Բարբարա Ֆրանկլին

Բարբարա Ֆրանկլին
Կուսակցություն՝	ԱՄՆ Հանրապետական կուսակցություն
Կրթություն՝	Հարվարդի բիզնես դպրոց, Հարվարդի համալսարան, Փենսիլվանիա նահանգի համալսարան և Hempfield High School?
Մասնագիտություն՝	քաղաքական գործիչ և գործարար
Ծննդյան օր	մարտի 19, 1940(1940-03-19)[1] (84 տարեկան)
Ծննդավայր	Լանկաստեր, Փենսիլվանիա, ԱՄՆ
Քաղաքացիություն	ԱՄՆ
Ամուսին	Wallace Barnes?
Պարգևներ	Կոնեկտիկուտի կանանց փառքի սրահ [2]

Բարբարա Ֆրանկլին (անգլ.՝ Barbara Ann Hackman Franklin, մարտի 19, 1940(1940-03-19)^[1], Լանկաստեր, Փենսիլվանիա, ԱՄՆ), ամերիկացի ձեռնարկատեր և կառավրիչ, ԱՄՆ-ի առևտրի 21-րդ նախարար։

Կենսագրություն

Բարբարա Ֆրանկլինը ծնվել է 1940 թվականի մարտի 19-ին Լանկաստերում, Փենսիլվանիա նահանգ։ Ավարտել է Հեմփֆիլդ դպրոցը, որից հետո սովորել է Փենսիլվանիա նահանգի համալսարանում, որն ավարտել է 1962 թվականին արվեստների բակալավրի աստիճանով։ 1964 թվականին ավարտել է Հարվարդի բիզնեսի դպրոցը^[3]՝ դառնալով դառնալով այս ուսումնական հաստատության առաջին կին շրջանավարտներից մեկը և ստանալով բիզնես վարչարարության մագիստրոսի աստիճան^[4]։

1969 թվականին դարձել է Citibank բանկի փոխնախագահի օգնական։ 1971 թվականից մինչև 1973 թվականը եղել է ԱՄՆ նախագահ Ռիչարդ Նիքսոնի շտաբի պետի օգնական։ Մինչև 1979 թվականն աշխատել է Սպառողների և արտադրանքի անվտանգության հանձնաժողովում^[5][6]։

1979 թվականից մինչև 1992 թվականը եղել է Aetna ընկերության կառավարման մեջ, 1979 թվականից մինչև 1988 թվականը՝ Փենսիլվանիայի համալսարանի Ուորթոնի բիզնես դպրոցի ավագ գիտական աշխատող։ 1980 թվականին հիմնադրել է խորհրդատվության ոլորտի սեփական ընկերություն՝ Barbara Franklin Enterprises, որի հիմնադրման պահից Ֆրանկլինը համարվում է նրա նախագահը և գործադիր տնօրենը։ Նաև եղել է Dow Chemical, Westinghouse Electric, Stanley Black & Decker և Nordstrom ընկերությունների տնօրենների խորհրդի անդամ։ Երկու անգամ մտել է ԱՄՆ նախագահի առևտրի խորհրդատվական խորհրդի մեջ։

1992 թվականի փետրվարի 26-ին նախագահ Ջորջ Բուշ ավագի կողմից նրան առաջարկվել է Առևտրի նախարարի պաշտոնը^[7][8]։ Նրա թեկնածությունն ընդունվել է երկրի Սենատի կողմից, և փետրվարի 27-ին տեղի է ունեցել Բարբարայի երդման արարողությունը^[9]։ Նրա ղեկավարության ժամանակ ԱՄՆ-ին հաջողվել է մեծացնել արտահանվող ապրանքների քանակը դեպի Ռուսաստան, Չինաստան, Մեքսիկա և Ճապոնիա^[10][11]։ Նրա նախաձեռնությամբ չեղյալ են հայտարարվել 1989 թվականի հունիսին Չինաստանի նկատմամբ Միացյալ Նահանգների սահմանած պատժամիջոցները։ Նախագահական ընտրություններին Բիլ Քլինթոնի հաղթանակից հետո Բարբարա Ֆրանկլինը հեռացել է պաշտոնից։

Պետական ծառայությունից հեռանալուց հետո Բարբարան շարունակել է իր գործունեությունը մասնավոր ոլորտում, եղել է Aetna, Dow Chemical, AMP, Inc., Guest Services, Inc. (1995-2002), JA Jones (1995-1998), MedImmune (1995-2007), Milacron (1996-2005), NASDAQ (1996-1997), Watson Wyatt (2000-2002), Aviron (2001-2002) և GenVec (2002-2007) ընկերությունների կառավարման անդամ։ Այժմ գլխավորում է սեփական Barbara Franklin Enterprises խորհրդատվական ընկերությունը^[5][12]։

Ծանոթագրություններ

1. SNAC — 2010.
2. https://www.cwhf.org/inductees/barbara-hackman-franklin
3. https://www.alumni.hbs.edu/stories/Pages/story-bulletin.aspx?num=2012
4. What do you think?. «Conversations from Penn State: Barbara Franklin». Conversations.psu.edu. Արխիվացված է օրիգինալից 2013 թ․ սեպտեմբերի 22-ին. Վերցված է 2013 թ․ օգոստոսի 25-ին.
5. «Barbara Hackman Franklin». Pabook.libraries.psu.edu. Արխիվացված է օրիգինալից 2014 թ․ հոկտեմբերի 9-ին. Վերցված է 2013 թ․ օգոստոսի 25-ին.
6. Stout, Lee. "A Matter of Simple Justice: The Untold Story of Barbara Hackman Franklin and a Few Good Women." Penn State Libraries, 2012.
7. A Panel Backs Bush Nominees (անգլ.)
8. «Richard Nixon: Memorandum About Women in Government». Presidency.ucsb.edu. Վերցված է 2013 թ․ օգոստոսի 25-ին.
9. «4.28.72 - RN Issues Statement About the Status of Women Within the Administration - The New Nixon». Blog.nixonfoundation.org. 2011 թ․ ապրիլի 28. Արխիվացված է օրիգինալից 2015 թ․ հունվարի 11-ին. Վերցված է 2013 թ․ օգոստոսի 25-ին.
10. «CPSC - Barbara Franklin Elected Vice Chairman Of Newly Created Consumer Product Safety Commission». Cpsc.gov. 1973 թ․ հունիսի 13. Արխիվացված է օրիգինալից 2007 թ․ դեկտեմբերի 3-ին. Վերցված է 2013 թ․ օգոստոսի 25-ին.
11. «Barbara Franklin Enterprises - The Honorable Barbara Hackman Franklin». Bhfranklin.com. Արխիվացված է օրիգինալից 2013 թ․ օգոստոսի 20-ին. Վերցված է 2013 թ․ օգոստոսի 25-ին.
12. Published: February 19, 1992 (1992 թ․ փետրվարի 19). «A Panel Backs Bush Nominees - New York Times». Nytimes.com. Վերցված է 2013 թ․ օգոստոսի 25-ին.

Արտաքին հղումներ

• Краткая биография на сайте nndb.com
• Биография на сайте компании Barbara Franklin Enterprises

Վիքիպահեստն ունի նյութեր, որոնք վերաբերում են «Բարբարա Ֆրանկլին» հոդվածին։