Բազաբուն

Բազաբուն, գյուղ Արևմտյան Հայաստանում, Խարբերդի վիլայեթի Չմշկածագի գավառակում։

Անվան ստուգաբանություն

Գյուղի անվանումն առաջացել է գյուղում շատ բազեներ լինու պատճառով։ Ըստ ոմանց էլ, բնակավայրի անվանումը կապված է մրջյունի բազ տեսակի հետ։

Աշխարհագրություն

Գյուղի հյուսիս, հյուսիս-արևելյան և մասամբ հյուսիս-արևմտյան կողմերում գտնվում են մեծ ու փոքր բարձունքներ։ Հարավային և հարավ-արևմտյան մասերը հարթավայրային են։

Պատմություն

Բնակիչները թուրքերի կողմից տեղահանվել են 1915 թվականի Մեծ եղեռնի։ Նրանց մի մասը զոհվել է, փրկվածները գաղթել են օտար երկրներ^[1]։ Գյուղի մոտակայքում Բազաբուն և Մորաշխա գետերի մոտ գտնվում է Բազաբունա ձոր^[2]։

Բնակչություն

XX դարի սկզբին ուներ 21 տուն հայ բնակիչ։ 1915 թվականին ուներ 19 տուն, որից 16 տուն՝ 71 հայ և 3 տուն՝ 14 թուրք բնակիչ։

Տնտեսություն

Բնակիչները զբաղվում էին երկրագործությամբ և անասնապահությամբ։

Պատմամշակութային կառույցներ

Բազաբունն ուներ Ս․ Աստվածածին անունով քարաշեն կամարակապ եկեղեցի, որը կառուցված էր XIX դարի կեսերին։

Կրթություն

1880-ական թվականներին եկեղեցուն կից գործում էր հայկական Պարևթյան երկսեռ դպրոցը, որը եկեղեցու հետ հրդեհվելուց հետ վերաշինվել էր Աբիկ Ունճյանի ծախսերով^[3]։

Տես նաև

• Էրզրումի նահանգի հայաբնակ բնակավայրեր

Ծանոթագրություններ

1. ՀՍՀ, հտ 2, էջ 207, Բազաբուն
2. Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 1 [Ա-Գ] (խմբ. Մանուկյան Լ. Գ.), Երևան, «Երևանի համալսարանի հրատարակչություն», 1986, էջ 541 — 992 էջ։
3. «Հայաստանի և հարակից շրջանների տեղանունների բառարան», հտ 1, էջ 541

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 207)։