Արվեստի ազգային կենտրոն (Տոկիո)

Արվեստի ազգային կենտրոն
Տեսակպատկերասրահ և ազգային թանգարան
Երկիր Ճապոնիա[1]
ՏեղագրությունՌոպոնգի
Հիմնադրվել էհուլիսի 1, 2006[2]
Այցելուներ881 733 մարդ (2021)[3]
ՏնօրենEriko Ōsaka?[4]
Կայքnact.jp​(ճապոներեն)​(գերմ.)​(անգլ.)​(իսպ.)​(ֆր.)​(կոր.)​(չին.)
Քարտեզ
Քարտեզ

Արվեստի ազգային կենտրոն (ճապ.՝ 国立新美術館 Kokuritsu Shin-Bijutsukan), թանգարան Ճապոնիայում՝ Տոկիոյում։ Հանդիսանում է կրթության, մշակույթի, սպորտի, գիտության և տեխնոլոգիաների նախարարության և Ազգային թանգարան անկախ վարչական հաստատության (իրավաբանական անձ, որը ստեղծվել է 2001 թվականին ճապոնական կառավարության կողմից երեք անկախ ազգային գրադարանների՝ Տոկիոյի ազգային գրադարանի, Կիոտոյի ազգային գրադարանի և Նառայի ազգային գրադարանի միաձուլման միջոցով) ընդհանուր նախագիծ[5]։

Թանգարանը զբաղեցնում է այն տարածքը, որը մինչև 2007 թվականը զբաղեցրել է Տոկիոյի համալսարանի գիտահետազոտական կենտրոնը։ Ցուցահանդեսային տարածքի ընդհանուր մակերեսը 14 000 մ² է[6]։ Մտնում է աշխարհի ամենաշատ այցելվող թանգարանների տասնյակի մեջ։

Գտնվում է ճարտարապետ Կիսյո Կուռոկավայի նախագծով կառուցած շենքում[7]՝ Տոկիոյի մետրոպոլիտենի Տիյոդի գծի Նոգիզագա կայարանի մոտ։

Ի տարբերություն Ճապոնիայի մյուս ազգային թանգարանների՝ Արվեստի ազգային կենտրոնը չունի մշտական ցուցանմուշներ և հսկիչներ։ Թանգարանը գործում է գերմանական կունստհալլե թանգարանների սկզբունքով, որն ենթադրում է հովանավորների և այլ թանգարանների կողմից կազմակերպված ժամանակավոր ցուցահանդեսների անցկացում[8]։ 2007 թվականին՝ իր գործունեության առաջին տարում, թանգարանում անցկացվել է 69 ցուցահանդես, որոնցից 10-ը կազմակերպվել է ինքնուրույն, իսկ մնացածը՝ այլ գեղարվեստական հանրույթների կողմից։ Կլոդ Մոնեի ցուցահանդեսը, որը կայացել է 2007 թվականի ապրիլի 7-ին և հուլիսի 2-ին, ըստ այցելությունների թվի, եղել է տարվա երկրորդ գեղարվեստական իրադարձությունը ոչ միայն Ճապոնիայում, այլև ողջ աշխարհում[8]։

Ծանոթագրություններ

[խմբագրել | խմբագրել կոդը]
  1. ↑ archINFORM (գերմ.) — 1994.
  2. ↑ https://www.nact.jp/information/introduce/report/pdf/nact_annual_H18_web.pdf
  3. ↑ Art's most popular: Exhibition and museum visitor figures 2021 // The Art Newspaper — 2022. — ISSN 0960-6556
  4. ↑ https://www.nact.jp/release/20191001.html
  5. ↑ «The National Art Center, Tokyo». Արխիվացված է օրիգինալից 2015 թ․ օգոստոսի 28-ին. Վերցված է 2019 թ․ հոկտեմբերի 14-ին.
  6. ↑ Стеклянная волна
  7. ↑ Журнал Architectural Record // ноябрь 2007 г. - стр.142-149
  8. ↑ 8,0 8,1 Dr Masaaki Morishita (2012 թ․ դեկտեմբերի 28). The Empty Museum: Western Cultures and the Artistic Field in Modern Japan. Ashgate Publishing. էջ 12. ISBN 978-1-4094-9263-4.

Արտաքին հղումներ

[խմբագրել | խմբագրել կոդը]

(կոր.)(ճապոներեն)

Վիքիպահեստն ունի նյութեր, որոնք վերաբերում են «Արվեստի ազգային կենտրոն (Տոկիո)» հոդվածին։
Ֆոտո, վիդեո և աուդիո