Ազատության ասպետ մրցանակ

Ազատության ասպետ մրցանակ
Տեսակպարգև
Երկիր Լեհաստան
Հիմնադրվել է2005
ՊարգևադրողFundacja im. Kazimierza Pułaskiego?
Շնորհվում էԱմենամյա
Առաջին շնորհում2005 թվական

Ազատության ասպետ մրցանակ (լեհ.՝ Rycerz Wolności), լեհական միջազգային ամենամյա մրցանակ, որը շնորհվում է «հանրաճանաչ անձանց, որոնք նպաստել են գեներալ Կազիմիր Պուլավսկու դավանած արժեքներին՝ ազատությանը, արդարությանն ու Ժողովրդավարությանը»։ Ստեղծվել է 2005 թվականին «Կազիմիր Պուլավսկու անվան հիմնադրամի» կողմից, որը արտաքին քաղաքականության և միջազգային անվտանգության հարցերում մասնագիտացած շահույթ չհետապնդող վերլուծական կենտրոն է։ Մրցանակաբաշխ հանձնաժողովը հիմնադրամի նախագահ Զբիգնիյու Պիսարսկու[1] գլխավորությամբ պարգևատրում է դափնեկիրներին գեներալ Պուլավսկու սրի (լեհ.՝ karabela) ձեռագործ կրկնօրինակներով։ Պարգևատրման արարողությունը տեղի է ունենում ամեն տարի Վարշավայի անվտանգության ֆորումի շրջանակներում, իսկ մրցանակը հանդիսանում է լեհական արտաքին քաղաքականության և մարդու իրավունքների ամենակարևոր մրցանակներից մեկը[2][3]։

Դափնեկիրներ

[խմբագրել | խմբագրել կոդը]
Տարի Դափնեկիր Նկար Քաղաքացիություն Ծանոթություն Աղբյուր
2019 Դալյա Գրիբաուսկայտե Dalia Grybauskaitė Լիտվա Լիտվայի, Բալթյան երկրների ու Լեհաստանի անվտանգության ու պաշտպանության համար մղված պայքարում ունեցած իր նշանակալի ներդրումների, ինչպես նաև Ուկրաինա ռուսական ռազմական ներխուժման դեմ իր կոշտ դիրքորոշման համար [4]
2018 Անդերս Ֆոգ Ռասմուսսեն Anders Fogh Rasmussen Դանիա Եվրոպական ինտեգրման և եվրոպական արժեքների խթանմանն ուղղված իր գործունեության համար [5]
2017 Մերի Ռոբինսոն Mary Robinson Իռլանդիա Մարդու իրավունքների և համընդհանուր արժեքների համար անզիջում պայքարի համար [6]
2016 Թումաս Իլվես Toomas Ilves Էստոնիա Երկրում և ամբողջ աշխարհում ժողովրդավարական և եվրոպամետ արժեքների տարածմանն ուղղված իր գործունեության համար [7][8]
Միխայիլ Խոդորկովսկի Mikhail Khodorkovsky Ռուսաստան Օրենքի գերակայության, քաղաքացիական հասարակության կայացման և ռուս հասարակության մեջ եվրոպական արժեքների ներմուծման գործում անզիջում ջանքերի համար [9][10]
2015 Կառլ Բիլդտ Carl Bildt Շվեդիա ԵՄ «Արևելյան գործընկերություն» նախաձեռնության մեջ ունեցած ներդրման համար, որի նպատակը գործընկեր երկրներում եվրոպամետ արժեքներ ներմուծելն ու բարեփոխումների իրականացմանն օժանդակելն է [11]
Ռադոսլավ Սիկորսկի Radosław Sikorski Լեհաստան ԵՄ Եվրոպական հարևանության քաղաքականության շրջանակներում Արևելյան գործընկերության հայեցակարգի ստեղծման գործընթացը նախաձեռնելու համար, որի նպատակը գործընկեր պետություններում եվրոպամետ արժեքներ սերմանելն ու բարեփոխումներ իրականացնեուն նպաստելն ու աջակցելն է [11]
2014 Միխեիլ Սաակաշվիլի Mikheil Saakashvili Վրաստան Վրաստանում քաղաքացիական հասարակության զարգացման համար, օրենքի գերակայության և ժողովրդավարության ուժեղացման համար [12]
2013 Վայրա Վիկե-Ֆրեյբերգա Vaira Vīķe-Freiberga Լատվիա Ամբողջ աշխարհում ժողովրդավարական արժեքների խթանման, կանանց հավասարության համար պայքարելու, ինչպես նաև սոցիալական արդարությանն ուղղված ջանքեր գործադրելու համար [13]
2012 Ռիչարդ Լուգար Richard Lugar ԱՄՆ ՆԱՏՕ-ի կառույցներին Լեհաստանի անդամակցության գործընթացին աջակցելու համար [14]
2011 Բերնար Քուշներ Bernard Kouchner Ֆրանսիա «Բժիշկներ առանց սահմանի» կազմակերպության միջոցով մարդասիրական արժեքների խթանման գործում ունեցած ներդրման և ամբողջ աշխարհում ազատության, արդարության և ժողովրդավարության խթանման գործում ներդրման համար [15]
2010 Խավյեր Սոլանա Javier Solana Իսպանիա 2004 թվականի Ուկրաինայի նախագահական ընտրություններին առնչվող քաղաքական հակամարտության խաղաղ լուծմանը նվիրվածության համար [16]
2009 Վալդաս Ադամկուս Valdas Adamkus Լիտվա Ուկրաինայում վերընտրություններ անցկացնելու գործում ունեցած ներդրման, ինչպես նաև «Նարնջագույն հեղափոխությանը» մասնակցության համար [17]
Ալեքսանդր Կվասնևսկի Aleksander Kwaśniewski Լեհաստան Նարնջագույն հեղափոխության խաղաղ ավարտին նպաստող իր վաստակի համար [18][19]
2008 Լեխ Վալենսա Lech Wałęsa Լեհաստան Լեհաստանի ժողովրդավարական անցման գործում ունեցած ներդրման համար [20]
2007 Ալեքսանդր Միլինկևիչ Alaksandar Milinkievič Բելառուս Բելառուսում կայացած ժողովրդավարական ընտրություններում իր աշխատանքի և նվիրվածության, ինչպես նաև ամբողջ աշխարհում ազատության, արդարության և ժողովրդավարության առաջխաղացման գործում ունեցած ներդրման համար [21]
2006 Վլադիսլավ Բարտոշևսկի Władysław Bartoszewski Լեհաստան Ընդդիմության գործունեության, մասնավորապես՝ «Համերաշխություն» շարժման մեջ ներգրավվելու համար, ինչպես նաև լեհ-գերմանական հարաբերությունների բարելավման գործում ունեցած ներդրման համար [22]
2005 Նորման Դեյվիս Norman Davies Միացյալ Թագավորություն Ամբողջ աշխարհում հայտնի ու ճանաչված իր գրքերի միջոցով Լեհաստանը խթանելու հարցում իր ներգրավվածության համար [23]

Տես նաև

[խմբագրել | խմբագրել կոդը]

Ծանոթագրություններ

[խմբագրել | խմբագրել կոդը]
  1. ↑ «Author's bio». Արխիվացված է օրիգինալից 2018 թ․ հունվարի 7-ին. Վերցված է 2018 թ․ հունվարի 6-ին.
  2. ↑ «Knight of Freedom Award». Վերցված է 2018 թ․ հունվարի 6-ին.
  3. ↑ «About CPF». Արխիվացված է օրիգինալից 2018 թ․ հունվարի 8-ին. Վերցված է 2018 թ․ հունվարի 7-ին.
  4. ↑ «Prezydent Dalia Grybauskaitė wyróżniona nagrodą Rycerz Wolności». Արխիվացված է օրիգինալից 2019 թ․ հոկտեմբերի 26-ին. Վերցված է 2019 թ․ հոկտեմբերի 26-ին.
  5. ↑ «Anders Fogh Rasmussen». Վերցված է 2018 թ․ նոյեմբերի 10-ին.
  6. ↑ «Mary Robinson – "Knight of Freedom" of the Casimir Pulaski Foundation». Վերցված է 2018 թ․ հունվարի 6-ին.
  7. ↑ «Toomas Hendrik Ilves the "Knight of Freedom" of the Casimir Pulaski Foundation». Արխիվացված է օրիգինալից 2018 թ․ հունվարի 7-ին. Վերցված է 2018 թ․ հունվարի 6-ին.
  8. ↑ «Polish think tank gives Ilves Knight of Freedom award». Վերցված է 2018 թ․ հունվարի 6-ին.
  9. ↑ «Khodorkovsky given 'Knight of Freedom' award». Արխիվացված է օրիգինալից 2018 թ․ հունվարի 6-ին. Վերցված է 2018 թ․ հունվարի 6-ին.
  10. ↑ «Knight Of Freedom Award 2016». Վերցված է 2018 թ․ հունվարի 6-ին.
  11. ↑ 11,0 11,1 «Graduation & Inauguration ceremonies of the Academy of Young Diplomats». Վերցված է 2018 թ․ հունվարի 6-ին.
  12. ↑ «Mikheil Saakashvili granted award of Freedom Knight». Վերցված է 2018 թ․ հունվարի 6-ին.
  13. ↑ «Talking Policy: Vaira Vike-Freiberga on Latvia». Արխիվացված է օրիգինալից 2018 թ․ հունվարի 6-ին. Վերցված է 2018 թ․ հունվարի 6-ին.
  14. ↑ «Press Releases Archive». Վերցված է 2018 թ․ հունվարի 6-ին.
  15. ↑ «Bernard Kouchner». Վերցված է 2018 թ․ հունվարի 6-ին.
  16. ↑ «Javier Solana». Վերցված է 2018 թ․ հունվարի 6-ին.
  17. ↑ «Valdas Adamkus». Վերցված է 2018 թ․ հունվարի 6-ին.
  18. ↑ «Aleksander Kwaśniewski». Վերցված է 2018 թ․ հունվարի 6-ին.
  19. ↑ «Kwaśniewski dostał nagrodę Rycerz Wolności». Վերցված է 2018 թ․ հունվարի 6-ին.
  20. ↑ «Lech Wałęsa». Վերցված է 2018 թ․ հունվարի 6-ին.
  21. ↑ «Aleksandr Milinkiewicz». Վերցված է 2018 թ․ հունվարի 6-ին.
  22. ↑ «Władysław Bartoszewski». Վերցված է 2018 թ․ հունվարի 6-ին.
  23. ↑ «Awards». Արխիվացված է օրիգինալից 2018 թ․ հունվարի 7-ին. Վերցված է 2018 թ․ հունվարի 6-ին.