Ռայլի Սմիթ

Ռայլի Սմիթ
Ծնվել էապրիլի 12, 1978(1978-04-12)[1] (46 տարեկան)
ԾննդավայրՍիդար Ռեփիդս, Այովա, ԱՄՆ
Քաղաքացիություն ԱՄՆ
Մասնագիտությունդերասան, հեռուստատեսային դերասան, մոդել, կինոդերասան և երգիչ
Պարգևներ և մրցանակներ

Ռայլի Սմիթ (անգլ.՝ Riley Smith, ապրիլի 12, 1978(1978-04-12)[1], Սիդար Ռեփիդս, Այովա, ԱՄՆ[2]), ամերիկացի դերասան։ Առավել հայտնի է հեռուստատեսային իր դերերով, մասնավորապես «24», «Նոր Ժաննա դ'Արկ», «90210», «Իրական արյուն» և «Առաքյալները» հեռուստասերիալներում։ Բացի այդ, Ռայլին մարմնավորել է «Դրայվ» և «Ռադիոալիք» հեռուստասերիալների գլխավոր հերոսներին։

Վաղ կյանք և կրթություն

[խմբագրել | խմբագրել կոդը]

Սմիթի ծնողներն են Ռուս և Ռոքսանա Սմիթները։ Նա ծնվել է ԱՄՆ Այովա նահանգի Սիդար Ռեփիդս քաղաքում և մեծացել Այովայի Մարիոն քաղաքում[3]՝ ծնողների ձիաբուծական ռանչոյում[4]։ Նա դարձել է հմուտ հեծյալ, պատանեկան հասակից մասնակցել ձիասպորտի մրցումների[5]։

Երբ Ռայլին 15 տարեկան էր, Ամերիկյան արշավաձիերի ասոցիացիայի համաշխարհային երիտասարդական առաջնության ժամանակ զբաղեցրել է 4-րդ հորիզոնականը[5], իսկ 16 տարեկանում դարձել նույն մրցույթի հաղթող[3]։ Երբ Ռայլին 17 տարեկան էր, ընտրվել է 50 000 անդամ ունեցող Ամերիկյան արշավաձիերի երիտասարդական ասոցիացիայի նախագահ՝ դառնալով երիտասարդական ասոցիացիայի ամենաերիտասարդ ղեկավարը[3][6]։

1997 թվականին ավարտել է Ալբունեթի ավագ դպրոցը։ Սկզբնական շրջանում Ռայլին մտադիր էր իր բարձրագույն կրթությունը շարունակել ձիասպորտի ոլորտում[3][4], բայց Սիդար Ռեփիդսի Վեսթդեյլ մոլում «բացահայտվել» է տաղանդներ փնտրող սկաուտի կողմից[7]։ Ռայլին մեկնել է Նյու Յորք՝ մասնակցելու Մոդելների և տաղանդների միջազգային ասոցիացիայի համաժողովին[4]։ Այնտեղ նա պայմանագիր է կնքել Tommy Hilfiger ընկերության հետ՝ դառնալով ընկերության գովազդային դեմքը[4][8][9]։ Աշխատած գումարը նա օգտագործել է դերասանական դասընթացների մասնակցելու համար[3][10]։

Կարիերա

[խմբագրել | խմբագրել կոդը]

Հեռուստատեսային աշխատանք

[խմբագրել | խմբագրել կոդը]

Հիլֆիգերի նկարահանումներից երեք ամիս անց, Սմիթը մեկնել է Լոս Անջելես՝ մասնակցելու The WB Television Network-ի պիլոտային սերիալներից մեկի փորձնական նկարահանումներին[11][12], սակայն պիլոտային սերիան չգոհացրեց հեռուստատեսության ղեկավարությանը և այն եթեր դուրս չեկավ։ Հետագայում, նա մասնակցել է 8 փրայմ թայմ հեռուստասերիալների պիլոտային սերիաներին և երեք հեռուստասերիալներում մարմնավորել երկրորդական դերեր։

Սմիթը երկրորդական դերեր է մարմնավորել CBS-ի «Նոր Ժաննա դ'Արկ», Fox-ի «24» հեռուստասերիալի 3-րդ եթերաշրջանում՝ մարմնավորելով Քայլ Սինգերին[11], WB-ի «Հավերժական ամառ» և NBC-ի «Այլանդակները և խելագարները» հեռուստասերիալումներում։ 2007 թվականին նա նկարահանվել է նաև «Դռայվ» հեռուստասերիալում։ Սմիթը մարմնավորել է Դին Թելոնի դերը «Մոտոքրոս» ֆիլմում, որի արտադրությամբ զբաղվել է Disney Channel-ը։

2008 թվականին Սմիթը միացել է Կինոյի և հեռուստատեսության ակադեմիային՝ ստեղծելու առցանց կրթական հոլովակներ երեխաների և դեռահասների համար, որոնք հետաքրքրված էին կինոարտադրության ոլորտով[4]։ 2009 թվականին նա նկարահանվել է «Ոգիների հետ խոսողը» հեռուստասերիալի սերիաներից մեկում, որտեղ նկարահանվում էր նաև Ջենիֆեր Լավ Հյուիթը։ 2012-2013 թվականներին նկարահանվել է «90210» հեռուստասերիալի 7 սերիաներում՝ մարմնավորելով Ռայլի Ուոլեսին։

2014 թվականին Սմիթը նկարահանվել է HBO-ի «Իրական արյուն» հեռուստասերիալում՝ մարմնավորելով Քեյթի դերը։ 2015 թվականին նա մարմնավորել է Մարկուս Քենի դերը՝ ABC-ի Նեշվիլ երաժշտական հեռուստասերիալում, իսկ 2016 թվականին էլ CW-ի «Ռադիոալիք» հեռուստասերիալում՝ մարմնավորելով Ֆրենկ Սալիվանին։

Կինոարդյունաբերություն

[խմբագրել | խմբագրել կոդը]

Սմիթը նկարահանվել է «Սարդերի հարձակումը», «Ոչ մանկական ֆիլմ», «Ռադիո», «Նյույորքյան րոպե», «Ձգտիր հաջողության» և Սանդենս կինոփառատոնի ժյուրիի գլխավոր մրցանակի նոմինանտ «Զինամթերք» ֆիլմերում[13]։

«Նյույորքյան րոպե» ֆիլմում Ռայլին և նրա խաղընկեր Ջարեդ Պադալեկին ընտրվել են գլխավոր դերասաններ Մերի-Քեյթ և Էշլի Օլսենների կողմից[11]։ Ջիմի դերը մարմնավորելուց հետո, սիրահարված լինելով Էշլիի կերպարին՝ Ջեյնին, խոստովանել է, որ չի կարողանում քույրերին միմյանցից տարբերակել[14]։

«Ռադիո» ֆիլմում Սմիթը մարմնավորել է Ջոնի Քլեյի դերը[7]։ Այդ դերի համար 2005 թվականին նա արժանացել է «CAMIE» մրցանակի[15]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Deutsche Nationalbibliothek Record #1013973585 // Gemeinsame Normdatei (գերմ.) — 2012—2016.
  2. ↑ «Riley Smith». Hollywood.com. Վերցված է 2017 թ․ հունվարի 24-ին.
  3. ↑ 3,0 3,1 3,2 3,3 3,4 Rasdal, Dave (2001 թ․ փետրվարի 6). «Marion's Riley Smith starting out strong in Hollywood». The Gazette (Cedar Rapids).
  4. ↑ 4,0 4,1 4,2 4,3 4,4 McGlothlen, John (2008 թ․ մարտի 14). «Actor from E. Iowa to create online educational series for youth interested in show biz». The Gazette (Cedar Rapids). Վերցված է 2011 թ․ հունվարի 12-ին.
  5. ↑ 5,0 5,1 Lucas, Marlene (1993 թ․ օգոստոսի 26). «Riley Smith proves he's a winner». The Gazette (Cedar Rapids). Վերցված է 2011 թ․ հունվարի 13-ին.
  6. ↑ Sauerberg, George (1996 թ․ փետրվարի 1). «More than just competition». The Gazette (Cedar Rapids). Վերցված է 2011 թ․ հունվարի 13-ին.
  7. ↑ 7,0 7,1 «Former E. Iowan Riley Smith relished 'Radio' role». The Gazette (Cedar Rapids). 2003 թ․ հոկտեմբերի 23. Վերցված է 2011 թ․ հունվարի 12-ին.
  8. ↑ Thomas, Karen (2004 թ․ փետրվարի 5). «2004's letter-perfect men». USA Today. Վերցված է 2011 թ․ հունվարի 13-ին.
  9. ↑ «Riley Smith bio». filmreference.com. Վերցված է 2011 թ․ հունվարի 12-ին.
  10. ↑ «Riley Smith Biography». BuddyTV. 2007 թ․ ապրիլի 10. Վերցված է 2011 թ․ հունվարի 13-ին.
  11. ↑ 11,0 11,1 11,2 «Riley Smith – Biography». TVGuide.com. Վերցված է 2017 թ․ հունվարի 25-ին.
  12. ↑ Sterngold, James (1999 թ․ մայիսի 17). «For All the TV Pilots, There's Just Not Enough Youth to Go Around». The New York Times. Վերցված է 2017 թ․ հունվարի 25-ին.
  13. ↑ «Iowa native Smith adds music to his Hollywood repertoire». The Gazette (Cedar Rapids). 2007 թ․ հուլիսի 26. Վերցված է 2011 թ․ հունվարի 13-ին.
  14. ↑ «Actor Reports No Worries With Olsens». The Vindicator. Google News Archive. 2004 թ․ մայիսի 9. Վերցված է 2011 թ․ հունվարի 12-ին.
  15. ↑ «The 2005 CAMIES». CAMIE Awards. 2008 թ․ օգոստոսի 11. Վերցված է 2011 թ․ հունվարի 12-ին.(չաշխատող հղում)

Արտաքին հղումներ

[խմբագրել | խմբագրել կոդը]
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ