Changes (երգ, Դեյվիդ Բոուի)

«Changes»
-ի սինգլը
Ժանրարթ փոփ
ԵրգահանԴեյվիդ Բոուի
ԼեյբլRCA Records
ՊրոդյուսերKen Scott? և Դեյվիդ Բոուի

«Changes», Դեյվիդ Բոուիի ստեղծագործությունը, որն ի սկզբանե թողարկվել է «Hunky Dory» ալբոմում 1971 թվականի դեկտեմբերին, 1972 թվականի հունվարին թողարկվել է որպես սինգլ։ Չնայած այն հանգամանքին, որ երգը չի ընդգրկվել բրիտանական հիթ-շքերթի լավագույն սինգլների թոփ 40-ում, «Changes»-ը դարձել է Բոուիի ամենահայտնի երգերից մեկը։ Երգի բառերը հաճախ մեկնաբանվում են որպես մանիֆեստ երգչի փոփոխական բնույթի, նրա սեռական երկիմաստության և 1970-ականների ընթացքում իմիջի և երաժշտական ոճի հաճախակի վերափոխումների մասին[1]։ Այս սինգլը բերվում է որպես Դեյվիդ Բոուիի հյուսիսամերիկյան պաշտոնական առաջնաելույթը, չնայած այն հանգամանքին, որ «The Man Who Sold the World» երգը Հյուսիսային Ամերիկայում թողարկվել էր երկու տարի առաջ[2]։

Երաժշտություն և լիրիկա

[խմբագրել | խմբագրել կոդը]

Երգը ստեղծվել է որպես գիշերային ակումբներում հնչող երգերի պարոդիա[3], Բոուին դրան նշանակություն չի տվել, և բավականին զարմացել է, երբ այն սկսել են հաճույքով երգել համերգների ժամանակ, ապա երգը դարձել է հիթ[4][5][6]։ Երգի սկզբի դաշնամուրային մասերը կատարել է Ռիկ Ուեյքմանը (հետագայում Yes խմբի լեգենդար ստեղնաշարահարը), երգի վերջում սաքսոֆոն է նվագում հենց Դեյվիդ Բոուին[4]։ Երգի ստեղնաշարային վերադաշնակմամբ զբաղվել է Միք Ռոնսոնը, իսկ նրա «կակազող» կրկներգը համեմատել են My Generation խմբի «The Who» երգի հետ[7][8]։

Երգի բառերը կենտրոնացած են կոմպուլսիվ վարքագիծի հարկադրական բնույթի վրա («տարօրինակ հոբբիները հմայում են ինձ / Փոփոխությունները հավաքում են այն տեմպը, որով ես անցնում եմ») և երաժիշտի հեռավորությունը ռոք մեյնսթրիմից[1]։ Կոմպոզիցիան մեկնաբանվել է նաև որպես «Modern Kind՝ նոր շարժում»-ի[7] գովազդ, այս թեման կրկնվում է ալբոմի հաջորդ թրեքում՝ «Oh! You Pretty Things»։ «Rolling Stone» ամսագիրը «Hunky Dory» ալբոմի մասին հոդվածում նշում էր, որ «Changes» երգը կարող է «մեկնաբանվել որպես երիտասարդի փորձ՝ հասկանալու, թե ինչպես է նա արձագանքելու, երբ գա ժամանակը պառակտված սերնդի հայհոյված կողմում լինելու»[9]։

Թողարկում և ազդեցություն

[խմբագրել | խմբագրել կոդը]

Բոուիի համաձայնությամբ բրիտանացի երաժիշտ Փիթեր Նունը ձայնագրել է «Oh! You Pretty Things»[7] երգը, որը քննադատները հետագայում կոչել են «երգ, որը պետք է դառնար «Hunky Dory» ալբոմի աչքի ընկնող սինգլը», «Changes» կոմպոզիցիան որպես սինգլ ընտրվել է 1972 թվականի հունվարին։ Ինչպես և ալբոմը, երգը ստացել է քննադատների դրական արձագանքը, բայց զգալի հաջողություն չի ունեցել չարթերում, այն ձախողվել է երաժշտի հայրենիքում, իսկ ամերիկյան հիթ-շքերթում չի հասել Top 40-ին[7]։

Զիգգի Սթարդաստի 1972-73 թվականների շրջագայության ընթացքում երգը եղել է Բոուիի համերգային ելույթների պարտադիր համարը, այնուհետև այն կատարվել է Diamond Dogs (1974 թվական) և Station to Station (1976 թվական) շրջագայությունների ժամանակ։ Ըստ Բոուիի, երգը վերածվել է մի տեսակ հրեշի, որին հանդիսատեսը չէր դադարում պահանջել համերգների ժամանակ «Ես գաղափար չունեի, որ նա այդքան հայտնի բան կդառնա»[6]։ «Rolling Stone» ամսագրի 2004 թվականի «Բոլոր ժամանակների 500 մեծագույն երգեր» հարցման արդյունքում կոմպոզիցիան զբաղեցրել է վարկանիշի 128-րդ հորիզոնականը։ 2016 թվականի նոյեմբերի 27-ին «Changes»-ը ընդգրկվել է Գրեմմիի փառքի սրահում[10]։

Կոմպոզիցիան հայտնվել է «Սիմփսոններ» մուլտսերիալի դրվագներից մեկում («It’s A Mad, Mad, Mad, Mad Marge», 2000 թվական)․ Հոմերը, մեքենան վերանորոգելիս երգում է իր սեփական խոսքերը այս երգի համար․ «Ch-ch-ch-changes! Time to change the oil! Changes! Don’t want to be an oily man…»[4]։

Քավեր տարբերականեր

[խմբագրել | խմբագրել կոդը]
  • Butterfly Boucher՝ ձայնագրել է «Շրեկ 2» (2004) մուլտֆիլմի սաունդթրեքը Դեյվիդ Բոուիի հետ վոկալով[11]։
  • Լինդսի Լոհան՝ ձայնագրել է «Changes»-ի քավեր տարբերակը 2004 թվականի «Բեմի աստղը» ֆիլմի համար։
  • Jack's Mannequin piano՝ ռոք խումբ, որը կատարել է այս երգը ուղիղ եթերում[12]։
  • Bananarama-ն պրոդյուսերներ Մայք Սթոքի և Փիթ Ուոթերմանի հետ ձայնագրել է երգը 1993 թվականին, սակայն այն երբեք պաշտոնապես չի թողարկել[13]։
  • Puppini Sisters-ը թողարկել է այս երգը իրենց 2016 թվականի «The High Life» ալբոմում։ FillY-ը և Մարտին Կալոգրիդիսը այս տարբերակը ևս երկու անգամ ռեմիքսավորել են։

Ձայնարկության մասնակիցներ

[խմբագրել | խմբագրել կոդը]

Պրոդյուսերներ

    • Քեն Սքոտ
    • Դեյվիդ Բոուի

Երաժիշտներ

    • Դեյվիդ Բոուի՝ վոկալ, կիթառ, սաքսոֆոն
    • Միկ Ռոնսոն՝ կիթառ, լարային վերադաշնակում
    • Թրևոր Բոլդեր՝ բաս
    • Միք Վուդմանսի՝ հարվածային գործիքներ
    • Ռիկ Ուեյքման՝ դաշնամուր

Հիթ-շքերթներ

[խմբագրել | խմբագրել կոդը]
Հիթ-շքերթ (1972) Ամենաբարձր

հորիզոնական

{{{2}}} US Billboard Hot 100[14] 66
{{{2}}} US Cash Box Top 100[14] 59
Հիթ-շքերթ (1975) Ամենաբարձր

հորիզոնական

{{{2}}} US Cash Box Top 100[14] 38
{{{2}}} Canada RPM Top Singles[15] 32
{{{2}}} US Billboard Hot 100[14] 41
Հիթ-շքերթ (2016) Ամենաբարձր

հորիզոնական

{{{2}}} UK Singles Chart 49[16]
{{{2}}} France SNEP[17] 84
{{{2}}} US Billboard Rock Songs 10

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Buckley, David Strange Fascination - David Bowie: The Definitive Story. — 1999. — С. 116.
  2. ↑ «Watch that Man» by Tina Clarke, Music Express magazine, March 1990, page 9
  3. ↑ «Changes - David Bowie | Song Info» (անգլերեն). AllMusic. Արխիվացված օրիգինալից 2019 թ․ դեկտեմբերի 23-ին. Վերցված է 2019 թ․ դեկտեմբերի 23-ին.
  4. ↑ 4,0 4,1 4,2 «Changes (Перемены) — David Bowie». Արխիվացված օրիգինալից 2012 թ․ հունվարի 20-ին. Վերցված է 2011 թ․ նոյեմբերի 29-ին.
  5. ↑ Raggett, Ned. «Review of Changes». Allmusic.
  6. ↑ 6,0 6,1 Loder, Kurt Loder; Bowie, David (1989). Sound and Vision: CD liner notes
  7. ↑ 7,0 7,1 7,2 7,3 Կաղապար:Нп3; Կաղապար:Нп3 Bowie: An Illustrated Record. — 1981. — С. 40—44.
  8. ↑ Blake, Mark (ed.) (2007). «Future Legend», MOJO 60 Years of Bowie: pp.74-75
  9. ↑ Mendelsohn, John Hunky Dory(անգլ.) // Rolling Stone : magazine. — 1972. Архивировано из первоисточника 14 Դեկտեմբերի 2006.
  10. ↑ Daniel Kreps (2016 թ․ նոյեմբերի 29). «Nirvana, Bowie, R.E.M. Songs Among Grammy Hall of Fame's 2017 Inductees» (անգլերեն). Rolling Stone. Արխիվացված օրիգինալից 2017 թ․ դեկտեմբերի 12-ին. Վերցված է 2019 թ․ դեկտեմբերի 23-ին.
  11. ↑ «Shrek [Original Motion Picture Soundtrack] - Original Soundtrack | Songs, Reviews, Credits» (անգլերեն). AllMusic. Արխիվացված օրիգինալից 2020 թ․ օգոստոսի 2-ին. Վերցված է 2019 թ․ դեկտեմբերի 23-ին.
  12. ↑ «jacksmannequin | Archive of Our Own». www.archiveofourown.org. Արխիվացված օրիգինալից 2020 թ․ մարտի 18-ին. Վերցված է 2019 թ․ դեկտեմբերի 23-ին.
  13. ↑ «Bananarama’s Unreleased 1993 Cover Of David Bowie’s “Changes” Has Leaked, And It’s Guilty-Pleasure Gold». idolator. 2016 թ․ հունվարի 12. Վերցված է 2019 թ․ դեկտեմբերի 23-ին.(չաշխատող հղում)
  14. ↑ 14,0 14,1 14,2 14,3 Whitburn, Joel The Comparison Book. — 2015. — С. 56. — ISBN ISBN 978-0-89820-213-7
  15. ↑ Library and Archives Canada (2013 թ․ հուլիսի 17). «Item». www.bac-lac.gc.ca. Վերցված է 2019 թ․ դեկտեմբերի 23-ին.
  16. ↑ «UK Singles Charts 15/01/16». Արխիվացված օրիգինալից 2016 թ․ փետրվարի 15-ին. Վերցված է 2016 թ․ հունվարի 17-ին.
  17. ↑ «lescharts.com - David Bowie - Changes». lescharts.com. Արխիվացված օրիգինալից 2019 թ․ հունիսի 2-ին. Վերցված է 2019 թ․ դեկտեմբերի 23-ին.
 ⛭ 
  Թեմատիկ կայքեր