Ալեքսեյ Տորոխտիյ

Ալեքսեյ Տորոխտիյ
Անձնական տեղեկություն
Սեռ՝	արական
Մասնագիտացում	ծանրամարտիկ
Երկիր	Ուկրաինա
Ծննդյան ամսաթիվ	մայիսի 22, 1986(1986-05-22) (38 տարեկան)
Ծննդավայր	Զուգրես, Khartsyzk City council, Դոնեցկի մարզ, Ուկրաինական ԽՍՀ, ԽՍՀՄ
Մարզիչ(ներ)	Q41502554?
Հասակ՝	181 սանտիմետր
Քաշ	104 կիլոգրամ
Պարգևներ

Ալեքսեյ Պավլովիչ Տորոխտիյ (ուկրաիներեն՝ Олексій Павлович Торохтій, մայիսի 22, 1986(1986-05-22), Զուգրես, Khartsyzk City council, Դոնեցկի մարզ, Ուկրաինական ԽՍՀ, ԽՍՀՄ), ուկրաինացի ծանրորդ, աշխարհի և Եվրոպայի առաջնությունների մեդալակիր։ Երկու օլիմպիական խաղերի մասնակից (2008, 2012)։ Ուկրաինայի սպորտի վաստակավոր վարպետ (2011): Ծանրամարտի Եվրոպայի ֆեդերացիայի գործադիր կոմիտեի անդամ^[1]։ Մարզիկների հանձնաժողովի նախագահի տեղակալ^[2]։ Ուկրաինայի ծանրամարտի ֆեդերացիայի փոխնախագահ։

Կենսագրություն

2011 թվական

Ալեքսեյ Տորոխտին ծնվել է 1986 թվականի մայիսի 22-ին Ուկրաինայի Դոնեցկի մարզի Զուգրես քաղաքում։ Ծանրամարտի ուսումը սկսել է 2000 թվականին Գենադի Քսենցի ղեկավարությամբ Դոնեցկի շրջանի Զուգրես-2 գյուղի թիվ 17 դպրոցում՝ Զուգրես քաղաքի մանկապատանեկան մարզադպրոցի սպորտային բաժնում։ Մարզվել է ԽՍՀՄ վաստակավոր մարզիչ Վլադիմիր Ռուդենկոյի ղեկավարությամբ։ 2003 թվականին ավարտել է Խարկովի մարզային բարձրագույն ֆիզիկական դաստիարակության դպրոցը և 2005 թվականին ստացել մարզիչ-ուսուցչի որակավորում «Ֆիզիկական դաստիարակություն» մասնագիտությամբ։

2008 թվականին առաջին անգամ մասնակցել է Օլիմպիական խաղերին։ Հետագա տարիներին մասնակցել է Եվրոպայի առաջնությանը, այնուհետև աշխարհի առաջնությունը, որտեղ Ալեքսեյը հաջող հանդես է եկել և համապատասխանաբար զբաղեցրել է երկրորդ և երրորդ հորիզոնականները։ 2010 թվականին ավարտել է Խարկովի Ժուկովսկու անվան ավիատիեզերական ինստիտուտը «Օդանավերի և համալիրների կառավարման համակարգեր» մասնագիտությամբ և ճարտարագետի որակավորում։

2012 թվականի Լոնդոնի Օլիմպիական խաղերում ուկրաինացին տարավ իր ամենագլխավոր հաղթանակը՝ մինչև 105 կգ քաշային կարգում ոսկե մեդալ նվաճելով՝ երկու վարժությունների արդյունքում հավաքելով 412 կգ։ Հետագայում 2019 թվականին դոպինգ օգտագործելու համար զրկվեց չեմպիոնի կոչումից։

Բացի մրցումներից, Ալեքսեյը զբաղվում է մրցավարությամբ և մարզչական գործունեությամբ, ակտիվորեն մասնակցում է Ուկրաինայի ծանրամարտի ազգային ֆեդերացիայի գործերին։

2014 թվականին երկրորդ բարձրագույն կրթությունն է ստացել Զապորոժիեի ազգային համալսարանում՝ որպես ֆիզիկական կուլտուրայի և սպորտի ուսուցիչ / ծանրամարտի մարզիչ։

2016 թվականին հիմնել է սպորտային հագուստի և աքսեսուարների Warm Body Cold Mind ապրանքանիշը^[3]:

Անձնական կյանք

Նրա կինը՝ Դարիան, կիթառի ուսուցչուհի է^[4]։ Ալեքսեյն ու Դարիան ունեն մեկ որդի՝ Միրոնը (2015)^[5]։

Մասնակցություն սպորտային մրցումներին

2003 թվականին կատարել Է Ուկրաինայի սպորտի վարպետի չափանիշ իսկ 2008 թվականին՝ միջազգային կարգի սպորտի վարպետի նորմատիվը։ 2005 թվականին ընդգրկվել է ծանրամարտի օլիմպիական հավաքականի կազմում։

2006 թվականին Պալերմոյում կայացած ծանրամարտի Եվրոպայի պատանեկան առաջնությունում գրավել է երկրորդ հորիզոնականը։

2008 թվականին մասնակցել է Պեկինի Օլիմպիական խաղերին, որտեղ ընդհանուր 390 կգ (177 պոկում և 213 հրում) զբաղեցրել է 11-րդ հորիզոնականը։ 2009 թվականին Բուխարեստում կայացած Եվրոպայի առաջնությունում նվաճել է արծաթե մեդալ՝ երկամարտում ունենալով 405 կգ արդյունք։ 2011 թվականին Փարիզում կայացած աշխարհի առաջնությունում արժանացել է բրոնզե մեդալի։

2012 թվականի օգոստոսի 6-ին Ալեքսեյ Տորոխտիյը դարձել է 2012 թվականի Օլիմպիական խաղերի չեմպիոն մինչև 105 կգ քաշային կարգում (2019 թվականին նրան զրկեցին մրցանակից)։ Նա ցույց տվեց 412 կգ արդյունք (185+227) և մեկ կիլոգրամով առաջ անցավ երկրորդ տեղը զբաղեցրած իրանցի Նավաբ Նասիրշալալից։

Դոպինգ

2018 թվականի դեկտեմբերի 22-ին ԾՄՖ-ի մամուլի ծառայությունը հրապարակել է 2012 թվականի Օլիմպիական խաղերում վերցված մարզիկի դոպինգի նմուշի վերստուգման արդյունքները։ Մարզիկի նմուշում հայտնաբերվել է թուրինաբոլ^[6]։ Մարզիկը ժամանակավորապես հեռացվել է մրցումներից^[7]։

2019 թվականի դեկտեմբերի 19-ին Միջազգային օլիմպիական կոմիտեի պաշտոնական կայքում որոշում է կայացվել Ալեքսեյ Տորոխտիային զրկել 2012 թվականի Օլիմպիական խաղերում ստացած ոսկե մեդալից՝ հակադոպինգային կանոնների խախտման պատճառով^[8]։

Նվաճումներ

• 2006 թվական՝ Եվրոպայի պատանեկան առաջնության արծաթե մեդալակիր
• 2007 թվական՝ Ապիայում ծանրամարտի աշխարհի գավաթի հաղթող
• 2009 թվական՝ Եվրոպայի առաջնության արծաթե մեդալակիր
• 2010 թվական՝ ծանրամարտի Եվրոպայի առաջնության բրոնզե մեդալակիր
• 2011թվական՝ աշխարհի առաջնության բրոնզե մեդալակիր:

Պարգևներ

• 2012 թվական՝ Պատվո շքանշան III աստիճան^[9]
• 2012 թվական՝ Ուկրաինայի Նախարարների կաբինետի պատվոգիր
• 2012 թվականի օգոստոսի 20-ին ֆիզիկական կուլտուրայի զարգացման և հանրահռչակման, ինչպես նաև Խարկովի մարզի միջազգային հեղինակությունը բարձրացնելու համար նրան շնորհվել է «Սլոբոժանսկայա փառք» տարածաշրջանային պատվավոր կրծքանշան:

Ծանոթագրություններ

1. «EWF COMMISSIONS» (անգլերեն). ewfed.com. Արխիվացված է օրիգինալից 2018-06-18-ին. Վերցված է 2018-07-25-ին.
2. «Олена Говорова обрана головою Комісії атлетів НОК України». noc-ukr.org. Արխիվացված է օրիգինալից 2018-07-25-ին. Վերցված է 2018-07-25-ին.
3. «What Does Harper's 'Warm Body, Cold Mind' Shirt Mean?» (անգլերեն). 2017-02-26. Արխիվացված է օրիգինալից 2018-07-13-ին. Վերցված է 2018-07-25-ին.
4. «Олимпийский чемпион Алексей Торохтий женился - Jetsetter». Jetsetter (ռուսերեն). 2015-04-23. Արխիվացված է օրիգինալից 2018-07-25-ին. Վերցված է 2018-07-25-ին.
5. «Олимпийский чемпион Алексей Торохтий стал отцом» (ռուսերեն). www.segodnya.ua. Արխիվացված է օրիգինալից 2018-07-25-ին. Վերցված է 2018-07-25-ին.
6. Результаты перепроверки допинг-проб Archive copy Wayback Machine-ի միջոցով:(անգլերեն)
7. «Допинг-пробы пятерых тяжелоатлетов с Олимпиады-2012 дали положительный результат после перепроверки». Արխիվացված է օրիգինալից 2018-12-23-ին. Վերցված է 2018-12-23-ին.
8. «Алексей Торохтий лишен золотой медали, полученной на Олимпиаде 2012». Արխիվացված է օրիգինալից 2020-05-08-ին. Վերցված է 2019-12-21-ին.
9. «Указ Президента Украины № 474/2012 от 15.08.2012 г. «О награждении государственными наградами Украины»». Արխիվացված է օրիգինալից 2013-05-16-ին. Վերցված է 2012-08-16-ին. {{cite web}}: no-break space character in |title= at position 26 (օգնություն)(ուկր.)

Արտաքին հղումներ

Վիքիպահեստն ունի նյութեր, որոնք վերաբերում են «Ալեքսեյ Տորոխտիյ» հոդվածին։