Աստղային պատերազմների օր

«Աստղային պատերազմների» օր (անգլ.՝ Star Wars Day), ոչ պաշտոնական տոն, որը նշում են Ջորջ Լուկասի «Աստղային պատերազմներ» կուլտային ֆանտաստիկ սագայի երկրպագուները^[1]։

Մայիսի 4

«Աստղային պատերազմների» (այլ ձևով՝ Լյուք Սքայուոքերի օր) օրվա ստույգ ամսաթիվը համարվում է մայիսի 4-ը^[2]։ Այդ օրն ընտրվել է ֆիլմում հաճախ հնչող և արդեն հայտնի դարձած May the Force be with you («Թող քեզ հետ լինի Ուժը») քաղվածքի շնորհիվ, որը շատ երկրպագուներ արտասանում են որպես May the fourth be with you (անգլ.՝ fourth - չորրորդ և May - մայիս)։ «Աստղային պատերազմների» երկրպագուները միայնակ չեն, ովքեր օգտագործել են նման բառախաղ։ 1979 թվականի մայիսի 4-ին, երբ Մարգարետ Թետչերն ընտրվեց Մեծ Բրիտանիայի վարչապետ, նրա կուսակցությունը հայտարարություն է տվել լոնդոնյան երեկոյան լուրերում May the Fourth Be with You, Maggie. Congratulations բառերով («Մայիսի չորսը թող քեզ հետ լինի, Մեգի։ Շնորհավոր»)^[3]։

2005 թվականին N24 հեռուստաալիքով Ջորջ Լուկասի հետ հարցազրույցի ժամանակ նրան խնդրել են արտասանել այդ քաղվածքը, իսկ գերմաներեն զուգահեռ թարգմանությունը հնչել է որպես Am 4. Mai sind wir bei Ihnen («Մենք կլինենք քեզ հետ մայիսի 4-ին»)։ 2005 թվականի մայիսի 18-ին հարցազրույցն այդպես էլ ցուցադրվել է TV Total հեռուստաալիքով^[4]։

Տոնը նշում են ոչ միայն երկրպագուները։ Օրինակ, ատրակցիոնների այգում կազմակերպվում են «Աստղային պատերազմների» թեմատիկ օրեր, իսկ Disney ընկերությունը մայիսի 4-ի պատվին թողարկել է կոլեկցիոներական պաստառներ^[5]։ Սագայի պաշտոնական կայքը 2011 թվականի մայիսի 4-ին հայտարարել է բոլոր վեց ֆիլմերի Blu-ray-հրատարակության մասին և տվել իմպրովիզացիոն հետ հաշվարկի սկիզբ^[6]։

Մայիսի 5 և 6

«Աստղային պատերազմների» տոնը այնքան հանրաճանաչ է դարձել, որ հաջորդ օրը՝ մայիսի 5-ը, սկսել են կատակով անվանել «Հինգերորդի վրեժը» (անգլ.՝ Revenge of the Fifth)՝ սագայի երրորդ դրվագի պատիվ, որը կրում է «Սիտհերի վրեժ» անունը (անգլ.՝ Revenge of the Sith)։ Այդ օրը բոլոր երկրպագուներն անցնում են Ուժի մութ կողմը և փառաբանում են սիթհերի տիրակալներին ու «Աստղային պատերազմերի» տիեզերքի մյուս հակահերոսներին։ Կա նաև բացատրություն, որ մայիսի 6-ը ռևանշի օր է և կոչվում է «Վեցերորդի ռևանշի օր» (անգլ. Revenge of the Sixth)։

Մայիսի 25

Լոս-Անջելեսի քաղաքային խորհուրդը 2007 թվականի մայիսի 25-ը հայտարարել է Աստղային պատերազմների օր, քանի որ 1977 թվականի այդ օրն է թողարկվել կինաշարքի առաջին ֆիլմը՝ «Աստղային պատերազմներ։ Էպիզոդ IV։ Նոր հույս»^[7]։ Նույն օրը նշվում է Geek Pride Day՝ գիկ մշակույթի օր, որը ԱՄՆ-ում նշվում է 2008 թվականից։

Ծանոթագրություններ

1. * «Star Wars Day: How old is old enough for this movie?» Արխիվացված 2011-08-07 Wayback Machine, Kate Shatzkin, The Baltimore Sun, 4 мая 2009
   • «Forced» or Not, There’s a «Star Wars» Day, by Alysia Gray Painter, NBC, 4 мая 2009
   • «The Force Is Strong In This One», Quentin Hardy, Forbes, 04.30.09 — «There’s even an annual „Star Wars Day“ in May („May the fourth be with you“).»
   • «Yes, it’s 'Star Wars' Day», by Whitney Matheson, USA Today
2. «Entertainment», Star Wars day: May the 4th be with you, My Fox Chattanooga, 4 мая 2010, Արխիվացված է օրիգինալից 2010-05-08-ին.
3. Danish National Radio On-line News
4. • Musings from an overworked translator: Bonus TGIF: Spielberg interview (TV Total) — oops! Lucas
   • Stefan Raab on TV Total pointing out the N24 translation
5. «День «Звёздных войн»». Look At Me. 11 мая 2010 года. Արխիվացված է օրիգինալից 2012 թ․ սեպտեմբերի 4-ին. Վերցված է 2011 թ․ նոյեմբերի 24-ին.
6. «A Surprise for 'Star Wars Day': Complete Series on Blu-Ray». FoxNews.com. 4 мая 2011. Արխիվացված է օրիգինալից 2012 թ․ սեպտեմբերի 4-ին. Վերցված է 2011 թ․ նոյեմբերի 24-ին.
7. Council File Number:07-1368(չաշխատող հղում), May 1, 2007, City of Los Angeles — Council File Number:07-1368.