Ալեքսիոս Շանդերմանի

Ալեքսիոս Շանդերմանի
Ծնվել էհոկտեմբերի 25, 1953(1953-10-25) (71 տարեկան)
ԾննդավայրԹեհրան, Իրան
Մասնագիտությունգրող
Քաղաքացիություն Գերմանիա և  Պահլավական Իրան
ԿրթությունՏաջիկստանի Սադրիդդին Այնիի անվան պետական մանկավարժական համալսարան
 Alexios Schandermani Վիքիպահեստում

Ալեքսիոս Շանդերմանի (հոկտեմբերի 25, 1953(1953-10-25), Թեհրան, Իրան) իրանա-գերմանացի գրող և բանաստեղծ։

Կենսագրություն

[խմբագրել | խմբագրել կոդը]

Ծնվել է լեզվաբանների ընտանիքում։ Ալեքսիոս Շանդերմանիի հայրը եղել է Իրանում ձախ քաղաքական գործիչ, որի համար վարչապետ Մուհամմեդ Մոսադեղի դեմ արևմտյան հետախուզական ծառայությունների կազմակերպած հեղաշրջումից հետո 1953 թվականին ձերբակալվել և մահապատժի է դատապարտվել, բայց նրան հաջողվել է փախչել բանտից, իսկ 1956 թվականին տեղափոխվել է Խորհրդային Միություն, որտեղ ստացել է քաղաքական ապաստան։

1961 թվականին Ալեքսիոս Շանդերմանին մոր, քրոջ և երկու ավագ եղբայրների հետ տեղափոխվել է Խորհրդային Միություն՝ Մոսկվա՝ ապրելու հոր հետ։ Մոսկվայում ընդունվել է դպրոց, չորս տարի անց նրան ուղարկել են սովորելու Ինտերդոմ՝ Իվանովոյի միջազգային մանկատուն, որն ավարտել է 1971 թվականին։

1974 թվականին ընդունվել է Տաջիկստանի Ս. Այնիի անվան պետական մանկավարժական համալսարան, որն ավարտել է 1978 թվականին ռուսաց լեզվի և գրականության ուսուցչի կոչումով։ Ինստիտուտն ավարտելուց հետո աշխատել է որպես լրագրող «Տաջիկստանի պիոներ» թերթում։

1980 թվականին վերադարձել է Իրան, որտեղ ժամանելուց հետո ձերբակալվել է Թեհրանի Մեհրաբադ օդանավակայանում, իսկ 4 օր անց երկրից վտարվել Արևմտյան Բեռլին, որտեղ քաղաքական ապաստան է խնդրել Գերմանիայի իշխանություններից։ 1983-1991 թվականներին սովորել է Բեռլինի Ազատ համալսարանում: 1992 թվականին ստացել է Գերմանիայի քաղաքացիություն։

1995 թվականից սկսել է իր աշխատանքը Կարմիր խաչի միջազգային կոմիտեում՝ Չեչնիայի հակամարտության գոտում[1]: Պտասխանատու է եղել Գրոզնիում խմելու ջրի մատակարարման համար: Հիվանդանոցներին դեղորայք է մատակարարել, տարհանել է վիրավորներին և գրանցված ռազմագերիներին։ Կապ է հաստատել ինչպես չեչենական, այնպես էլ ռուսական կողմերի հետ։ Ասլան Մասխադովը և գեներալ Անատոլի Ռոմանովը բազմիցս բանակցել են ռազմագերիների փոխանակման շուրջ։ Ալեքսիոս Շանդերմանին Կարմիր Խաչի միջազգային կոմիտեի այլ ներկայացուցիչների հետ մասնակցել է այս բանակցություններին թե Մասխադովի և թե Ռոմանովի հետ։

1996−1997 թվականներին եղել է Կարմիր խաչի միջազգային կոմիտեի աշխատակից Աֆղանստանում: Աֆղանստանի հիվանդանոցներին դեղորայք է մատակարարել։ Տարհանել է վիրավոր, ռազմագերիներին Փանջշիրի կիրճում, Մազարի-Շարիֆում և Քաբուլում։ Ռազմագերիների փոխանակման հետ կապված կապեր է հաստատել դաշտային հրամանատարների հետ։ Դարիից գերմաներեն թարգմանել է փաստաթղթեր:

2001 թվականից եղել է Աֆղանստանում Մալթայի շքանշանի աշխատակից: Հերաթ քաղաքում, որը գտնվում է Աֆղանստանի հյուսիս-արևմուտքում, մարդասիրական օգնություն է տրամադրել փախստականներին:

2002 թվականից եղել է Աֆղանստանում գերմանական «Ագրոակցիա» մարդասիրական կազմակերպության աշխատակից: Մարդասիրական օգնություն է հասցրել Սարի-Պուլ նահանգ և Կուեստանաթ լեռնային անմատչելի շրջան։

2009 թվականին անցել է Եվրոպական ռուսաց լեզվի փառատոնի եզրափակիչ փուլ[2] և իր անվանակարգում զբաղեցրել է երկրորդ հորիզոնականը։ 2009 թվականի հոկտեմբերի 2-ին Կոնսերվատորիայի օպերայի եւ բալետի թատրոնում։ անցկացրել է ռուսաց լեզվի եվրոպական փառատոնի եզրափակիչ արարողությունը, որտեղ Սանկտ Պետերբուրգի պետական համալսարանի նախագահ Լյուդմիլա Վերբիցկայան նրան հանձնել է հաղթողի դիպլոմը։

2011 թվականի հոկտեմբերի 31-ին դարձել է Ռուսաց լեզվի համաշխարհային փառատոնի դափնեկիր, որը կազմակերպել է Ռուսաց լեզվի և գրականության ուսուցիչների միջազգային ասոցիացիան՝ «Ռուսական աշխարհ» հիմնադրամի և Ռուսաստանի Դաշնության կրթության և գիտության նախարարության աջակցությամբ։

2015 թվականին դարձել է «Օտարի հայացք 2015» VI միջազգային ֆոտոմրցույթի հաղթողներից մեկը, որն ամեն տարի կազմակերպվում է Ելցինի անվան նախագահական գրադարանում։

2018 թվականի հոկտեմբերից՝ Ամերիկյան կոմպոզիտորների, հեղինակների և հրատարակիչների միության (ASCAP) անդամ է[3]։

Ծանոթագրություններ

[խմբագրել | խմբագրել կոդը]
  1. ↑ Khadjarov, Musa (2004), "Books on Chechnya", Neprikosnovenny Zapas in Russian
  2. ↑ «Европейский фестиваль русского языка». Արխիվացված օրիգինալից 2022-02-16-ին. Վերցված է 2022-02-16-ին.
  3. ↑ «ASCAP». Արխիվացված օրիգինալից 2022-02-15-ին. Վերցված է 2022-02-16-ին.

Գրականություն

[խմբագրել | խմբագրել կոդը]
  • R.R. Bowker Company (2002). American Book Publishing Record (Книги изданные в США). Bowker, New York, USA. стр. 198. ISBN 978-0-8352-4548-7
  • Adele Frey-Draxler (2007). Deutsches Schriftstellerlexikon (Գերմանացի գրողների հանրագիտարան). Bund Deutscher Schriftsteller (Գերմանիայի գրողների միություն), Dietzenbach, Germany, стр. 639. ISBN 3-00-004759-X
  • Renate Stahl (2010). Deutsches Schriftstellerlexikon (Գերմանացի գրողների հանրագիտարան). Bund Deutscher Schriftsteller (Գերմանիայի գրողների միություն), Dietzenbach, Germany, стр. 690—691. ISBN 3-00-004759-X

Արտաքին հղումներ

[խմբագրել | խմբագրել կոդը]