Ye, ամերիկացի հիփ հոփ ժանրի երաժիշտ և պրոդյուսերՔանյե Ուեսթի ութերորդ սոլո ստուդիական ալբոմը, որը թողարկվել է 2018 թվականի հունիսի 1-ին «GOOD Music» և «Def Jam» ձայնագրման լեյբլներում[12][13]։ Ալբոմի ձայնագրմանը մասնակցել են երաժիշտներ Ty Dolla Sign-ը, PartyNextDoor-ը, Քիդ Քադին, Jeremih-ը, 070 Shake-ը, Charlie Wilson-ը, Նիքի Մինաժը և ուրիշներ[14]։ Ալբոմի պրոդյուսերն եղել է ինքը՝ Ուեսթը, Mike Dean-ի մասնակցությամբ՝ որպես համապրոդյուսեր[15]։ Ye երգն առաջնաելույթ է ունեցել ամերիկյան Billboard 200 հիթ-շքերթի առաջին հորիզոնականում՝ դառնալով Ուեսթի կարիերայի ութերորդ հիթ թոփը[16]։
2018 թվականի ապրիլի 19-ին Ուեսթը Twitter-ի միջոցով հայտարարել է, որ նոր ութերորդ ստուդիական ալբոմը թողարկվելու է հունիսի 1-ին։ Լրացուցիչ հայտարարվել են Ուեսթի համատեղ նախագծերը Քիդ Քադի (թողարկումը Kids See Ghosts նշանակված էր հունիսի 8-ին), Թեյանա Թեյլորի հետ համատեղ (թողարկումը հունիսի 22) և Pusha T-ի հետ (Daytona ալբոմը, որը թողարկվել է մայիսի 25)[17]։ Ապրիլի 2-ին Ուեսթը Twitter-ի միջոցով հայտարարել է, որ Nas երաժիշտի նոր ալբոմի թողարկումը նշանակվել է հունիսի 15-ին և որ նա ստանձնել է այդ բոլոր սկավառակների պրոդյուսերի պաշտոնը[18]։
Ye երգն առաջնաելույթ է ունեցել ամերիկյան Billboard 200 հիթ-շքերթի առաջին հորիզոնականում՝ 208,000 ալբոմային համարժեք տպաքանակ միավորով (ներառյալ՝ 85,000 իրական ալբոմային վաճառքն առանց երգերի և սթիմինգների հաշվարկի), ինչը դարձել է այդ ամբողջ տարվա վաճառքների հինգերորդ ամենահաջող շաբաթը, իսկ Ուեթսի համար այն դարձել է կարիերայի 8-րդ անընդմեջ չարտի առաջատարը։ Ուեթսը հիփ հոփ կատարողների հիթ-շքերթի առաջատարների թվում հավասարվել է Էմինեմին (8 ու նաև բոլոր գագաթային առաջնաելույթները, ռեկորդի կրկնություն) և զիջել է միայն Jay-Z-ին (14)։ Իսկ ընդհանուր առմամբ (բոլոր ժանրերի կատարողների շրջանում) առաջատարը The Beatles (19) խումբն է։ Էմինեմի (2000—2018) և The Beatles-ի (1965-68) հետ միասին նրանք միակ երաժիշտներն են, որոնց ութ ալբոմներն անընդմեջ ԱՄՆ-ում զբաղեցրել են առաջին հորիզոնականը[16]։
«Yikes» լիդ սինգլը դեբյուտ է ունեցել «Billboard Hot 100» ամերիկյան հիթ-շքերթի 8-րդ հորիզոնականում դեռ մինչև Ye ալբոմի թողարկումը։ Այս սինգլը «top-10»-ում դրաձել է Ուեսթի 16-րդ հիթը, ինչը վերջինիս թույլ է տվել կիսել երգերի թվով բոլոր ռեփերների լավագույն տասնյակի 6-րդ հորիզոնականը Նիքի Մինաժի հետ։ Նրանից առաջ են եղել միայն Drake (26), Jay-Z (21), Lil Wayne (20), Ludacris (18) և Eminem (17) (բոլոր ժանրերում միանշանակ լիդեր է Մադոննան)։ Բացի այդ Ye ալբոմի բոլոր 7 երգերը ներառվել են «Billboard Hot 100» չարտի «Top 40» ցանկում, այդ թվում «All Mine» (դեբյուտ է ունեցել «Hot 100» հիթ-շքերթի 11-րդ հորիզոնականում), «Ghost Town» (16), «Wouldn’t Leave» (24), «Violent Crimes» (27), «I Thought About Killing You» (28) и «No Mistakes» (36) երգերը։ Այս 7 դեբյուտներով, որոնք ներառվել են «top-40» (Hot 100) ցանկում, Ուեսթը մեծացրել է իր 48 միավորը՝ այս հիմնական չարտի 59-ամյա պատմության ընթացքում եղած բոլոր կատարողների շուրջ կիսելով 10-րդ հորիզոնականը JAY-Z-ի հետ[19]։ Մեծ Բրիտանիայում նա դեբյուտ է ունեցել «UK Singles Chart» չարտի 10-րդ հորիզոնականում[20]։
Ալբոմը ստացել է քննադատների և ինտերնետ-հրատարակչությունների (The Independent, Hot Press, Metacritic, Exclaim!) խառն արձագանքներ[1][21][22][23],։
Դրական են եղել The Guardian («Ալբոմը համարձակ է, ռիսկային, համոզիչ և մի փոքր հոգնեցնող։ Այն իր հեղինակի վառ արտահայտությունն է»)[5], The Daily Telegraph («ալբոմն ուեսթի հոգու կարգավիճակի, նրա ընտանիքի մասին է․ պատմություն է այն մասին, թե ինչ է եղել նրա հետ անցյալ տարում։ Ռիթմի ու լիրիկայի հետ ամեն ինչ կարգին է, դրանք հիանալի են»)[3] և The A.V. Club («Ուեսթը դեռ կարող է ցանկացած մարդու հետ հավասար ձայնի խլացուցիչ պայթյուններ ստեղծել, իսկ ալբոմի լավագույն պահերը հիշեցնում են մեզ այդ մասին։ Սա ալբոմ է, որն արտացոլում է իրեն ստեղծողի ամբողջ աշխատանքը, ինչպես նաև այն ամենը, ինչ դուք մտածում եք նրա մասին»)[2] թերթերի արձագանքները։
Բացասական արձագանքներ են տվել Slant Magazine (այնտեղ ալբոմը նկարագրել են որպես ««The Life of Pablo» ալբոմի ամենաթույլ պահերի խառնուրդ», և որ այն «անավարտ է զգացվում, և վերածվել է սևագրի, որպեսզի ամեն ինչ արագ արվի»)[11], The Line of Best Fit («չկա հայեցակարգ, չկա ներդաշնակություն և չկա որակի հսկողություն»)[24], Pitchfork («խնդիրը «Ye» երգի հետ ոչ թե նրանում է, որ այն ստեղծվել է չզղջացող հիմարի կողմից, այլ այն, որ այն ամբողջությամբ և ներքուստ ձանձրալի է և դժվար է պատկերացնել, որ այն պատկանում է սերնդի ամենահուսալի նորարարին)[9], Billboard («Դժվար է անտեսել Ուեսթի երաժշտական լճացումը, որը հայտնի է իր առաջ շարժումով, բայց այս ալբոմի վրա այն մնում է անցյալում թաղված»)[25], Consequence of Sound («նոր ալբոմում Ուեսթն ամրացնում է իր հին հմտությունները, այլ ոչ թե փորձարկում նորերը»)[26], HipHopDX[27], Rolling Stone («վայրիորեն անհավասար ալբոմ՝ սպորադիկ փայլով և շատ ավելիին սպասելով») ամսագրերը[10]։
↑«Kanye premieres new album, ye: Stream». Consequence of Sound. 2018 թ․ հունիսի 1. Վերցված է 2018 թ․ հունիսի 1-ին. «The album spans seven tracks and includes guests appearances from Nicki Minaj, Kid Cudi, Ty Dolla Sign, Jeremih, Charlie Wilson, and 070 Shake.»
↑"Czech Albums – Top 100". ČNS IFPI. Note: On the chart page, select 201823 on the field besides the word "Zobrazit", and then click over the word to retrieve the correct chart data. Retrieved June 12, 2018.
↑"Kanye West – Ye". Danishcharts.com. Hung Medien. Retrieved June 13, 2018.
↑"Kanye West – Ye" (in Dutch). Dutchcharts.nl. Hung Medien. Retrieved June 9, 2018.
↑"Kanye West: Ye" (in Finnish). Musiikkituottajat – IFPI Finland. Retrieved June 17, 2018.
↑"Kanye West – Ye". Lescharts.com. Hung Medien. Retrieved July 17, 2018.