Շառլ Ֆելիքս Սեզար Լոնգե (ֆր.՝ Charles Félix César Longuet, փետրվարի 14, 1839(1839-02-14)[1], Կան[2] - օգոստոսի 5, 1903(1903-08-05)[1], Փարիզ[2]), ֆրանսիացի սոցիալիստ լրագրող։
1860-ական թվականների սկզբին խմբագրել է թերթեր, մասնակցել երկրորդ կայսրությանը ընդդիմադիր շարժմանը։ Եղել է առաջին Ինտերնացիոնալի գլխավոր խորհրդի անդամ (1866-1868, 1871-1872)։ 1871 թվականի ապրիլին ընտրվել է Փարիզի Կոմունայի անդամ, հարել է պրուդոնիստական փոքրամասնությանը։ Եղել է Կոմունայի պաշտոնական օրգան «ժուռնալ օֆիսիել դը լա Ռեպուբլիկ Ֆրանսեզ» գլխավոր խմբագիրը։ Կոմունայի պարտությունից հետո տարագրվել է Անգլիա։ Լոնդոնի կոնֆերանսում 1871 թվականին և Հաագայի կոնգրեսում 1872 թվականին պաշտպանել է հիմնականում Կառլ Մարքսի և Ֆրիդրիխ Էնգելսի գիծը, հանդես եկել բակունիստների դեմ։ 1872 թվականին ամուսնացել է Մարքսի դստեր՝ Ժեննիի հետ, 1880 թվականին վերադարձել Ֆրանսիա։
Ֆրանսերեն է թարգմանել Մարքսի «Քաղաքացիական պատերազմը Ֆրանսիայում» աշխատությունը։
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 2,5 Лонге Шарль // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
- ↑ 3,0 3,1 3,2 3,3 Ouest-France (ֆր.) — Rennes: 2013. — ISSN 0999-2138; 2262-4279
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 657)։ 
|
| |
|---|
| | Բառարաններ և հանրագիտարաններ | |
|---|
| |
|
Ֆրանսիա
Charles Longuet Վիքիպահեստում
