Միկելե Սոավի
 | |
|---|---|
 | |
| Ծնվել է | հուլիսի 3, 1957[1] (67 տարեկան) |
| Ծննդավայր | Միլան, Իտալիա |
| Քաղաքացիություն |  Իտալիա |
| Մասնագիտություն | կինոռեժիսոր, դերասան, սցենարիստ, կասկադյոր, հեռուստառեժիսոր, երգիչ և հեռուստասցենարիստ |
| Ծնողներ | հայր՝ Giorgio Soavi? |
Միկելե Սոավի (իտալ.՝ Michele Soavi, հուլիսի 3, 1957[1], Միլան, Իտալիա), իտալացի կինոռեժիսոր, դերասան և սցենարիստ։
Կենսագրություն
[խմբագրել | խմբագրել կոդը]Միկելե Սոավին ծնվել է 1957 թվականի հուլիսի 3֊ին իտալական Միլան քաղաքում։ Նրա գործունեությունը կինոյում սկսվել է դերասանությունից։ Առաջին ֆիլմը, որում նա նկարահանվել է, եղել է Մեծ մարտը 1977 թվականին թողարկված։ Նշանակալի է նրա երրորդ ֆիլմը՝ Ուրիշը 2։ երկրի վրա։ Միկելեն նկարահանվել է Մայքլ Շոու կեղծանվամբ։Նրա վեցերորդ դերը եղել է Լյուչիո Ֆիլչիի Կենդանի մեռելների քաղաք ֆիլմում։ Տվյալ ֆիլմը թույլ է տվել Միկելե Սոավիին առաջին անգամ գործ ունենալ սարսափ ֆիլմ ժանրի հետ։ Ինչպես նաև Միկելեն նկարահանվել է (բավականին երկրորդական դերերում) հայտնի ռեժիսոր Ջո Դ'Ամատոի ֆիլմերում, այդ թվում՝ Կալիգուլա։ անհայտ պատմություն ֆիլմում։
1982 թվականին Միկելե Սոավին առաջին անգամ ծանոթացել է ռեժիսորական աշխատանքի հետ։ Նա մասնակցել է որպես Դարիո Արջենտոի երկրորդ օգնական Սարսուռ ֆիլմի նկարահանումներում։ 1983 թվականին Սոավին գրել է Ատոր-անտեսանելի ֆիլմի սցենարը, որի ռեժիսորն էր Ջո Դ'Ամատոն։ Նույն թվականին Միկելե Սոավին Տոմիի դերում նկարահանվել է Լամբերտո Բավայի Շեղբ գիշերը ֆիլմում։ 1985 թվականին Սոավին նկարահանվել է Ֆենոմեն (ոստիկանի դերում) և Դևեր (Ջերիի և տոմսավաճառի դերերում) ֆիլմերում։ Նույն տարվա մեջ նշանավորվել է Սոավիի առաջին ռեժիսորական փորձը։ Նա նկարահանել էր Հովիտ հեռուստաֆիլմում, ինչպես նաև Դարիո Արջենտոյի սարսափների աշխարհ վավերագրական ֆիլմում, որում Սոավին սցենարիստ էր և ռեժիսոր։
Միկելե Սոավիի առաջին ոչ հեռուստատեսային ֆիլմը եղել է Տեսարանի վախը, որը նկարահանվել է Imperial Entertainment ընկերության կողմից։ 1989 թվականին դուրս եկավ Հավաք ֆիլմը, որի ռեժիսորը սկզբում պետք է լիներ Լամբերտո Բավան, սակայն հետագայում հրաժարվեց։ 1991 թվականին թողարկվեց Աղանդ ֆիլմը, որը պատմում է ինչ-որ սատանայական աղանդի և դրա անդամների գործունեության մասին։ 1994 թվականին դուրս եկավ Մահ-սեր ֆիլմը, որը համարվում է ռեժիսորի լավագույն ֆիլմը[2]։ Այս ֆիլմի նկարահանումներից հետո Միկելե Սոավին դուրս է գալիս կինեմատոգրաֆիայից։ Սակայն 2000 և 2001 թվականներին նա աշխատել է մի քանի իտալական հեռուստաֆիլմերում։
Ֆիլմագրություն
[խմբագրել | խմբագրել կոդը]Ռեժիսոր
[խմբագրել | խմբագրել կոդը]- 1982 թվական — Սարսուռ / (ռեժիսորի երկրորդ օգնական)
- 1985 թվական — Դարիո Արջենտոի սարսափների աշխարհը (վավերագրական ֆիլմ)
- 1985 թվական — Հովիտ
- 1987 թվական — Ջրհոս / Deliria, aka Stage Fright
- 1989 թվական — Հավաք / Chiesa
- 1991 թվական — Աղանդ / La Setta
- 1994 թվական — Մահ֊սեր / Dellamorte Dellamore
- 2001 թվական — «Սպիտակ Ֆիատ» բանդա / Uno bianca
- 2003 թվական — Վերջին փամփուշտը / Ultima pallottola
- 2006 թվական — Բարով մնաս սիրելիս / Arrivederci amore, ciao
- 2008 թվական — Հաղթողների արյունը / Il sangue dei vinti
Դերասան
[խմբագրել | խմբագրել կոդը]- 1977 թվական — Մեծ մարտ
- 1979 թվական — Ուրիշը 2։ երկրի վրա/Alien 2 sulla terra
- 1980 թվական — Կենդանի մեռելների քաղաք/City Of The Living Dead / Gates Of Hell
- 1981 թվական — Կալիգուլա։ անհայտ պատմություն/Caligola, la storia mai raccontata
- 1983 թվական — Շեղբ գիշերը (Տոմմի)
- 1985 թվական — ֆենոմեն (ոստիկանի դեր)
- 1985 թվական — Դևեր (Ջերի և տոմսավաճառ)
- 1985 թվական — Դարիո Արջենտոյի սարսափների աշխարհ (խաղացել է հենց իրեն)
Սցենարիստ
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ 1,0 1,1 Deutsche Nationalbibliothek Record #137962959 // Gemeinsame Normdatei (գերմ.) — 2012—2016.
- ↑ «Միկելե Սոավի կենսագրությունը». Արխիվացված է օրիգինալից 2008 թ․ հունիսի 30-ին. Վերցված է 2016 թ․ օգոստոսի 1-ին.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Միկելե Սոավի» հոդվածին։ |
| ||||||||||||
