Puig

Puig
Изображение логотипа
Տեսակբազմազգ ընկերություն
Հիմնադրված է1914
ՀիմնադիրAntoni Puig i Castelló?
ՎայրԲարսելոնա
Երկիր Իսպանիա
ՏնօրենMarc Puig Guasch?[1]
Արդյունաբերություննորաձևություն և կոսմետիկ արդյունաբերություն
Աշխատողների թիվ4483 մարդ
Դուստր ընկերություններCarolina Herrera?[2], Nina Ricci, Jean-Paul Gaultier?, L'Artisan Parfumeur?, Penhaligon's?, Charlotte Tilbury Beauty? և Byredo?
Կայքpuig.com
ԲորսաՄադրիդ և Մադրիդի ֆոնդային բորսա
 Puig (company) Վիքիպահեստում

Puig (Պուիգ), բարսելոնական համաշխարհային ճանաչում ունեցող ընկերություն, որը գործունեություն է իրականացնում նորաձևության և օծանելիքի ոլորտներում։ Ընկերությունը հիմնադրել է Անտոնիո Պուիգ Կաստելոն 1914 թվականին Կատալոնիայի Բարսելոնա քաղաքում։ Ներկայում ընկերությունը ղեկավարումը գտնվում է Պուիգի ընտանիքի տնօրինության ներքո։

«Պուիգը» իր արտադրանքը վաճառում է շուրջ 150 երկրներում և իր ուղիղ ներկայությունն ունի 22 երկրում։ Այն ամբողջ աշխարհում աշխատանքով է ապահովում 4472 մարդու։ Ընկերության շրջանառությունը 2017 թվականին եղել է 1,9 միլիարդ եվրոյի զուտ եկամուտ և 228 միլիոն զուտ շահույթ[3][4][5][6][7][8][9]։

Ինչպես նորաձևության ոլորտում, այնպես էլ բուրավետ նյութերի արդյունաբերությունում «Պուիգը» գործում է «Նինա Ռիչի», «Կարոլինա Էռերա» և «Պակո Ռաբան» ապրանքանիշներով։ Նորաձևության ոլորտում հանդիսանում է «Ժան Պոլ Գոտյե» նորաձևության տան բաժնետեր[10]։ Բացի այդ, օծանելիքի արտադրությունում արտոնագրով ընկերությունը գործունեություն է իրականացնում մի շարք ապրանքանիշների անունից, որոնց թվում հարկ է նշել «Comme des Garçons»-ը, «Prada»-ը և «Վալենտինոն»[11]։

Ընկերության պատմություն

[խմբագրել | խմբագրել կոդը]

Հիմնադրում և գործունեության սկիզբ

[խմբագրել | խմբագրել կոդը]
«Պուիգ» ընկերության նախկին գրասենյակը Բարսելոնայի Տրավեսերա դե Գարսիա փողոցում

Ձեռնարկատիրական ընկերության ակունքները հասնում են մինչև 1914 թվականը, երբ Անտոնիո Պուիգ Կաստելոն հիմնեց իր ընկերությունը։ Հիմնադրման ժամանակ ընկերությունը վերցրել է իր հիմնադրի անունը և սկսել է կոչվել «Անտոնիո Պուիգ» բանետիրական ընկերություն։ Այդ ժամանակվանից սկսած ընկերությունն իր գործունեությունը կենտրոնացրել է կոսմետիկայի ու օծանելիքի ոլորտներում[12]։

1922 թվականին «Պուիգ» ընկերությունը մտնում է կանացի շրթներկի շուկա իր «Միլեդի» ապրանքատեսականիով, որը արտադրվում էր Իսպանիայում[13]

1940-ական թվականներին ընկերությունը սկսում է վաճառել նարդոսի հոտով «Ագուա Լավանդա Պուիգ» օծանելիք[14], որը հետագայում դարձավ իր տարբերակիչ արտադրանքներից մեկը[15]։ Այդ տարիներին ընկերության հիմնադիր Անտոնիո Պուիգը որոշում կայացրեց գրասենյակն ու փոքրիկ գործարանը տեղափոխել Բարսելոնայի Գարսիա շրջանի Տրավեսերա դե Գարսիա փողոցում գտնվող շենք[16]։

Հետագա տարիներին «Պուիգ» ընկերության ղեկավար կազմում ընդգրկվեցին Անտոնիոյի չորս որդիները։ Չնայած այն հանգամանքին, որ ընկերության ղեկավար կազմում սերնդափոխությունն իրականացվում էր աստիճանաբար, եկավ ժամանակը, երբ Անտոնիո Պուիգն որոշում կայացնելու իրավունքն ամբողջությամբ հանձնեց որդիներին։ Մարիանոն և Անտոնիոն ստանձնեցին օծանելիքի արտադրության ոլորտը, Խոսե Մարիան՝ արտադրանքի բազմազանեցման գործը, իսկ Էնրիկեն՝ ինսստիտուցիոնալ հարաբերություններով[13]

Միջազգային ընդարձակում

[խմբագրել | խմբագրել կոդը]

1959 թվականին ընկերությունը սկսեց իր միջազգային ընդարձակման փուլը՝ Բարսելոնա քաղաքի «Էլ Բեսոս և էլ Մարեսմե» արդյունաբերական գոտում նոր գործարան կառուցելով և երկրի սահմաններից դուրս՝ Միացյալ Նահանգներում, բացելով մասնաճյուղ[17]։

1968 թվականին «Պուիգը» մասնաճյուղ է բացում Ֆրանսիայի մայրաքաղաք Փարիզում։ Այդ իրադարձությունը համընկնում է «Պուիգ» ընկերությանը իսպանացի դիզայներ Պակո Ռաբանի ապրանքանիշի միացման հետ։ Այդ համագործակցության արդյունքում 1969 թվականին կսվեց «Կալանդր» օծանելիքի վաճառքը[18]։ 1976 թվականին ընկերությունը Ֆրանսիայի Շարտր քաղաքում կառուցում է օծանելիքի գործարան[19]։ 1987 թվականին «Պուիգն» ամբողջությամբ ձեռք է բերում Պակո Ռոբինայի նորաձևության տունը[20]։

«Պուիգ» ընկերության միջազգային ընդարձակման առանցքային դրվագներից է 1980-ական թվականներին Նյու Յորք վենեսուելացի դիզայներ Կարոլինա Էռերաի հետ ձեռք բերված պայմանավորվածությունը, որով «Պուիգը» պետք է ստանձներ նրա բոլոր հոտավետ նյութերի ստեղծմամբ ու առևտրայնացմամբ։ Տարիներ անց՝ 1995 թվականին, «Պուիգ» ընկերությանն է նաև միացվում Կարոլինա Էռերայի նորաձևության բիզնեսը[13]։

Վերանվանում, «Պուիգ բյութի և ֆեյշն գրուպ»

[խմբագրել | խմբագրել կոդը]
«Պուիգ» ընկերության գործադիր նախագահ Մարկ Պուիգ

1997 թվականին «Պուիգը» Անտոնիո Բանդերասի հետ «Բույրեր Անտոնիո Բանդերասից» ապրանքանիշի ստեղծման և առևտրայնացման մասին համաձայնագիր է կնքում։ Հաջորդ տարի ընկերությունը ձեռք է բերում «Նինա Ռիչի» ապրանքանիշը՝ այդպիսով շարունակելով հեղինակավոր ապրանքանիշների ձեռքբերման քաղաքականությունը[13]։ Բիզնեսի ընդարձակման հետ կապված 1999 թվականին Պուիգ ընտանիքը վերակազմավորում է ընկերությունը։ Նրանք վերանվանում են ընկերությունը «Պուիգ բյութի և ֆեյշն գրուպի» և միևնույն կառույցի մեջ միավորում բիզնեսի երեք ճյուղերը (նորաձևություն, կոսմետիկա, օծանելիք)։

Համաձայն իր ընդարձակման քաղաքականության՝ «Պուիգը» ձեռք է բերում իսպանական «Պարֆումերիա Գալ» և «Միրուրխիա» ընկերությունները[21][22]։ Այդ քայլը Պուիգին ամրապնդեցին իսպանական շուկայում իր առաջատարի դիրքը։ Բացի այդ, նոր ընկերությունների գնման քաղաքականության արդյունքում «Պուիգի» կազմում ընդգրկվեցին այնպիսի ապրանքանիշեր, ինչպիսին է «Ադոլֆո Դոմինգեսը», Massimo Dutti և «Էնո դե Պրավյան»[13][23]։

2002 թվականին ընկերության մասն է դառնում «Comme des Garçons» նորաձևության տունը, իսկ մեկ տարի անց ձեռք է բերվում իտալական Prada օծանելիքներ արտդրող ընկերությունը։ Երկու ապրանքանիշներն էլ դարձան ընկերության օծանելիքի արտադրության մաս[24][25]:«Պուիգ»

2000-ական թվականներին ընկերության բարձրագույն ղեկավար կազմում տեղի են ունենում փոփոխություններ։ Մարկ Պուիգը, ով հանդիսանում էր ընտանիքի երրորդ սերնդի ներկայացուցիչ, նախ դարձավ գլխավոր տնօրեն[26], իսկ արդեն 2007 թվականին՝ գործադիր նախագահ։ Փոխնախագահի պաշտոնը զբաղեցրեց Մանուել Պուիգը[27]; Նոր ղեկավարությամբ ընկերությունը 2008 թվականին կոլումբիացի երգչուհի Շակիրայի հետ կնքում է նրա անվամբ օծանելիքի ստեղծման և առևտրայնացման մասին համաձայնագիր[28]։

«Պուիգը» մեր ժամանակներում

[խմբագրել | խմբագրել կոդը]
Օսպիտալետ դե Լյոբրեգատ քաղաքում գտնվող Տորե Պուիգ երկնաքերը, որ հանդիսանում է «Պուիգ» ընկերության գլխավոր գրասենյակը

2009 թվականին «Puig Beauty & Fashion Group» ընկերությունը երկրորդ անգամ է փոխում իր անվանումը՝ կրկին դառնալով «Puig» («Պուիգ»)[29]։

«Պուիգի» վերջին ձեռքբերումներից է հանդիսանում ընկերության կազմի մեջ իտալացի հայտնի դիզայներ Վալենտինոյի (2010 թվական)[30] և ֆրանսիացի մոդելյոր Ժան Պոլ Գոտյե ապրանքանիշների ընդգրկումը։ Վերջինի դեպքում «Պուիգը» դարձավ նաև հիմնական բաժնետեր՝ գնելով ֆրանսիական խմբի Hermès-ի 45 %-ը և Hermès և 10 %-ը անձամբ Ժան Պոլ Գոտյեից, ով այնուամենայնիվ պահպանեց իր ստեղծագործական ղեկավարումը[31]։ 2013 թվականի ընթացքում «Պուիգ» ընկերության գրասենյակը տեղափոխվեց Ֆրանսիա՝ շատերի կողմից հայտնի Փարիզի Ելիսեյան դաշտեր[32]։

2014 թվականին ընկերությունը իր հարյուրամյա հոբելյանը նշել է նոր գլխավոր գրասենյակի բացմամբ, որը տեղակայված է իսպանական Օսպիտալետ դե Լյոբրեգատ քաղաքում (Պլազա դե Եվրոպա), որի անվանումն է Տորե Պուիգ։ Այդ երկնաքրեը հանդիսանում է Պրիցկերի ճարտարապետական մրցանակի դափնեկիր ճարտարապետ Ռաֆայել Մոնեոյի ստեղծագործությունը։ Շինությունը բացվել է Աստուրիայի արքայազնի կողմից։ Այն ստացել է «Leed» ոսկե սերտիֆիկատ որպես շրջակա միջավայրի նկատմամբ վերաբերմունքի որակի երախտիք։ Շինություն մտնելիս այցելու առջև հայտնվում է իսպանացի գեղանկարիչ, քանդակագործ Խոան Միրոյի քանդակը, որը Խոան Միրոյի հիմնադրամի կողմից տրվել էր երկու տարի ժամկետով[33][34][35][36]։

Վիճակագրական տվյալներ

[խմբագրել | խմբագրել կոդը]

«Պուիգը» ներկա դրությամբ ունի հինգ գործարան, որոնցից չորսը տեղակայված է Եվրոպայում և մեկը Մեքսիկայում, որոնք միասին տարեկան արտադրում են 331 միլիոն միավոր օծանելիք։ Արտադրության այդպիսի ծավալի շնորհիվ 2010 թվականին ընկերությունը հասավ օծանելիքի համաշխարհային շուկայի 7,6 % չափաբաժնին, որը 2005 թվականին կազմում էր 3,5 %: Այդ ցուցանիշը համարժեք է այդ ժամանակահատվածում 35 % համաշխարհային աճին[3]։

ԸՆկերությունն իր արտադրանքը իրացնում է 150 երկրներում և որոնցից 22-ում ունի ուղիղ ներկայություն։ Այն աշխարհի տարբեր երկրներում ունի 4472 աշխատող։ 2017 թվականին «Պուիգի» շրջանառությունը կազմել է 1,9 միլիարդ եվրո մաքուր եկամուտ և 228 միլիոն զուտ շահութ[3][4][5][7][8][9]։

Կապը առագաստանավային սպորտի հետ

[խմբագրել | խմբագրել կոդը]
«Պուիգ Վելա Կլասիկա» մրցույթին մասնակցող առագաստանավերից մեկը, 2010 թվական

Պուիգ ընտանիքը մշտապես սերտորեն կապված է առագաստանավային սպորտի հետ, որով հատկապես հետաքրքրված էր արդեն մահացած Էնրիկե Պուիգը։ Նա հանդիսանում էր Պուիգ ընկերության տնօրենն ու Բարսելոնայի ծովային թագավորական ակումբի նախագահը։ 1984-ից 2006 թվականներին ընկերությունը հանդիսացել է առագաստանավային սպորտի թագավորի գավաթի հովանավորը[37]։

Պուիգը նավատեր էր և «Պուիգի երկնագույն քար» առագաստանավի հովանավոր, որը մասնակցում էր միջազգային մակարդակի ամենանշանավոր մրցույթներին։ Նավի մշտական այցելուներից էր Իսպանիայի թագավոր Խուան Կառլոս I-ի կրտսեր դուստր Կրիստինան[38]։

2008 թվականից համագործակցելով Բարսելոնայի թագավորական ծովային ակումբի հետ ընկերությունը հովանավորում և աջակցում է «Պուիգ Վելա Կլասիկա» առաջնությունը, որը անցկացվում է ամեն տարի հունիս ամսին Բարսելոնայի ջրերում[39]։ Այդ մրցման հիմնական առանձնահատկությունն այն է, որ կարող են մասնակցել միայն դասական և հնաոճ նավերը։ Այդ մրցաշարը համարվում է աշխարհի ամենահեղինակավորներից մեկը առագաստանավորդների համար[40]։

Ծանոթագրություններ

[խմբագրել | խմբագրել կոդը]
  1. ↑ https://www.businessoffashion.com/people/marc-puig-guasch/
  2. ↑ Careers | Carolina Herrera
  3. ↑ 3,0 3,1 3,2 «(cat) El benefici net del grup Puig creix un 57%». El Punt Avui. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 26-ին.
  4. ↑ 4,0 4,1 «Puig profit improves 19% to over 1,300 million in sales». Expansion. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 29-ին.
  5. ↑ 5,0 5,1 «Puig crece un 11% gracias a su apuesta por los mercados internacionales». Revista VPC. Արխիվացված է օրիգինալից 2013 թ․ մայիսի 17-ին. Վերցված է 9-5-2013-ին.
  6. ↑ «Puig aumenta su beneficio un 2% en 2013». Noticias Bancarias. Վերցված է 4-6-2014-ին.
  7. ↑ 7,0 7,1 «Puig supera en 2014 los 1.500 M€ de ventas y proyecta alcanzar los 2.000 M€ en 2017». Europapress. Վերցված է 29-6-2015-ին.
  8. ↑ 8,0 8,1 «Puig crece en ventas pero reduce su beneficio en 2015». Agenda Empresa. Արխիվացված է օրիգինալից 2019 թ․ դեկտեմբերի 27-ին. Վերցված է 02-6-2016-ին.
  9. ↑ 9,0 9,1 «Puig bate récords de ventas y beneficios y lanza una plataforma para atraer I+D». El Confidencial. Վերցված է 11-6-2018-ին.
  10. ↑ «(in Catalan) The purchase Puig grup Jean Paul Gaultier d'euros per 30 milions». El Punt-Avui. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 26-ին.
  11. ↑ «Puig». ModaMarcas. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 29-ին.
  12. ↑ «From Barcelona to the World». Emprendedores. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 26-ին.
  13. ↑ 13,0 13,1 13,2 13,3 13,4 «Puig, a Spanish fashion empire that started with a lipstick». Modaes. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 26-ին.
  14. ↑ «Colonies with history». Telva. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 27-ին.
  15. ↑ «Classic you share with your mother and your grandmother». Soitu.es. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 27-ին.
  16. ↑ «Puig will move to a building designed by Moneo CatalunyaCaixa». Expansion. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 26-ին.
  17. ↑ «Puig Valentino paraded in Rome». Expansion. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 26-ին.
  18. ↑ La Vanguardia, October 9, 2011, Supplement Diners, page 14
  19. ↑ «To be multinational in Spain costs a lot, because the domestic market is too small». La Vanguardia. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ մայիսի 9-ին.
  20. ↑ «Paco Rabanne, Premio Nacional de Moda». ElPeriódico. Արխիվացված է օրիգինալից 2013 թ․ ապրիլի 9-ին. Վերցված է 2013 թ․ հունվարի 21-ին.
  21. ↑ «Antonio Puig enters the capital of displacing Palmolive Gal Perfumes». El País. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 29-ին.
  22. ↑ «Puig buy the company Myrurgia family colonies Monegal». El País. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 29-ին.
  23. ↑ «Puig is the second largest shareholder by Adolfo Dominguez to buy Myrurgia». La Voz de Galicia. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 29-ին.
  24. ↑ «Comme Des Garcons, new signing Puig». ¡Hola!. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 29-ին.
  25. ↑ «Puig invests 20 million in Prada». Economía digital. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 29-ին.
  26. ↑ «The new fragrance of the young Puig». El País. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 26-ին.
  27. ↑ «Marc Puig relieve Javier Cano, first president of Puig unfamiliar». El Economista. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 26-ին.
  28. ↑ «Shakira and Puig created a new line of beauty products». Ideal. Արխիվացված է օրիգինալից 2013 թ․ նոյեմբերի 3-ին. Վերցված է 2012 թ․ ապրիլի 26-ին.
  29. ↑ «Puig lost their surnames». Alimarket. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 26-ին.
  30. ↑ «Puig talks with Permira to buy Valentino». La Vanguardia. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 26-ին.
  31. ↑ «Puig takes control of the brand Jean-Paul Gaultier». La Vanguardia. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ ապրիլի 26-ին.
  32. ↑ «Puig traslada su sede corporativa en Francia a los Campos Elíseos de París». ABC. Արխիվացված է օրիգինալից 2014 թ․ մայիսի 8-ին. Վերցված է 2018 թ․ սեպտեմբերի 9-ին.
  33. ↑ «Puig cumple 100 años inaugurando su sede corporativa en la Plaza Europa». El Far. Արխիվացված է օրիգինալից 2017 թ․ հոկտեմբերի 17-ին. Վերցված է 2018 թ․ սեպտեմբերի 9-ին.
  34. ↑ «Los Príncipes y Artur Mas coinciden en la inauguración de la nueva sede de Puig». La Vanguardia.
  35. ↑ «Los Príncipes inauguran la nueva sede de Puig en el centenario de la firma». Europa Press.
  36. ↑ «COMUNICADO: Sus Altezas Reales Los Príncipes de Asturias y Girona inauguran la nueva sede corporativa de Puig». Europa Press.
  37. ↑ «Enrique Puig, the union of perfume and sports». World. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ մայիսի 9-ին.
  38. ↑ «Cristina joined the 'Azur de Puig "the last day». ABC. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ մայիսի 9-ին.
  39. ↑ «Trias IV presents the Vela Clàssica Puig». La Vanguardia. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ մայիսի 9-ին.
  40. ↑ «Fifty sailboat regatta will participate in the Barcelona Classic Sailing». La Vanguardia. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ մայիսի 9-ին.

Արտաքին հղումներ

[խմբագրել | խմբագրել կոդը]
Վիիքպահեստ