Էլեկտրոնային փոստի մարքեթինգ

Էլեկտրոնային փոստի մարքեթինգ, առևտրային հաղորդագրություն ուղարկելու գործողություն, որը սովորաբար տեղի է ունենում մի խումբ մարդկանց կողմից, օգտագործելով էլեկտրոնյաին փոստ։ Իր ամենալայն իմաստով, պոտենցիալ կամ ընթացիկ հաճախորդին ուղարկված յուրաքանչյուր նամակ էլ. փոստի մարքեթինգ է։ Ներառում է էլ. փոստի օգտագործում՝ գովազդ ուղարկելու, բիզնես հարցումների կամ վաճառքի, նվիրատվություններ ներգրավելու համար։

Էլեկտրոնային փոստի մարքեթինգային ռազմավարությունը սովորաբար ձգտում է հասնել երեք հիմնական նպատակներին՝ ձևավորել հավատարմություն, վստահություն կամ բրենդի ճանաչելիություն։ Տերմինը սովորաբար վերաբերում է էլ.փոստի հաղորդագրություններ ուղարկելուն՝ վաճառողի հարաբերությունները ներկա կամ նախկին հաճախորդների հետ ընդլայնելու, հաճախորդների հավատարմությունը և կրկնակի վաճառքները խրախուսելու, նոր հաճախորդներ ձեռք բերելու կամ ներկա հաճախորդներին համոզելու անմիջապես ինչ-որ բան գնել և եռակողմ գովազդների նպատակով։

Պատմություն

Էլեկտրոնային փոստի մարքեթինգը, 21-րդ դարի տեխնոլոգիական աճին զուգահեռ, արագ է զարգանում։ Մինչ այդ, երբ էլ. փոստերը հաճախորդների մեծ մասի համար նորություն էին, էլ, փոստի մարքեթինգն այնքան էլ արդյունավետ չէր։ 1978 թվականին Թվային սարքավորումների կորպորացիայից (DEC) Գարի Թյուերկն ուղարկեց առաջին զանգվածային էլ․ փոստային նամակը մոտ 400 պոտենցիալ հաճախորդներին «Ընդլայնված հետազոտական նախագծերի գործակալության ցանցի» (ARPANET) միջոցով^[1]։ Նա պնդում էր, որ դա հանգեցրել է 13 միլիոն դոլար արժողությամբ DEC ապրանքների վաճառքի և ընդգծում էր զանգվածային էլ. փոստային նամակների միջոցով մարքեթինգի ներուժը^[2]։

Այնուամենայնիվ, երբ էլ․ փոստի շուկայավարումը զարգանում էր որպես ուղղակի հաղորդակցության արդյունավետ միջոց, 1990-ականներին օգտատերերը սկսեցին ավելի ու ավելի հաճախ անվանել այն որպես «սպամ» և սկսեցին արգելափակել բովանդակությունը էլ․ փոստից զտիչներով և արգելափակող ծրագրերով։ Էլեկտրոնային փոստի միջոցով հաղորդագրությունն արդյունավետորեն փոխանցելու համար մարքեթոլոգները պետք է մշակեին բովանդակությունը վերջնական օգտագործողին հասցնելու միջոց՝ առանց ավտոմատ զտիչների և սպամի հեռացման ծրագրերի շեղումների։

Պատմականորեն հեշտ չի եղել չափել մարքեթինգային արշավների արդյունավետությունը, քանի որ թիրախային շուկաները չեն կարող համարժեք սահմանվել։ Էլեկտրոնային փոստի մարքեթինգն ունի այն առավելությունը, որը թույլ է տալիս մարքեթոլոգներին բացահայտել ներդրումների եկամտաբերությունը, ինչպես նաև չափել ու բարելավել արդյունավետությունը, տեսնել օգտատերերի արձագանքները իրական ժամանակում և վերահսկել, թե որքան արդյունավետ է նրանց արշավը շուկա ներթափանցելու համար։ Միևնույն ժամանակ, սա նաև նշանակում է, որ գովազդի հատուկ մեթոդների, օրինակ՝ հեռուստատեսային գովազդի ավելի անհատական բնույթը չի կարող ֆիքսվել։

Տեսակներ

Էլ․ փոստի մարքեթինգը կարող է իրականացվել տարատեսակ էլ․ փոստային նամակների միջոցով։

• Գործարքային նամակներ

Գործարքների էլեկտրոնային նամակները սովորաբար գործարկվում են ընկերության հետ հաճախորդի գործողությունների հիման վրա։ Որպես գործարքային կամ փոխհարաբերությունների հաղորդագրություններ որակվելու համար հաղորդագրությունների հիմնական նպատակը պետք է լինի «հեշտացնել, լրացնել կամ հաստատել առևտրային գործարքը, որը ստացողը նախկինում համաձայնել է կնքել ուղարկողի հետ»^[3]։

• Ուղիղ նամակներ

Ուղիղ էլ․ փոստային նամակները նախատեսված են բացառապես գովազդային հաղորդագրություն (օրինակ՝ հատուկ առաջարկ կամ ապրանքների կատալոգ) ուղարկելու համար։ Ընկերությունները սովորաբար հավաքում են հաճախորդների կամ թիրախային լսարանի էլ. փոստային տվյալները՝ ուղիղ վաճառքային գովազդներ ուղարկելու համար։

Ծանոթագրություններ

1. «spam | unsolicited e-mail». Վերցված է 2016 թ․ սեպտեմբերի 19-ին.
2. Smith, Gina (2007 թ․ դեկտեմբերի 3). «Unsung innovators: Gary Thuerk, the father of spam». Computerworld. Վերցված է 2018 թ․ հոկտեմբերի 30-ին.
3. «PUBLIC LAW 108–187—DEC. 16, 2003 117 STAT. 2699» (PDF). U.S Government GPO.