Մարքրոու
 | |
| Murkrow* | |
|---|---|
| Պոկեմոնների ազգային ցանկում | |
| |
| Մարքրուը դադարի վիճակում | |
| Կերպարապես | թռչուն |
| Կարգաթիվ | #198 |
| Պոկեդեքսում | Պոկեմոնների ազգային ցանկում |
| Կենդանու տեսակ | Մոխրագույն ագռավ (Corvus corone) |
| Տեսակ |   |
| Զանգված | 2,1 կգ |
| Հասակ | 50 սմ |
| Արտաքին բնութագրիչ | կերպարային գլխարկ ցախավելանման պոչ |
| Գլխավոր առանձնահատկություն | մոգական կերպարանք |
| Հիմնական բնակավայր | մութ, առեղծվածային անտառներ |
| Նախասիրություն | գողություն անել մարդկանցից և ծաղրել վերջիններիս |
| Տեխնիկա | |
| Զարգացման մակարդակ | սկզբնական մակարդակ |
| Սկզբնական մակարդակ | Մարքրոու (#098) |
| Զարգացած մակարդակ | Հոնչքրոու (#430) |
| Գերզարգացած մակարդակ | բացակայում է |
| Զարգացման ձև | մթնշաղի քար |
| Հատկությունների փոփոխություն | հատկությունները չեն փոխվում |
| Տեխնիկական հնարքներ | «ինսոմնիա» (insomnia) «սուպեր ճակատագիր» (super luck) |
| Գլխավոր տեխնիկա | արագություն (91%) |
| Թուլություն |     |
| Պոկեմարզիչ |  Պաուլ
|
| * Անվանումը պոկեմոնների պաշտոնական ցանկում ** Պոկեմոններն ըստ դասակարգման կարգաթվերի | |
Պոկեմոններ  տեղեկաքարտ
| |
Մարքրոու (անգլ.՝ Murkrow), երկրորդ սերնդի մութ տեսակի թռչող պոկեմոն, որը պոկեմոնների ազգային ցանկում (հավաքագրված է պոկեդեքսում) հաշվառված է #198 կարգաթվի ներքո[1]։ Համարվում է «Պոկեմոն» ապրանքանիշի մանգայի և անիմեի կերպար։ Մարքրոուը մոխրագույն ագռավ է, որն աչքի է ընկնում գլխի մոգական գլխարկով և ցախավելաձև պոչով։ Հանդիպում է գիշերային, խոր անտառներում և ճահիճներում[2]։
Մարքրոուը պոկեմոնի զարգացման սկզբնական աստիճանն է[1]։ Վերջինս զարգանալով դառնում է Հոնչքրոու։ Մարքրոուը Հոնչքրոուի կարող է վերածվել միայն «մթնշաղի քարի» ներգործությամբ[2]։ Էվոլյուցիայի ընթացքում հատկությունները մեծապես չեն փոխվում։ Ժամանակ առ ժամանակ հայտնվում է «Պոկեմոն» անիմեի թողարկումներում։ Անիմեում ներկայացված են որպես գողեր, որոնք հաճախ ծաղրում են մարդկանց։
Պոկեմոն ապրանքանիշին պատկանող «Pokémon Go» խաղում ներկայացված է որպես Հելոուին տոնի ժամանակահատվածում ամենից շատ հանդիպող պոկեմոննեից մեկը։ Վերջինս այդ տոնի բնութագրիչներից է։
Նկարագրություն
[խմբագրել | խմբագրել կոդը]Մարքրոուը սև փետուրներով փոքրիկ թռչուն պոկեմոն է՝ մոխրագույն ագռավ։ Իր մոգական գլխարկի և տարօրինակ քթի պատճառով արտաքնուստ նման է հեքիաթներում հանդիպող կախարդներին։ Գլխարկը միացված է գլխին և վերջինիս ֆիզիոլոգիական կառուցվածքի անբաժան մասն է կազմում։ Մարքրոուն ունի պսպղուն կարմիր աչքեր, իսկ պարանոցին՝ մի քանի դուրս ցցված փետուրներ, որոնք ևս ունեն սև գունավորում։ Պոչը մարմնից անջատված է փոքրիկ կարմիր հատվածով։ Առհասարակ, Մարքրոուի պոչը ցախավելանման է և չափերով անգամ գերակշռում է մարմնի նկատմամբ։ Երկու դեղնավուն ոտքերից յուրաքանչյուրն ունի չորսական մատ, որոնց միջոցով շատ ժամանակ Մարքրոուը ճանկում է իր որսը։
Մարքրոուը տիպիկ մութ պոկեմոն է։ Նա չափազանց շատ է սիրում ամպամած երկինք, հատկապես՝ գիշերային ժամերին։ Շանթի (կայծակի) ժամանակ օժտվում է նոր հզորությամբ և շատ հաճախ հարձակվում այլ պոկեմոնների վրա։ Մարքրոուը չափազանց համառ պոկեմոն է և կարող է իր նպատակակետին հասնելու համար շարունակաբար կրկնել միևնույն գործողությունը՝ առանց դադար վերցնելու։ Այս պոկեմոնների կենսակերպին բնորոշ գողությունն ու գիշերային բնույթը հանգեցրեցին այն բանի, որ ներկայումս նա համարվում է դժբախտության խորհրդանիշ, որը հաճախ օգտագործվում է որպես Հելոուին տոնի կերպար։ Այս թռչուն-պոկեմոնները բնակվում են մութ, առեղծվածային անտառներում և նաև ճահիճներում[2]։
Հմտություններ
[խմբագրել | խմբագրել կոդը]Մարքրոուն նախկինում ունեցել է երեք աբիլիթի, որոնցից մեկն այժմ վերացել է։ Ներկայումս այս պոկեմոնի տեխնիկական հմտությունները հետևյալներն են[2]․
- «Ինսոմնիա»՝ աբիլիթին թարգմանաբար նշանակում է «անքնություն»։ Հանդիպում է շատ քիչ պոկեմոնների մոտ (այդ թվում որոշ լեգենդար պոկեմոնների)։ Այս աբիլիթիի շնորհիվ Մարքրոուն որոշակի հնարքների միջոցով քնեցնում է հակառակորդին։ Աբիլիթին կարող է ներազդել շատ խորը՝ դառնալով պոկեմոնի շարունակական անքնության պատճառ։ Իսկ մարտի դաշտում, Մարքրոուի այս աբիլիթին օգնում է դիմացինին անգիտակից դարձնելու օգնությամբ հարվածային դիրք դուրս գալ և հաղթանակ տանել[3]։
- «Սուպեր ճակատագիր»՝ այս աբիլիթիի միջոցով Մարքրոուը կրիտիկական աստիճանը բարձրացնում է ևս մեկ հորիզոնասանդղակով։ Մարտից դուրս որևէ արդյունավետություն չունի[4]։
Տեխնիկա
[խմբագրել | խմբագրել կոդը]Մարքրոուը երկրորդ սերնդի ամենաարագ պոկեմոններից մեկն է, որը միաժամանակ ունի նաև գրոհի բարձր ուժգնություն և հարաբերականորեն ամուր պաշտպանություն։ Տեխնիկական հնարավորությունների շարքում առաջատար են արագությունը, հատուկ գրոհը և առհասարակ՝ գրոհը։ Դրանց փոքր-ինչ զիջում է պաշտպանությունը, որը չի գերազանցում 42-ի շեմը։
Ստորև ներկայացված է Մարքրոուի տեխնիկական հնարավորությունների թվային պատկերը[5]․
- Արագություն՝ 91
- Հատուկ պաշտպանություն՝ 42
- Հատուկ գրոհ՝ 85
- Պաշտպանություն՝ 42
- Գրոհ՝ 85
- HP` 60
Էվոլյուցիա
[խմբագրել | խմբագրել կոդը]Մարքրոուը զարգացման երկու մակարդակ ունեցող պոկեմոն է։ Հետաքրքրական է այն փաստը, որ Մարքրոուը, որպես զարգացման առաջին ձև, պատկանում է երկրորդ սերնդի պոկեմոնների թվին, իսկ Հոնչքրոուը՝ չորրորդ սերնդին։ Զարգացման ընթացքում տեսակային հատկությունները ընդհանրապես չեն փոխվում։
Զարգանում են աբիլիթիները, ինչպես նաև ավելանում են նոր տեխնիկական հնարքներ։ Մարքրոուը Հոնչքրոուի վերածվում է ոչ թե որևէ մակարդակում, այլև «մթնշաղի քարի» առկայության պարագայում։
Ծանոթագրություններ
[խմբագրել | խմբագրել կոդը]- ↑ 1,0 1,1 «Murkrow Pokédex: stats, moves, evolution & locations». pokemondb.net (անգլերեն). Վերցված է 2018 թ․ հոկտեմբերի 30-ին.
- ↑ 2,0 2,1 2,2 2,3 «Murkrow (Pokémon) - Bulbapedia, the community-driven Pokémon encyclopedia». bulbapedia.bulbagarden.net (անգլերեն). Վերցված է 2018 թ․ հոկտեմբերի 30-ին.
- ↑ «Insomnia (Ability) - Bulbapedia, the community-driven Pokémon encyclopedia». bulbapedia.bulbagarden.net (անգլերեն). Վերցված է 2018 թ․ հոկտեմբերի 30-ին.
- ↑ «Super Luck (Ability) - Bulbapedia, the community-driven Pokémon encyclopedia». bulbapedia.bulbagarden.net (անգլերեն). Վերցված է 2018 թ․ հոկտեմբերի 30-ին.
- ↑ «Murkrow | Покедекс | Узнай больше на Pokemon.ru». www.pokemon.com (ռուսերեն). Վերցված է 2018 թ․ հոկտեմբերի 30-ին.
|
