Ալմա Էրնանդես

Ալմա Էրնանդես
Դիմանկար
Ծնվել էապրիլի 11, 1993(1993-04-11) (31 տարեկան)
ԾննդավայրԹուսոն, Արիզոնա, ԱՄՆ[1]
Քաղաքացիություն ԱՄՆ
ԿրթությունԱրիզոնայի համալսարան
Մասնագիտությունքաղաքական գործիչ
Զբաղեցրած պաշտոններmember of the Arizona House of Representatives? և member of the Arizona House of Representatives?
ԿուսակցությունԴեմոկրատական կուսակցություն
 Alma Hernandez Վիքիպահեստում

Ալմա Էրնանդես (անգլ.՝ Alma Hernandez, ապրիլի 11, 1993(1993-04-11), Թուսոն, Արիզոնա, ԱՄՆ[1]), ամերիկացի քաղաքական գործիչ, Արիզոնայի Ներկայացուցիչների պալատի 20-րդ օրենսդիր շրջանի դեմոկրատական կուսակցության անդամ։ Նա ընտրվել է 2018 թվականին՝ փոխարինելու Մակարիո Սալդատեին, որի պաշտոնավարման ժամկետը լրացել էր։ Արիզոնայի Ներկայացուցիչների պալատում ընտրված ամենաերիտասարդ կինն է[2]։

Վաղ կյանք և կրթություն

[խմբագրել | խմբագրել կոդը]

Էրնանդեսը ծնվել է Արիզոնա նահանգի Թուսոն քաղաքում։ Սովորել է Արիզոնայի համալսարանում, այնուհետև աշխատել է որպես «Bridge the Gap» ծրագրի համակարգող։ Ծրագիրն աջակցում է ՄԻԱՎ/ՁԻԱՀ ունեցող կանանց[3]։

14 տարեկան հասակում՝ Sunnyside ավագ դպրոցում սովորելու տարիներին, Էրնանդեսը հարձակման է ենթարկվել երկու 19-ամյա աշակերտների, իսկ այնուհետև դպրոցի անվտանգության աշխատակցի կողմից։ Արդյունքում նա ողնաշարի վնասվածք է ստացել[4]։

Քաղաքական կարիերա

[խմբագրել | խմբագրել կոդը]

2018 թվականի օգոստոսի 29-ին Էրնանդեսը Դեմոկրատական ​​կուսակցության 3-րդ օրենսդրական շրջանի նախնական ընտրություններում զբաղեցրել է երկրորդ տեղը, ինչը նրան թույլ է տվել առաջ անցնել Արիզոնայի Ներկայացուցիչների պալատի ընտրություններում։ Նա ընտրվել է 2018 թվականի նոյեմբերի 6-ին[5]։

Ընտրված պաշտոնում նրա առաջին ձեռքբերումը 2019 թվականի հուլիսին դպրոցների անվտանգության աշխատակիցների համար ճգնաժամային կառավարման և դեէսկալացիայի պարտադիր ուսուցում սկսելու համաձայնագրի հաստատումն էր[4][6]։ 2021 թվականի հուլիսի 6-ին Էրնանդեսի նախաձեռնությամբ ընդունվել է մի օրինագիծ, որը Արիզոնայի հանրակրթական դպրոցներում պարտադիր է դարձրել Հոլոքոստի մասին ուսուցումը։ Այս օրինագծով Արիզոնան դարձել է Միացյալ Նահանգների՝ Հոլոքոստի մասին կրթությունը պարտադիր դարձրած 16-րդ նահանգը[7]։

2023 թվականի ապրիլին Էրնանդեսը Ներկայացուցիչների պալատում դեմ է քվեարկել նահանգապետ Քեթի Հոբսի HB2509 օրինագծի չեղարկմանը։ Այս որոշմամբ օրինականացվելու էր «տնական սնունդի» վաճառքը («Թամալե օրինագիծ»)[8][9]։ Այդ օրինագծի չեղարկման համար պակասում էր 5 ձայն, և 12 դեմոկրատներ ի վերջո իրենց ձայնը փոխեցին հօգուտ օրինագծի չեղարկման[10]։ Էրնանդեսը Arizona Mirror-ին տված հարցազրույցում ասել է, որ ներկայացնում է արիզոնցիների շահերը և ոչ թե Հոբսի[11]։

Քաղաքական դիրքորոշումներ

[խմբագրել | խմբագրել կոդը]

Հրեա համայնք

[խմբագրել | խմբագրել կոդը]

Էրնանդեսը աշխատել է որպես Թուսոնի հրեական համայնքի հարաբերությունների խորհրդի համակարգող[12] և ներգրավվել է Հասարակական կապերի ամերիկա-իսրայելական կոմիտեի աշխատանքներում։

2021 թվականի մայիսի 18-ին Չավերիմ միաբանության (որին անդամակցում է Էրնանդեսը) դռներից մեկը քարով ջարդուփշուր է արվել, իսկ 2021 թվականի հունիսի 7-ին Թուսոնում վանդալիզմի է ենթարկվել Չաբադ սինագոգը։ Էրնանդեսը Twitter-ում դատապարտել է երկու միջադեպերն էլ[13]։

2021 թվականի հուլիսի 11-ին Էրնանդեսը ելույթ է ունեցել իսրայելամետ հրեական կազմակերպությունների կողմից Միացյալ Նահանգների Կապիտոլիումի դիմաց կազմակերպված ցույցի ժամանակ՝ դատապարտելով հակասեմականությունը և հայտարարելով, որ սատարում է Իսրայելին[14]։ Բացի այդ, 2021 թվականին Էրնանդեսը ներկայացրել և ընդունել է օրինագիծ՝ Արիզոնայում Հոլոքոստի մասին կրթությունը պարտադիր դարձնելու մասին[15]։

2023 թվականին՝ իսրայելցի խաղաղ բնակիչների վրա ՀԱՄԱՍ-ի հարձակումներից հետո, Էրնանդեսը իր հայրենի թաղամասում հայտնվել է հակաիսրայելական ակտիվիստների թիրախում[16]։

Նա հանդես է եկել պաղեստինամետ կազմակերպությունների, այդ թվում՝ Mass Liberation-ի դեմ[17]։

Ներգաղթ

[խմբագրել | խմբագրել կոդը]

Էրնանդեսը աշխատակցել է Ամերիկայի երիտասարդ դեմոկրատների իսպանախոսների ասոցիացիային (անգլ.՝ Young Democrats of America Hispanic caucus) և մասնակցել է Թրամփի վարչակազմի ընտանիքների բաժանման քաղաքականության դեմ կազմակերպված հանրահավաքին[18]։ Նա օժանդակել է Մեքսիկայի սահմանամերձ Նոգալես քաղաքի աղքատ ընտանիքներին առաջին անհրաժեշտության ապրանքների համակարգված առաքումներին։ Այս ամենը կազմակերպել է Tucson Hews for Justice խմբի օգնությամբ, որի համահիմնադիրներից մեկն է[12]։

Անձնական կյանք

[խմբագրել | խմբագրել կոդը]

Էրնանդեսը մեծացել է ոչ կրոնական տանը և ընդունել է հուդայականություն 2015 թվականին։ Նա սկսել է հետաքրքրվել հուդայականությամբ իր պատանեկության տարիներին այն բանից հետո, երբ պարզել է, որ իր մորական պապը հրեա է[18][12]։ Նրա քույր Կոնսուելո Էրնանդեսը նույնպես Ներկայացուցիչների պալատի անդամ է, իսկ եղբայրը՝ Դանիել Էրնանդես կրտսերը, նախկին նահանգային ներկայացուցիչ և ԱՄՆ Կոնգրեսի թեկնածու է։

Արիզոնայի Ներկայացուցիչների պալատում ընտրվելուց հետո նա յոթ այլ կանանց հետ նկարահանվել է plus-size հագուստի ELOQUII ապրանքանիշի գովազդային արշավում[2]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 Jewish Women's Archive. Encyclopedia
  2. ↑ 2,0 2,1 Arizona lawmaker Alma Hernandez appears as model in advertisements for clothing brand ELOQUII
  3. ↑ «About Alma». Alma Hernandez for State House. Վերցված է 2019 թ․ հունվարի 13-ին.
  4. ↑ 4,0 4,1 AZ Rep. Hernandez wins de-escalation training for school cops, by Phyllis Braun, at JewishAZ.com; published July 2, 2019; retrieved January 3, 2023
  5. ↑ Arizona House of Representatives elections, 2018
  6. ↑ The Hill's Latina Leaders to Watch 2019. The Hill
  7. ↑ Arizona passes Holocaust education bill despite antisemitism definition debate. Pittsburg Jewish Chronicle
  8. ↑ «Bill history for HB2509». AZ Leg. Website. Վերցված է 2023 թ․ ապրիլի 28-ին.
  9. ↑ Healy, Jack (2023 թ․ ապրիլի 25). «The Hot Issue Bedeviling Arizona's New Governor: Tamales». The New York Times. Վերցված է 2023 թ․ ապրիլի 28-ին.
  10. ↑ Duda, Jeremy (2023 թ․ ապրիլի 25). «Dems mostly side with Hobbs to block override of "tamale bill" veto». Axios Phoenix. Վերցված է 2023 թ․ ապրիլի 28-ին.
  11. ↑ Gomez, Gloria Rebecca (2023 թ․ ապրիլի 25). «GOP push to override veto of 'tamale bill' fails after Democrats balk at going against Hobbs». AZ Mirror. Վերցված է 2023 թ․ ապրիլի 28-ին.
  12. ↑ 12,0 12,1 12,2 Meet the Mexican-American Jew running for office on Arizona’s southern border. Times of Israel
  13. ↑ Arrest made after Tucson synagogue spray-painted with swastika, antisemitic slur. KVOA
  14. ↑ Rally in DC denounces anti-Semitism and shows support for Israel
  15. ↑ «REP. ALMA HERNANDEZ ON HOW SHE AND HER FIRST-GRADE TEACHER BROUGHT HOLOCAUST EDUCATION TO ARIZONA, DESPITE ATTEMPTS TO SLOW IT DOWN». Campaign Against Antisemitism. Campaign Against Antisemitism. 2023 թ․ օգոստոսի 17. Վերցված է 2024 թ․ փետրվարի 8-ին.
  16. ↑ Wurst, Erika (2023 թ․ դեկտեմբերի 16). «Tucson lawmaker: Flyer condemning her stance on Israel includes home address». Tucson.com. Վերցված է 2024 թ․ փետրվարի 8-ին.
  17. ↑ Stern, Ray. «A progressive group backs Hamas, splitting opinion on Arizona's Democratic Party». AZ Central. Վերցված է 2024 թ․ փետրվարի 8-ին.
  18. ↑ 18,0 18,1 This Jewish Latina wants to bridge political divides at the border. Fast Company

Արտաքին հղումներ

[խմբագրել | խմբագրել կոդը]