Ողջունում երեք մատով
Երեք մատով ողջունում (սերբ.՝ Поздрав са три прста), սերբական ազգային ողջույնի ձև՝ բացած բութ մատով, ցուցամատով ու միջնամատով։ Առավել հաճախ կատարվում է աջ ձեռքով։
Նշանակություն
[խմբագրել | խմբագրել կոդը]Ժեստի նշանակության մի քանի տարբերակներ կան։ Հիմնական տեսակետի համաձայն՝ այն խորհրդանշում է Սուրբ Երրորդությունը[1][2]։ Տարածում ունեցող մեկ այլ վարկածով մատերից մեկը խորհրդանշում է սուրբ Սավա Սերբացուն, երկրորդը՝ մետրոպոլիտ Պետր II Պետրովիչին (1830-1851), իսկ երրորդը՝ Կարագեորգիին[3]։
Մեծ Սերբիայի որոշ կողմնակիցներ ողջույնի այս ձևը մեկնաբանում են այսպես. մի մատը խորհրդանշում է Սերբիան, մյուսը՝ Չեռնոգորիան, իսկ երրորդը՝ Սերբական Հանրապետությունն ու Սերբական Կրաինա հանրապետությունը որպես մեկ ամբողջություն։
Կիրառում
[խմբագրել | խմբագրել կոդը]Ողջույնի այս ձևն առաջին անգամ կիրառել է Միլոշ Օբրենովիչը Սերբական երկրորդ ապստամբության ժամանակ՝ 1815 թվականին[4]։
20-րդ դարի 90-ական թվականներին ողջույնի ձևը հանրահռչակել է «Վերագործարկման սերբական շարժման» առաջնորդ Վուկ Դրաշկովիչը, ինչպես նաև Սերբական Կրաինայի «Սերբական դեմոկրատական կուսակցության» նախագահ։ Հետագայում այն լայն տարածում է գտել և դարձել սերբական ինքնության համընդհանուր խորհրդանիշ։ Խորվաթիայում ու Բոսնիայում պատերազմի ժամանակ ողջույնը կիրառել են սերբ զինվորականները։
Ներկայումս լայնորեն կիրառվում է սերբերի կողմից որպես ազգային հպարտության արտահայտություն։ Տարածում ունի սերբ ազգայնականների, ինչպես նաև մարզիկների ու քաղաքական գործիչների շրջանակներում։
Հակադրույթներ
[խմբագրել | խմբագրել կոդը]Հայտնի է, որ Երկրորդ համաշխարհային պատերազմի ժամանակ նմանատիպ ողջույնի ձև օգտագործել են գերմանացի նացիստները և խորվաթ ուստաշները, սակայն բացի արտաքին նմանությունից՝ ողջույնի այս ձևերն ընդհանրություններ չունեն։
Նախկին Հարավսլավիայի որոշ երկրներում՝ Խորվաթիայում, Բոսնիա և Հերցեգովինայում, սերբական «եռամատ ողջունումն» ընկալվում է որպես սադրանք ու անարգանք։ Դա պայմանավորված է այն հանգամանքով, որ Հարավսլավական պատերազմներում ողջույնի այս ձևը հաճախ են կիրառել սերբ զինվորականները և ռազմական խմբավորումների ներկայացուցիչները։
Ծանոթագրություններ
[խմբագրել | խմբագրել կոդը]- ↑ Марко Хајдињак. (2000) Југославија Արխիվացված 2007-04-15 Wayback Machine.
- ↑ Међународни кривични суд, случај бр. IT-94-1-T
- ↑ Курир: «Енигма»(չաշխատող հղում)
- ↑ Вечерње Новости: Три прста за победу(չաշխատող հղում)