Հելսինկիի գերմանական դպրոց
| Հելսինկիի գերմանական դպրոց | |
|---|---|
 | |
 | |
 | |
| Տեսակ | տարրական դպրոց, upper secondary school in Finland? և comprehensive school? |
| Հիմնադրված է | 1881 |
| Տնօրեն | Ֆրանկ Կուհլ |
| Աշակերտներ | 600 |
| Դասարաններ | 1-12 |
| Երկիր |  Ֆինլանդիա[1] |
| Տեղագրություն | Հելսինկի[1] |
| Հասցե | Malminkatu 14 |
| Կայք | dsh.fi(ֆին.)(գերմ.) |
Հելսինկիի գերմանական դպրոց կամ ՀԳԴ, միջնակարգ գերմանական դպրոց, որը գտնվում է Ֆինլանդիայի մայրաքաղաք Հելսինկիում։ Դպրոցում առօրյայում կիրառվող լեզուները հիմնականում երկուսն են՝ գերմաներենը և ֆիններենը։
Դպրոցը հիմնադրվել է 1881 թվականին Ֆինլանդիայում Գերմանիայի հյուպատոս Ֆրեիհեր վոն Լանազանի հովանավորությամբ։ Դպրոցի ստեղծման գործում մեծ ավանդ ունի նաև մի գերմանացի հարուստ ընտանիք և գերմանական բողոքական եկեղեցին[2]։ Դպրոցը ի սկզբանե իր դասընթացներն անցկացրել է տարբեր մասնավոր բնակարաններում, սակայն այժմ ունի սեփական տարածք։
Դպրոցը հասանելի է բոլորի համար, ինչպես վարժ գերմաներեն իմացողների, այնպես էլ գերմաներենով հետաքրքրվածների։ Դպրոցի աշակերտների մեծ մասը գերմանական ընտանիքի երեխաներն են, որոնք ապրում են Ֆինլանդիայում։ Ըստ դպրոցի աշակերտների նախահաշվարկի, դպրոցի սովորողների 80 %-ը Ֆինլանդիայի Հանրապետության քաղաքացիներ են[3]։
Դպրոցի սովորողները ուսումնասիրում են մի շարք լեզուներ։ Պարտադիր պայման է հանդիսանում անգլերենի և գերմաներենի ուսուցումը։ Կամավոր կերպով աշակերտները կարող են սովորել շվեդերեն, լատիներեն, ֆրանսերեն և ռուսերեն։ 7-րդ դասարան փոխադրված աշակերտները կամավոր կերպով ընտրություն են կատարում շվեդերենի և ֆրանսերենի միջև։ 8-րդ դասարանում աշակերտները սկսում են սովորել նաև լատիներեն։
Հելսինկիի գերմանական դպրոցն առաջարկում է ուսուցման երկու մեթոդ։ Առաջին մեթոդը 1-ից մինչև 9-րդ դասարանների կրթություններն են, որը պարտադիր կերպով ներառում է ֆիններենի և գերմաներենի մասնագիտացված ուսուցումը։ Երկրորդ մեթոդով աշակերտները դպրոցում սովորում են նաև 10-րդից 12-րդ դասարաններում և հետագայում կարող են ընդունվել համալսարան Ֆինլանդիայում և Գերմանիայում[3][4]։
Ծանոթագրություններ
[խմբագրել | խմբագրել կոդը]- ↑ 1,0 1,1 https://www.hel.fi/helsinki/fi/kasvatus-ja-koulutus/lukiot/opiskelu/lukiot
- ↑ dsh.fi/de/schulinfos/geschichte (գերմ.)
- ↑ 3,0 3,1 dsh.fi/schulinfos Արխիվացված 2015-07-17 Wayback Machine (գերմ.)
- ↑ dsh.fi/oberstufe/reifepruefung (գերմ.)
Արտաքին հղումներ
[խմբագրել | խմբագրել կոդը]- Official site (գերմ.) (ֆին.)
 | Վիքիպահեստն ունի նյութեր, որոնք վերաբերում են «Հելսինկիի գերմանական դպրոց» հոդվածին։ |
