Նորվեգիայի գերագույն դատարան
| Նորվեգիայի գերագույն դատարան | |
|---|---|
| Norges Høyesterett | |
 | |
| Հիմնադրված է | 1815 |
| Երկիր |  Նորվեգիա |
| Տեղագրություն | Օսլո |
| Կայք | http://www.domstol.no (նորվ.) |
Նորվեգիայի գերագույն դատարան (նորվ.՝ Norges Høyesterett), բարձրագույն դատարան Նորվեգիայի Թագավորությունում։ Հիմնադրվել է 1815 թվականին Նորվեգիայի Թագավորության Սահմանադրության 88-րդ՝ անկախ դատական համակարգ նախատեսող բաժնի հիման վրա։ Գերագույն դատարանը գտնվում է մայրաքաղաք Օսլոյում։
Գերագույն դատարանը բաղկացած է գլխավոր դատավորից և 19 դատավորների կազմից, որոնց նշանակում է Նորվեգիայի թագավորն արդարադատության նախարարի առաջարկով։ Դատավորները պաշտոնավարում են մինչև 70 տարեկան։ 2002 թվականից գլխավոր դատավորի պաշտոնը զբաղեցնում է Տոր Շեյը։
Պատմություն
[խմբագրել | խմբագրել կոդը]Գերագույն դատարանը հիմնադրվել է 1815 թվականին Նորվեգիայի սահմանադրության ընդունմամբ, երբ Դանիան Քիլի հաշտության պայմանագրով հրաժարվել է Նորվեգիայի հետ միավորումից և այն զիջել Շվեդիային։ Մինչ այդ Նորվեգիայի գերագույն դատարանը եղել է Դանիայի դատարանը։ Համաձայն շվեդ-նորվեգական միության՝ Շվեդիան պարտավորվում էր ճանաչել Նորվեգիայի սահմանադրությունը և Նորվեգիային հնարավորություն է տվել ստեղծելու իր սեփական ազգային իշխանության մարմինները։
Ի սկզբանե դատարանը բաղկացած է եղել գլխավոր դատավորից և վեց դատավորներից, որոնք նշանակվել են թագավորի հրամանագրով։ Ժամանակի ընթացքում դատավորների թիվն ավելացել է։ Երկրորդ համաշխարհային պատերազմի ժամանակ Գերմանիայի օկուպացիայի տարիներին Նորվեգիայի Գերագույն դատարանը հրաժարվել է աշխատել նոր վարչակարգի օրոք, և դատավորները թողել են իրենց լիազորությունները։ Պատերազմից հետո Գերագույն դատարանը վերսկսել է աշխատանքը նույն կազմով[1]։
Գրականություն
[խմբագրել | խմբագրել կոդը]- Полиция, прокуратура и судебная система Норвегии // Советская юстиция. - 1993. - № 2. - С. 11.
- Исаев М.А. Основные формы конституционного контроля в странах Скандинавии // Государство и право. - 2003. - № 12. - С. 76-85.
- Васьков М.Ю. Уголовно-процессуальное законодательство Норвегии, система судопроизводства и судоустройство // Мировой судья. - 2007. - № 11. - С. 27-31.
Ծանոթագրություններ
[խմբագրել | խմբագրել կոդը]- ↑ Ханс М. Михельсен (19.03.2003). «История норвежского Верховного суда (часть II)» (նորվեգերեն). Արխիվացված օրիգինալից 2012 թ․ հոկտեմբերի 7-ին. Վերցված է 2012 թ․ հուլիսի 8-ին.
Արտաքին հղումներ
[խմբագրել | խմբագրել կոդը]- Պաշտոնական կայք (նորվ.)(նորվ.)(շվեդ.)(անգլ.)
- Նորվեգիայի դատական համակարգ Արխիվացված 2016-03-04 Wayback Machine
 | Վիքիպահեստն ունի նյութեր, որոնք վերաբերում են «Նորվեգիայի գերագույն դատարան» հոդվածին։ |
| ||||||
