Միշել Մորգանելա

Միշել Մորգանելա Michel Morganella
Անձնական տվյալներ
Ազգությունը	շվեյցարացի
Քաղաքացիությունը	Շվեյցարիա
Ծննդյան ամսաթիվ	մայիսի 17, 1989(1989-05-17)[2][3] (35 տարեկան)
Ծննդավայր	Սիեր, Վալե, Շվեյցարիա
Հասակ	184[1]սմ
Քաշ	78[1] կգ
Դիրք	աջ պաշտպան
Ակումբային տեղեկություններ
Ներկա ակումբ	Պալերմո
Համար	17
Պատանեկան կարիերա
1996-1999 «Շիպի» 1999-2004 «Սիոն» 2004-2006 «Բազել»
Մասնագիտական կարիերա*
Տարի	Ակումբ	Խաղ	(Գոլ)
2006-2009 «Բազել» 6 (0) 2009-այժմ «Պալերմո» 82(0) 2010-2012 →  «Նովարա» 62 (0)
Ազգային հավաքական
2004-2005 Շվեյցարիա (մինչև 16) 11 (4) 2005-2006 Շվեյցարիա (մինչև 17) 12 (2) 2006-2007 Շվեյցարիա (մինչև 18) 5(0) 2007-2008 Շվեյցարիա (մինչև 19) 9(0) 2009-2011 Շվեյցարիա (մինչև 21) 3(0) 2012-այժմ  Շվեյցարիա 2 (0)
* Մասնագիտական կարիերայում ընդգրկված են միայն առաջնության խաղերը և գոլերը:

Միշել Մորգանելա (ֆր.՝ Michel Morganella; մայիսի 17, 1989(1989-05-17)^[2][3], Սիեր, Վալե, Շվեյցարիա), շվեյցարացի ֆուտբոլիստ, «Պալերմո» ակումբի և Շվեյցարիայի հավաքականի աջ պաշտպան։

Կարիերա

Ակումբային

Միշել Մորգանելան իր կարիերան սկսել է «Սիոն» ակումբում, որտեղից տեղափոխվել է «Բազելի» երիտասարդական թիմ։ 2007 թվականին նա կատարել է իր դեբյուտը թիմի հիմնական կազմում, որի կազմում անցկացրել է 3 խաղ։ 2007/08 մրցաշրջանում Մորգանելան մեկ հանդիպում է անցկացրել առաջնությունում, ինչպես նաև դեկտեմբերի 20-ին կատարել է իր դեբյուտը ՈւԵՖԱ-ի գավաթի խաղարկությունում՝ մասնակցելով «Համբուրգի» դեմ խաղին, որն ավարտվել է 1:1 հաշվով։ 2008/09 մրցաշրջանում Մորգանելան 2 խաղ է անցկացրել Շվեյցարիայի առաջնությունում և 1 խաղ Չեմպիոնների լիգայում՝ մասնակցելով Լիսաբոնի «Սպորտինգի» դեմ խաղին^[4]։

2009 թվականի հունվար 30-ին Մորգանելան տեղափոխվել է իտալական «Պալերմո» ակումբ՝ ստորագրելով պայմանագիր մինչև 2013 թվականը^[5] և դառնալով առաջին շվեյցարացի ֆուտբոլիստը ակումբի պատմության մեջ։ Ապրիլի 19-ին «Բոլոնիայի» դեմ խաղում Մորգանելան  կատարել է իր դեբյուտը ակումբի կազմում. նա դուրս է եկել խաղադաշտ հանդիպման 73-րդ րոպեին՝ փոխարինելով Մորիս Կառոցերիին։ Հաջորդ մրցաշրջանում Մորգանելան  խաղում էր Պրիմավերուի «Պալերմոյի» կազմում՝ հազվադեպ հայտնվելով պահեստայիների նստարանին։ 2010 թվականի հունվարին Մորգանելան դիտումների է մասնակցել հունական «Իրաքլիս» ակումբում, բայց չի ընտրվել^[6][7]։

2010 թվականի հուլիսին Մորգանելան վարձակալական հիմունքներով տեղափոխվել է «Նովարա» ակումբ, որը հանդես էր գալիս Սերիա В-ում^[8]։ Հունվարի 31-ին «Պալերմոն» «Նովարա» ակումբին  վաճառել է ֆուտբոլիստի իրավունքների 50 տոկոսը հարձակվող Պաբլո Անդրեաս Գոնսալեսի տեղափոխման փոխարեն^[9]։ 2010/11 մրցաշրջանում Մորգանելան 31 խաղ է անցկացրել Սերիա B-ում և 3  խաղ` Իտալաիայի գավաթում։ Նա նաև մասնակցել է փլեյ-օֆֆի խաղերին, որոնց արդյունքում «Նովարան» 55 տարում առաջին անգամ անցել է երկրի բարձրագույն դիվիզոն։

2012 թվականի հուլիսի 22-ին «Նովարա» և «Պալերմո» ակումբների ղեկավարները որոշել են, որ 2012/13 մրցաշրջանը շվեյցարացին կանցկացնի վարդագունասևերի կազմում^[10]։

Կարիերան հավաքականում

2000-ական թվականներին Մորգանելան հանդես է եկել Շվեյցարիայի պատանեկան և երիտասարդական տարբեր տարիքային խմբերի հավաքականների կազմերում։ 2012 թվականի մայիսի 30-ին նա կատարել է իր նորամուտը երկրի ազգային հավաքականի կազմում՝ փոխարինման դուրս գալով Ռումինիայի հավաքականի դեմ խաղի երկրորդ կեսում^[11]։

2012 թվականի Մորգանելան հրաժարվել է Շվեյցարիայի հավաքականի հետ մեկնել Լոնդոն՝ մասնակցելու Օլիմպիական խաղերին։ 2012 թվականին հեռացվել է Շվեյցարիայի հավաքականից Twitter-ի իր էջում հարավկորեական թիմի մասին հրապարակած իր ռասիստական արտահայտությունների համար։ Շվեյցարիայի օլիմպիական հավաքականի ղեկավար Ժան Ժիլին ասել է. «Նա վիրավորեց, վարկաբեկեց և նվաստացրեց ինչպես Հարավային Կորեայի թիմին, այնպես էլ այդ երկրի ժողովրդին»^[12]։

Ձեռքբերումներ

• Շվեյցարիայի չեմպիոն (1)։ 2007/08
• Շվեյցարիանի գավթի թափնեկիր(2)։ 2006/07, 2007/08

Ծանոթագրություններ

1. «Michel Morganella - Prima squadra 2016/2017 - U.S. Città di Palermo». Արխիվացված է օրիգինալից 2017 թ․ հուլիսի 10-ին. Վերցված է 2017 թ․ հոկտեմբերի 30-ին.
2. Transfermarkt.com(բազմ․) — 2000.
3. As (իսպ.) — Madrid: PRISA, 1967. — ISSN 1888-6671
4. ««FC Basel — Sporting Lissabon — Machtbericht»». Արխիվացված է օրիգինալից 2009 թ․ հունիսի 5-ին. Վերցված է 2017 թ․ հոկտեմբերի 30-ին.
5. «Acquistato Morganella dal Basilea». Արխիվացված է օրիգինալից 2009 թ․ մարտի 6-ին. Վերցված է 2017 թ․ հոկտեմբերի 30-ին.
6. Palermo, cercasi squadra per Morganella
7. Allenamento pomeridiano per i rosa(չաշխատող հղում)
8. «MOVIMENTI IN USCITA DEL PALERMO». Արխիվացված է օրիգինալից 2010 թ․ հուլիսի 21-ին. Վերցված է 2017 թ․ հոկտեմբերի 30-ին.
9. «ACQUISTATO PABLO ANDRES GONZALEZ». Արխիվացված է օրիգինալից 2011 թ․ փետրվարի 4-ին. Վերցված է 2017 թ․ հոկտեմբերի 30-ին.
10. «MOVIMENTI DI MERCATO». Արխիվացված է օրիգինալից 2017 թ․ հոկտեմբերի 29-ին. Վերցված է 2017 թ․ հոկտեմբերի 30-ին.
11. La Romania fa lo sgambetto alla Svizzera
12. Твиттер мой - враг мой

Արտաքին հղումներ

• Վիճակագրութունը National Football Teams կայքում(անգլ.)
• Վիճակագրությունը aic.football.it կայքում
• Ֆուտբոլիստի էջը gazzetta.it կայքում
• Պրոֆիլը transfermarkt.com կայքում(անգլ.)

Վիքիպահեստն ունի նյութեր, որոնք վերաբերում են «Միշել Մորգանելա» հոդվածին։