Մերձավան

Գյուղ
Մերձավան
Երկիր	Հայաստան
Մարզ	ԱրմավիրիԱրմավիրի մարզ
Գյուղ	Փարաքար (համայնք) | Փարաքար համայնք[1]
Հիմնադրված է	1947 թ.
Մակերես	9 կմ²
ԲԾՄ	945 մ
Պաշտոնական լեզու	Հայերեն
Բնակչություն	3333[2] մարդ (2199)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	Բարևեցի
Ժամային գոտի	UTC+4
Հեռախոսային կոդ	+374 (231)[3]
Փոստային ինդեքս	1139[4]
Մերձավան (Հայաստան) Error: Must specify an image in the first line.

Մերձավան, գյուղ Հայաստանի Արմավիրի մարզի Փարաքար համայնքում^[1]։

Անուն

Նախկինում ունեցել է Ակադեմիա, Խաղողագործության և գինեգործության ինստիտուտի փորձառական բազային կից ավան անվանումները։ Մերձավան է վերանվանվել 1965 թվականին։

Աշխարհագրություն

Մերձավան գյուղը Վաղարշապատ քաղաքից հեռու է 6 կմ, մարզկենտրոն Արմավիր քաղաքից՝ 40 կմ։

Գյուղը տեղադրված է Միջինարաքսյան հարթավայրում, Քասաղ գետի հովտում, ծովի մակարդակից ունի 945 մ բարձրություն։

Կլիմա

Կլիման չոր խիստ ցամաքային է։ Ձմեռները սկսվում են դեկտեմբերի կեսերին, հունվարյան միջին ջերմաստիճանը տատանվում է -30-ից -50 °C։ Ամառը տևական է՝ մայիսից մինչև հոկտեմբեր, օդի միջին ամսական ջերմությունը հասնում է 24-ից 26 °C, իսկ առավելագույնը՝ 42 °C։ Հաճախ լինում են խորշակներ, որոնք զգալի վնաս են հասցնում գյուղատնտեսությանը։ Մթնոլորտային տարեկան տեղումների քանակը 250-300 մմ է։ Բնական լանդշաֆտները կիսանապատներ են, որոնք ոռոգման ընթացքում վեր են ածվել կուլտուր-ոռոգելի լանդշաֆտի։ Ագրոկլիմայական տեսակետից համայնքն ընկած է բացարձակ ոռոգման գոտում։

Բնակչություն

Գյուղի բնակչությունը տեղափոխվել է Հայաստանի Մարտունու, Սիսիանի, Կամոյի, Ապարանի շրջաններից։

Տարի	1970	1979	1989	2001	2005	2008	2011
Բնակիչ	1624	2122	2993[5]	2938[6]	2621	2935	3303[2]

Ըստ ազգային վիճակագրական ծառայության տվյալների 2005 թ-ին համայնքն ունեցել է 2621 առկա բնակիչ, որից տղամարդիկ կազմում են 48%, կանայք՝ 52%։ Ըստ տարիքային կազմի բնակչությունը բաշխված է հետևյալ կերպ. մինչաշխատունակներ՝ 26%, աշխատունակներ՝ 61%, հետաշխատունակներ՝ 13%։ Գյուղն ունի 728 առկա տնտեսություն։ Ունի դպրոց, գրադարան, բուժկետ, պոլիկլինիկա, կապի հանգույց։

Տնտեսություն

Գյուղատնտեսական հողահանդակները ոռոգվում են Ստորին Հրազդանի ջրանցքի ջրերով։ Գյուղատնտեսական հողահանդակներում մեծ բաժին ունեն վարելահողերը, պտղատու և խաղողի այգիները։ Զբաղվում են պտղաբուծությաամբ, խաղողագործությամբ, բանջարաբոստանային կուլտուրաների մշակությամբ, անասնապահությամբ։

Տես նաև

• Մերձավանի պատմության և մշակույթի անշարժ հուշարձանների ցանկ (Արմավիրի մարզ)

Ծանոթագրություններ

1. Տեղեկություններ Փարաքար համայնքի մասին Արմավիրի մարզպետարանի կայքում, (արխիվացված 05․11․2023 թվական)։
2. 2011 թ Հայաստանի մարդահամարի արդյունքները
3. ՀՀ մարզերի կոդեր
4. Code database of Armenia, Արմավիր
5. «Հայաստանի և հարակից շրջանների տեղանունների բառարան», հտ. 5, էջ 772
6. 2001 թ Հայաստանի մարդահամարի արդյունքները

Արտաքին հղումներ

• Էջը Արմավիրի մարզպետարանի կայքում Արխիվացված 2013-04-02 Wayback Machine
• Համայնքի ղեկավարի Էջը Արմավիրի մարզպետարանի կայքում(չաշխատող հղում)