Պատրիկ Բաբումյան
| Պատրիկ Բաբումյան պարս.՝ پاتریک بابومیان | |
|---|---|
 | |
| Ծնվել է | հուլիսի 1, 1979 (45 տարեկան) |
| Ծննդավայր | Աբադան, Խուզեսթան, Իրան |
| Քաղաքացիություն |  Գերմանիա և  Իրան |
| Մասնագիտություն | powerlifter, հոգեբան և strongman |
| Կայք | armenian-viking.com |
 Patrik Baboumian Վիքիպահեստում | |
Պատրիկ Բաբումյան (հուլիսի 1, 1979, Աբադան, Խուզեսթան, Իրան), գերմանահայ ծանրորդ, բոդիբիլդեր, համաշխարհային ռեկորդակիր։
Պատրիկ Բաբումյանը ծնվել է 1979 թվականին, Իրանի Աբադան քաղաքում, հայկական ընտանիքում։ Յոթ տարեկանում ընտանիքի հետ տեղափոխվել է Գերմանիա։ Տասներեք տարեկանում սկսում է զբաղվել պրոֆեսիոնալ ուժային սպորտով։
1999 թվականին Պատրիկը Գերմանիայում անցկացվող բոդիբիլդինգի մրցաշարում գլխավոր մրցանակին է արժանացել։ Լոգլիֆտի բարձրացման մրցումում համաշխարհային ռեկորդ է սահմանել՝ բարձրացնելով 180 կգ[1]։
2005 թվականից Պատրիկը դարձել է բուսակեր, իսկ 2011 թվականից՝ խիստ բուսակեր, որն իր սննդակարգից բացառում է կենդանական ծագման մթերքը` միս, ձու, ձուկ, կաթ և կաթնամթերք։ Նա օգտագործում է բրինձ, կարտոֆիլ, վարսակ, միրգ, բանջարեղեն և կանաչեղեն, ինչպես նաև սոյայի կաթ, բուսական և մրգային կոկտեյլներ։
Պատրիկը կենդանիների իրավունքների պաշտպանության PETA ընկերության և «Բուսակերներ» կազմակերպության անդամ է։ 2011 թվականին նա Գերմանիայում ճանաչվել է «ուժեղ մարդ» սթրոնգմեն (strongmen)[2]:
2012 թվականին նա համաշխարհային նոր ռեկորդ է սահմանել՝ գլխից վերև բարձրացնելով 127 կգ-անոց գարեջրի տակառը[3]։
2013 թվականին Պատրիկ Բաբումյանը Տորոնտոյում (Կանադա) նոր ռեկորդ է սահմանել՝ բեռներով քայլքից նա տարել է 550 կգ քաշանոց բեռ[4][5][6]։
Պատրիկ Բաբումյանը եղել է Հայաստանում, համագործակցել է COAF-ի հետ («Հայաստանի մանուկներ» բարեգործական հիմնադրամ) հետ և վերանորոգել Արագածոտնի մարզի Արտենի գյուղի սպորտային դահլիճը։
Պատրիկը, ով մասնագիտությամբ նաև հոգեբան է, իր հարսնացուի հետ միասին գիրք է գրել՝ նվիրված սպորտային սննդին։ Գիրքը թարգմանվել է անգլերեն։
Ծանոթագրություններ
[խմբագրել | խմբագրել կոդը]- ↑ «Արխիվացված պատճենը». Արխիվացված է օրիգինալից 2016 թ․ օգոստոսի 20-ին. Վերցված է 2016 թ․ հոկտեմբերի 28-ին.
- ↑ http://www.greatveganathletes.com/patrik-baboumian-vegan-strongman
- ↑ http://volmez.tumblr.com/post/88523246292/veganzombiegirl-patrik-baboumian-vegan
- ↑ https://www.thestar.com/news/gta/2013/09/08/vegan_strongman_shoulders_550_kg_a_record_perhaps_at_vegetarian_food_fest.html
- ↑ http://www.onegreenplanet.org/news/vegan-strongman-patrik-babaoumain-breaks-world-record/
- ↑ https://veganuary.com/people/6836/
 | Վիքիպահեստն ունի նյութեր, որոնք վերաբերում են «Պատրիկ Բաբումյան» հոդվածին։ |
| ||||||||||||||
