Ռոման Դեբելկո

Ռոման Դեբելկո
Քաղաքացիությունը  Ուկրաինա
Ծննդյան ամսաթիվ օգոստոսի 8, 1993(1993-08-08)[1] (31 տարեկան)
Ծննդավայր Sopiv, Կոլոմիյայի շրջան, Իվանո-Ֆրանկովսկի մարզ, Ուկրաինա
Հասակ 185 սանտիմետր
Դիրք հարձակվող

Ռոման Նիկոլաևիչ Դեբելկո (ուկրաիներեն՝ Роман Миколайович Дебелко, օգոստոսի 8, 1993(1993-08-08)[1], Sopiv, Կոլոմիյայի շրջան, Իվանո-Ֆրանկովսկի մարզ, Ուկրաինա[2]), ուկրաինացի ֆուտբոլիստ, «Կրիվբաս» ակումբի հարձակվող։

Կենսագրություն

[խմբագրել | խմբագրել կոդը]

Ռոման Դեբելկոն ծնվել է Կոլոմիա շրջանի Իվանո-Ֆրանկովսկիում։ Նրա առաջին մարզիչներն են եղել Պյոտր Պետրովիչ Գրաբեցը և Ալեքսեյ Ռոմանը։ Առաջին անգամ աչքի է ընկել շրջանային «Կաշվե գնդակ» մրցաշարում, որտեղ ճանաչվել է իր թիմի լավագույն ֆուտբոլիստը։ Այնուհետև խաղացել է Կարպատիեի մանկապատանեկան սպորտային դպրոցում։ 2009 թվականին միջտարածաշրջանային մրցաշարերից մեկում հանդես է եկել Իվանո-Ֆրանկովսկի մարզի հավաքականի կազմում։ Այնտեղ ֆուտբոլիստին նկատել է Դոնեցկի մարզի թիմի մարզիչը և հրավիրել «Մետալուրգ»։ Դեբելկոն մեկնել է փորձաշրջանի, որից հետո մնացել է թիմում։ 2011 թվականից խաղացել է «Մետալուրգ»-ի երիտասարդական թիմում՝ Սերգեյ Շիշչենկոյի գլխավորությամբ[2]։

2013 թվականին «Մետալուրգի» պահեստային խմբում իր խաղընկեր Պավել Գրիշչենկոյի հետ վարձակալական հիմունքներով տեղափոխվել է «Բանանց» (Երևան), որը մարզում էր Վլադմիր Պյատենկոն, որը նախկինում աշխատում էր Դոնեցկի ակումբում[3]։ Հայաստանից վերադառնալուց հետո շարունակել է խաղալ պահեստայինում։ 2014/15 մրցաշրջանը նրա համար պետք է վերջինը լիներ Դոնեցկի թիմի «երիտասարդական» կազմում, հաջորդ մրցաշրջանից 22-ամյա ֆուտբոլիստն արդեն հայտնվել է տարիքային «սահմանի» տակ, այդ իսկ պատճառով դեռ 2015 թվականի ձմռանը Սերգեյ Շիշչենկոն ցանկանում էր 1993 թվականի բոլոր խաղացողներին, որոնց թվում էր նաև Դեբելկոն, վարձակալության ուղարկել[4]։ 2010-2014 թվականներին Դեբելկոն խաղացել է 110 խաղում և խփել՝ 26 գոլ։ 2012/2013 մրցաշրջանում նա նաև հինգ հանդիպում է անցկացրել «Մետալուրգի» կազմում՝ Պրեմիեր լիգայի պատանեկան առաջնությունում։

Կարիերան շարունակել է Դնեպրոձերժինսկի «Ստալ» ֆուտբոլային ակումբում։ Ակումբի կազմում մեկնարկային մրցաշրջանում նվաճել է առաջին լիգայի արծաթը և իր նախկին ակումբի՝ «Մետալուրգի» հեռացման արդյունքում բարձրացրել է որակավորումը։ Ուկրաինայի պրեմիեր լիգայում նորամուտը նշել է 2015 թվականի օգոստոսի 2-ին՝ Լուգանսկի «Զարյա»-ի դեմ խաղում։ 2018 թվականի փետրվարին լինելով Լվովի «Կարպատներ»-ի խաղացող՝ վարձավճարով տեղափոխվել է էստոնիայի «Լևադիա»[5]։ Դարձել է միակ և հաղթական գոլի հեղինակը՝ գնդակը ուղարկելով Էստոնիայի գավաթի եզրափակչում Տալլինի «Ֆլորա»-ի դարպասը[6]։ Էստոնիայում ելույթ է ունեցել ամբողջ մրցաշրջանի ընթացքում, դրանից հետո վերադարձել է «Կարպատի» ֆուտբոլային ակումբ և այնտեղ խաղացել է մինչև 2018-2019 մրցաշրջանի ավարտը։ 2019 թվականի հունիսին ազատ գործակալի կարգավիճակով տեղափոխվել է Լատվիայի գործող չեմպիոն «Ռիգա» ֆուտբոլային ակումբ, որի հետ էլ ի վերջո պաշտպանել է չեմպիոնական կոչումը։

2021 թվականի ամռանը պայմանագիր է կնքել «Կրիվբաս» ակումբի հետ[7]։

Ձեռքբերումներ

[խմբագրել | խմբագրել կոդը]
«Ստալ» (Կամենսկոյե)
  • Ուկրաինայի առաջին լիգայի արծաթե մեդալակիր՝ 2014/15
«Լեվադիա»
  • Էստոնիայի առաջնության արծաթե մեդալակիր՝ 2018
  • Էստոնիայի գավաթակիր՝ 2017/18
  • Էստոնիայի սուպերգավաթակիր՝ 2018
«Ռիգա»
  • Լատվիայի չեմպիոն՝ 2019
«Շախտյոր» (Սոլիգորսկ)
  • Բելառուսի չեմպիոն՝ 2021
  • Բելառուսի սուպերգավաթակիր՝ 2021

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 «Роман Дебелко: «Мрію потрапити в першу команду»» (ուկրաիներեն). match-rv.at.ua. 2011 թ․ մարտի 13. Արխիվացված է օրիգինալից 2015 թ․ օգոստոսի 13-ին.
  3. ↑ «Бананц берёт игроков «Металлурга»» (ռուսերեն). fcbanants.am. 2013 թ․ մարտի 16. Արխիվացված է օրիգինալից 2015 թ․ օգոստոսի 13-ին.
  4. ↑ «Роман Дебелко може змінити команду» (ուկրաիներեն). Футбольний Франківськ. 2015 թ․ հունվարի 20. Արխիվացված է օրիգինալից 2015 թ․ օգոստոսի 13-ին.
  5. ↑ «Два игрока Карпат продолжат карьеру в Эстонии». Արխիվացված օրիգինալից 2019 թ․ մայիսի 2-ին. Վերցված է 2018 թ․ փետրվարի 15-ին.
  6. ↑ ««Протокол финального матча Левадия — Флора»». Արխիվացված օրիգինալից 2018 թ․ հունիսի 13-ին. Վերցված է 2018 թ․ հունիսի 10-ին.
  7. ↑ «Дебелко подписал контракт с Кривбассом». Արխիվացված օրիգինալից 2021 թ․ հուլիսի 22-ին. Վերցված է 2021 թ․ հուլիսի 22-ին.