Սքայլայն (ֆիլմ)
 անգլ.՝ Skyline | |
|---|---|
| Երկիր |  ԱՄՆ |
| Ժանր | ֆանտաստիկ ֆիլմ, մարտաֆիլմ, ռազմական ֆիլմ, թրիլեր, կինոֆանտաստիկա և ապոկալիպտիկ ֆիլմ |
| Թեմա | այլմոլորակայինների ներխուժում |
| Թվական | 2010 և դեկտեմբերի 23, 2010[1] |
| Լեզու | անգլերեն |
| Ռեժիսոր | Greg Strause? և Colin Strause? |
| Պրոդյուսեր | Բրեթ Ռաթներ, Liam O'Donnell?, Greg Strause? և Colin Strause? |
| Սցենարի հեղինակ | Liam O'Donnell? |
| Դերակատարներ | Էրիկ Բալֆուր, Բրիտանի Դենիել, Դավիդ Զայես, Scottie Thompson?, Neil Hopkins?, Դոնալդ Ֆեյսոն և Քրիսթալ Ռիդ |
| Երաժշտություն | Մեթյու Մարգեսոն |
| Մոնտաժ | Nicholas Wayman-Harris? |
| Պատմվածքի վայր | Լոս Անջելես |
| Նկարահանման վայր | Լոս Անջելես և Կալիֆոռնիա |
| Կինոընկերություն | Rogue, Relativity Media և Hydraulx |
| Տևողություն | 100 րոպե |
| Բյուջե | 10 000 000 $ |
| Շահույթ | 68 300 000 $ |
| Հաջորդ | Beyond Skyline? |
| Պաշտոնական կայքէջ | |
 Skyline (2010 film) Վիքիպահեստում | |
«Սքայլայն» (անգլ.՝ Skyline, բառացի՝ «հորիզոնի, տեսադաշտի, երկնաքերի գիծ»), Շտրաուս եղբայրների ֆանտաստիկ ֆիլմ Լոս Անջելեսում այլմոլորակայինների ներխուժման մասին։ Ֆիլմը թողարկվել է 2010 թվականի նոյեմբերի 11֊ին[2][3]։ Ֆիլմը ստացել է PG-13 ռեյթինգ։
Սյուժե
[խմբագրել | խմբագրել կոդը]Ուշ գիշերին խնջույքից հետո ընկերների խումբն արթնանում է պատուհան ներթափանցած վառ լույսից։ Նրանցից մեկը՝ Ռեյը, նայում է պատուհանից, որպեսզի պարզի, թե ինչ է այնտեղ կատարվում։ Մնացածը վախեցած ու շտապելով փակում են պատուհանի շերտավարագույրները։ Այն մասին, թե ինչ եղավ, կարելի է միայն գուշակել, քանի որ ո՛չ հեռախոսները, ո՛չ հեռուստացույցը չէին աշխատում։ Ջերոդը և Տերրին որոշում են բարձրանալ տանիք և ստուգել։ Նրանք թողնում են երեք աղջիկներին՝ Կենդիսին, Իլեյնին և Դենիզին, տանը, իսկ ճանապարհին հանդիպում են ծեր հարևանին՝ Ուոլթին։ Բարձրանալով վերև՝ նրանք տեսնում են, թե ինչպես է փողոցի մարդկանց քաշում լույսի սյունը և նրանք բարձրանում են վերևում ինչ֊որ տեղ, ապա քաղաքի վերևում հայտնվում են հսկա տիեզերանավեր, որոնք սկսում են հարյուրներով շուրջբոլորը ներս քաշել մարդկանց։ Տեսածից հետո ընկերները որոշում են մեկնել երկու մեքենաներով դեպի Տերրիի զբոսանավը։ Տերրին ցանկանում է Ուոլթից վերցնել մեքենան, բայց ծերունուն սպանում են այլմոլորակայինները։ Չնայած դրան, նրանք միևնույն է ճանապարհ են ընկնում։ Սակայն հենց առաջին մեքենան դուրս է գալիս փողոց, դրա վրա հարձակվում է հսկա հրեշը՝ ակնթարթորեն սպանելով Դենիզին, իսկ հետո փրկվել փորձող Տերրիին։ Մնացածը վերադառնում են ավտոտնակ, որտեղ նրանց վրա հարձակվում է ևս մեկ հրեշ՝ ճանապարհին սպանելով մեկ այլ փրկվածի՝ Կոլինին։ Ընկերներին և Կոլինի կնոջը ՝ Ջենին, փրկում է կոնսիերժ Օլիվերը, ով ջիպով մխրճվում է այլմոլորակայինի մեջ։ Դրանից հետո բոլորը փակվում են Տերրիի բնակարանում (բայց ճանապարհին հրեշներից մեկը սպանում է Ջենին)։
Հաջորդ օրը նրանք տեսնում են, թե ինչպես են ԱՄՆ֊ի զինված ուժերը գրոհում այլմոլորակայինների վրա։ Սակայն անօդաչուները և ռմբակոծիչները անզոր են գտնվում այլմոլորակայինների դեմ։ Ու չնայած այլմոլորակային նավերից մեկը հաջողվում է խփել ատոմային մարտագլխիկով, այն ինքն իրեն վերականգնվում է, իսկ գազազած հրեշները ավելի ուժեղ են հարձակվում մարդկանց վրա։ Նրանք գլուխ են հանում սպեցնազի ջոկատի հետ, իսկ բնակարանից հանում են Կենդիսին։ Ջերոդը և Իլեյնը վազում են տանիք, որտեղ տեսնում են զինվորական ուղղաթիռ և օգնություն են կանչում, սակայն հսկա այլմոլորակայիններից մեկը ջարդում է այն։ Նույն ժամանակ Օլիվերը, բացելով գազը, պայթեցնում է բնակարանը դրա մեջ ներխուժած այլմոլորակայինների հետ միասին։ Երիտասարդները փախչում են տանիք և հայտնվում զինվորների ու այլմոլորակայինների դիմակայության կենտրոնում։ Այլմոլորակայիններից մեկը հարձակվում է ողջ մնացածների վրա։ Ջերոդը գրեթե պարտվում է մարտում, բայց վերջին պահին Իլեյնը ուշաթափեցնում է այլմոլորակայինին։ Որոշ ժամանակ անց այլմոլորակայինը ուշքի է գալիս և գրոհում Իլեյնի վրա։ Հանկարծակիորեն Ջերոդի դեմքի կաշին սևանում է, և նա կատաղի նոպայի մեջ նետվում է այլմոլորակայինի վրա, ջարդում է նրա երախը և սկսում նրա գլխից հանել օրգանները։ Այլմոլորակայինը մեռնում է։ Լինելով վիրավոր հրեշների հետ մարտից՝ նրանք ընկնում են լույսի ճառագայթի տակ, և նրանց քաշում է հսկայական նավը։ Այնտեղ նրանք հայտնաբերում են, որ այլմոլորակայինները մարդկանց գլխից հանում են ուղեղները։ Որոշ ուղեղներ նրանք ուտում են, իսկ մյուսները տեղադրում են մարդակերպ կրողների մեջ, որը մասամբ տեղի է ունենում Ջերոդի հետ։ Այլմոլորակայինները հայտնաբերում են, որ Իլեյնը հղի է և նրան ուղարկում են մեկ այլ մեկուսախուց էմբրիոնի դուրս բերման համար։ Միաժամանակ Ջերոդի դուրս հանված ուղեղը անհայտ պատճառներով ձեռք է բերում կարմիր գունավորում կապույտի փոխարեն, որը մնացածի մոտ էր։ Երբ նրան տեղադրում են այլմոլորակային կրիչի մեջ, հայտնաբերվում է, որ Ջերոդի գիտակցությունը լիովին կարող է կառավարել իրեն, և այդ պատճառով նա մտնում է մարտի, որպեսզի մահից փրկի Իլեյնին և նրա ապագա երեխային։ Պատմության վերջը մնում է բաց, ավարտական տիտրերը ուղեկցվում են ստոպկադրերի հետ, որոնց վրա Ջերոդի ուղեղով այլմոլորակայինը ոչնչացնում է մյուս այլմոլորակայիններին և ձեռքերի վրա տանում Իլեյնին։
Դերերում
[խմբագրել | խմբագրել կոդը]- Էրիկ Բալֆուր- Ջերոդ
- Սկոտտի Թոմսոն -Իլեյն
- Դեվիդ Զայաս-Օլիվեր
- Դոնալդ Ֆեյսոն- Տերրի
- Դանիել Բրիտանի - Կենդիս
- Կրիստալ Ռիդ - Դենիզ
- Նիլ Խոպկինս -Ռեյ
- Փոլ Բոմեր - Կոլլին
- Տանյա Նյուբոլդ - Ջեն
- Տոնի Բլեք - Դերեկ
- Ֆետ Մահատոնգդի - Մենդի
- Պեմ Լեվին - Սինդի
Ստեղծում և թողարկում
[խմբագրել | խմբագրել կոդը]Ֆիլմն իրենից ներկայացնում է փոքր բյուջեով վարիացիա այնպիսի բլոկբաստերների թեմայով, ինչպիսիք են «Անկախության օրը» և «Աշխարհների մարտ»։ Նկարահանումները տեղի են ունեցել կալիֆորնիական բնակելի կոմպլեքսում, որտեղ ապրում է Գրեգ Շտրաուսը, և ստեղծողների համար արժեցել են կես միլիոն դոլար[4]։ Համակարգչային էֆեկտները և գովազդը ֆիլմի բյուջեն հասցրել են մինչև $10 մլն․։ Այդպիսով ամերիկյան «Սքայլայնը» արժեցել է ավելի քան երեք անգամ պակաս ստեղծողների համար, քան ռուսական «Մարդաբնակ կղզին»։ Ամերիկացի քննադատները ֆիլմը քննադատել են ամբողջությամբ, սակայն դրանք ոչ թե հատուկ էֆեկտների որակին էին ուղղված, այլ երկխոսություններին[5]։ Թեև ֆիլմը ամերիկյան վարձույթում չկարողացավ բարձրանալ 4-րդ հորիզոնականից, այն իր բյուջեի ծախսը հանել է առաջին իսկ շաբաթում պրեմիերայից հետո[6]։ 2012 թվականին պետք է սկսվեին «Սքայլայն 2»֊ի նկարահանումները, սակայն սյուժեի փոփոխության պատճառով նկարահանումները տեղափոխվել են 2014 թվականի վերջ։ Սիկվելի թողարկումը նշանակված է 2015 թվականի դեկտեմբերի 9֊ին։
Սաունդթրեք
[խմբագրել | խմբագրել կոդը]Ֆիլմի երաժշտությունը գրել է կոմպոզիտոր Մեթյու Մարդջենսոնը։ Ինչպես նաև ֆիլմում հնչել են հետևյալ կոմպոզիցիաները՝
- 30 Seconds To Mars — Kings and Queens,
- Royce Da 5’9 — Where’s My Money,
- Royce Da 5’9 — New Money,
- Royce Da 5’9 Feat.
- Phonte — Something 2 Ride 2,
- The Crystal Method — American Way,
- Imagine — Rain of love.
Քննադատություն
[խմբագրել | խմբագրել կոդը]Ֆիլմը ստացել է ռեյթինգների տապալող արդյունքներ[5] Ինչպես նաև այն քննադատվել է ոչ օրիգինալ սյուժեի, վատ մշակված սցենարի և վատ դերասանական խաղի համար[7]։ Այնուամենայնիվ ֆիլմը ունեցավ երկրպագուներ։
Ծանոթագրություններ
[խմբագրել | խմբագրել կոդը]- ↑ Internet Movie Database — 1990.
- ↑ LATimes: COMIC-CON 2010: ‘Skyline’ — destroying Los Angeles once again
- ↑ Rotten Tomatoes
- ↑ Box Office: Ironically Titled Denzel Movie Places Second — Vulture
- ↑ 5,0 5,1 Скайлайн на сайте RottenTomatoes(անգլ.)
- ↑ Skyline: The good bad movie — Critics hate it but audiences love it — National Hollywood Box Office(անգլ.)
- ↑ Рецензия в журнале «Если» № 1 (215) за 2011
Արտաքին հղումներ
[խմբագրել | խմբագրել կոդը]- Ֆիլմի պաշտոնական էջ Արխիվացված 2010-12-15 Wayback Machine
- Скайлайн(անգլ.) ֆիլմը Internet Movie Database կայքում Կաղապար:Рейтинг-10
- Рецензия в «Новом Взгляде»
 | Վիքիպահեստն ունի նյութեր, որոնք վերաբերում են «Սքայլայն (ֆիլմ)» հոդվածին։ |
|
