourse E.G., Drury H.B. Industrial price policies and economic progress — Washington, D.C.: The Brookings Institution, 1938
• Nourse E.G. Democracy as a principle of business — Washington, D.C.: The Brookings institution, 1942
• Nourse E.G. Appraising the responsiveness of market demand (chapter VII of the forthcoming book: Price-making in a democracy) — Washington, D. C., The Brookings Institution, 1942
• Nourse E.G. Wages as cost and as market — Washington, D.C.: The Brookings institution, 1942
• Nourse E.G. Price Making in a Democracy, 1944
• Nourse E.G. The 1950’s Come First, 1951
• Nourse E.G. Economics in the Public Service, 1953.

Ծանոթագրություններ

1. Munzinger Personen (գերմ.)
2. https://www.nytimes.com/1974/04/10/archives/edwin-nourse-90-dies-trumans-economic-aide-sought-anonymity-top.html
3. Identifiants et Référentiels (ֆր.) — ABES, 2011.
4. Mathematics Genealogy Project — 1997.
5. Prabook.com Edwin Griswold Nourse.
6. Hess J.N. Oral History Interview with Dr.Edwin G. Nourse. —Washington, D. C., March 7, 1972.
7. Knapp J.G. Edwin G. Nourse—Economist for the People // Interstate Printers & Publishers. —Danville, Illinois, 1979. — P. 267-268. — ISBN {{{isbn}}}.
8. The History of Economic Thought web Edwin G. Nourse, 1883-1974.
9. NNDB Edwin G. Nourse. — 2008.
10. Cooperative Hall of Fame Edwin G. Nourse. — 9.03.1976. Архивировано из первоисточника 20 սեպտեմբերի 2016.
11. Edwin Nourse, 90, Dies; Truman's Economic Aide // The New York Time. — April 10, 1974. Архивировано из первоисточника 20 սեպտեմբերի 2016.

Վիքիպահեստն ունի նյութեր, որոնք վերաբերում են «Էդվին Նուրս» հոդվածին։