Ritter Sport
Ritter Sport, շոկոլադի գերմանական ապրանքանիշ, որը պատկանում է Alfred Ritter GmbH & Co KG ընկերությանը, տեղակայված է Գերմանիայի Վալդենբուխ քաղաքում։
Պատմությունը
[խմբագրել | խմբագրել կոդը]1912 թվականին հրուշակագործ Ալֆրեդ Օյգեն Ռիթերն (Alfred Eugen Ritter) ու Կլարա Գյոթլեն (Clara Göttle) ամուսնությունից հետո հիմնադրում են իրենց առաջին հրուշակագործային AlRiKa (Alfred Ritter Cannstatt) ֆաբրիկան, որը զբաղվում էր շոկոլադի և քաղցրավենիքի արտադրությամբ։ 1932 թվականին Ritter Sport-ը գրանցվում է որպես ապրանքանիշ։ Կլարա Ռիթերը մի միտք ուներ՝ զարգացնել սպորտային շոկոլադը։ Նպատակը հետևյալն էր․ չնայած սովորական շոկոլադե սալիկի քաշին՝ այն պետք է տեղավորվեր ցանկացած սպորտային բաճկոնի գրպանում։ Շոկոլադի սալիկները սկզբում անվանվեցին Սպորտային շոկոլադ (Sport-Schokolade), այնուհետև 1970 թվականին Ռիթեր Սպորտ շոկոլադ (Ritter Sport Schokolade )։ Հենց այս թվականին էլ ձեռնարկությունը ձեռնամուխ է լինում շոկոլադի առավել լայն տարածմանը։ Նկարահանվում են մի շարք հեռուստատեսային գովազդներ, ներկայացվում է ապրանքանիշի կարգախոսը՝ «Քառակուսի, պրակտիկ, լավը» գերմ.՝ „Quadratisch. Praktisch. Gut“։ Հետագա տարիներին մի ապրանքանիշի հիմնական բաղադրիչների հետ մի շարք փոփոխություններ են կատարվում․ այսպես ապրանքները ներկայացվում են տարբեր գույներով, սկսվում է սալիկների մինի տարբերակի, դիետիկ շոկոլադի, ինչպես նաև ամանորյա և Զատիկի տոնին նվիրված սալիկների արտադրանքը։ Շոկոլադի՝ այն ժամանակ նախադեպը չունեցող վառ գունավորված և հեշտ բացվող փաթեթավորումը շոկոլադը դարձնում է շուկայի ամենաարտասովոր ապրանքը։ Ներկայումս ապրանքանիշը տարածված է աշխարհի 90 երկրներում։
Ապրանքանիշը
[խմբագրել | խմբագրել կոդը]1970 թվականին բարձրաձայնված կարգախոսը պետք է ներկայացներ ապրանքանիշի բոլոր առանձնահատկությունները, մասնավորապես քառակուսի ձևն ու նրա պրակտիկ չափը։ Փաթեթավորման ձևը մեծ ճանաչում և արժեք ստացավ, քանի որ մինչ օրս էլ շատ քիչ են շոկոլադի ապրանքանիշերը, որոնք սալիկների նմանատիպ տարբերակն են առաջարկում։ Ընկերության տարբերանիշը 1980 թվականից անփոփոխ է։ Տարբերանիշը բաղկացած է Ritter բառի կոր դրոշմամբ, որի ներքևում մեծ տառերով գրված է Sport բառը, և դրանք միասին վերցված են քառակուսու մեջ։ Առաջին անգամ ապրանքանիշի կողմից մտածված Knick-Pack փաթեթավորման ձևը պաշտպանված է հեղինակային իրավունքով։
Շոկոլադի տեսակները
[խմբագրել | խմբագրել կոդը]
_Trops.jpg)
Ritter Sport շոկոլադի քառակուսի արտադրանքը բաղկացած է 25 հիմնական և այլ փոփոխվող տեսակներից, որոնցից յուրաքանչյուրն ունի իր հստակ սահմանված գույնը։ 2009 թվականին ձեռնարկությունը հրապարակել է ամենաշատ պահանջարկ վայելող 5 տեսակների անունները։ Դրանք են՝
- «Ամբողջական պնդուկ»
- «Նուգա»
- «Մարցիպան»
- «Ռոմ, խաղող, ընկույզ»
- «Ալպյան կաթ»
Մեծ պահանջարկ են վայելում նաև օրգանական բույսերից պատրաստված համեմունքներով, դիաբետիկների համար նախատեսված, առանց լակտոզի տարբերակները։ Ապրանքանիշը առաջարկում է սալիկների հետևյալ տարբերակները
- Ալպյան կաթ (Alpenmilch)
- Կապուչինո (Cappuccino)
- Կարամել-նուշ (Caramelised Almonds)
- Կոկոսով թխվածքաբլիթ (Coconut Macaroon)
- Մուգ կրեմ-պրամլին (Darc Praline Creme)
- Դառը ամբողջական ընկույզով Dunkle Voll-Nuss)
- Էկվադորյան ընտրյալ կակաո 72% (Edel-Vollmilch)
- Էկվադորյան ընտրյալ կակաո 73% (Edel-Bitter)
- Միաեղջյուր (Einhorn)
- Ազնվամորի և յոգուրտ (Erdbeer Joghurt)
- Մանրացված գետանուշ (Erdnuss Flakes)
- Էսպրեսո (Espresso)
- Նուրբ կրեմով դառը շոկոլադ (Feinherb á la Mousse au Chocolat)
- Նուշ (Ganze Mandel)
- Վարսակ և բանան (Hafer Und Banane)
- Կիսադառը (Halbbitter)
- Անտառային ընկույզ (Haselnuss)
- թխվածքաբլիթ և մեղր (Honig + Crisp)
- Մեղր, աղ, նուշ (Honig+Salz+Mandel)
- Յոգուրտ (Joghurt)
- Անտառային հատապտուղներ յոգուրտում (Joghurt ai Frutti di Bosco)
- Կրեմ-կակաո (Kakaocreme)
- Շոկոլադե մուս (Kakao-Mousse)[1]
- Կարամել և ընկույզ (Karamel Nuss)
- Թխվածքաբլիթ և անտառային ընկույզ (Keks + Nuss)
- Եգիպտացորենի (Knusperflakes)
- Թխվածքաբլիթ (Knusperkeks)