Գաբրիել Սերվիլ
| Գաբրիել Սերվիլ | |
| |
| Կուսակցություն՝ | Գվիանիայի սոցիալիստական կուսակցություն, Պեյ Գայանա և Democratic Forces of Guiana? |
|---|---|
| Մասնագիտություն՝ | քաղաքական գործիչ |
| Ծննդյան օր | սեպտեմբերի 27, 1959[1][2] (65 տարեկան) |
| Ծննդավայր | Կայեննա[3] |
| Քաղաքացիություն |  Ֆրանսիա
|
Գաբրիել Սերվիլ (ֆր.՝ Gabriel Serville, սեպտեմբերի 27, 1959[1][2], Կայեննա[3]), ֆրանսիացի քաղաքական գործիչ, Գվիանայի ասամբլեայի նախագահ (2021 թվականից)։
Կենսագրություն
[խմբագրել | խմբագրել կոդը]Ծնվել է 1959 թվականի սեպտեմբերի 27-ին Կայենում։ Մաթեմատիկայի ուսուցիչ, ապա ճեմարանի տնօրեն։ Քաղաքական կարիերան սկսել է Գվիանայի դեմոկրատական ուժեր կուսակցության շարքերում, սակայն 2008 թվականին թողել է այն և անցել Մատուրիի ավագանու ընտրություններին՝ որպես անկախ թեկնածու։ Դառնալով ընդդիմադիր պատգամավոր՝ անդամագրվել է Գվիանայի սոցիալիստական կուսակցությանը։ 2012 թվականի մարտի 21-ին ընտրվել է Գվիանայի շրջանային խորհրդի անդամ և նույն թվականին Գվիանայի 1-ին շրջանից անցել է Ազգային ժողով։ 2014 թվականի մարտի 30-ին ընտրվել է Մատուրիի քաղաքապետ, 2017 թվականին երկրորդ փուլում վերընտրվել է խորհրդարանում՝ 51,33 % արդյունքով, իսկ 2017 թվականի օգոստոսի 25-ին հրաժարական է տվել քաղաքապետի պաշտոնից՝ ընտրովի պաշտոնների համատեղումն արգելող օրենքի ուժի մեջ մտնելու պատճառով։ 2018 թվականի հոկտեմբերին հիմնադրել է «Երկիր Գվիանա» տարածաշրջանային նոր քաղաքական ուժը[4]։
2021 թվականի հունիսի 27-ին տեղի է ունեցել տարածաշրջանային ընտրությունների երկրորդ փուլը, որին Սերվիլը մասնակցել է ձախ կուսակցությունների միացյալ ցուցակի գլխավորությամբ՝ ստանալով ձայների 54,83%-ը (նրան ընդդիմացել են աջակենտրոնները՝ Նիկոլա Սարկոզիի զինակից վեհաժողովի գործող նախագահ Ռոդոլֆ Ալեքսանդրի գլխավորությամբ, որը 2015 թվականին հասել է վարչական բարեփոխումների անցկացմանը՝ Գվիանայում միավորելով տարածաշրջանն ու դեպարտամենտը և երկու խորհուրդների փոխարեն ստեղծելով միասնական վեհաժողով)[5]։
2021 թվականի հուլիսի 2-ին պատգամավորները Սերվիլին ընտրեցին Գվիանայի ասամբլեայի նախագահ[6]։
2021 թվականի օգոստոսի 1-ին Սերվիլը ընտրական պաշտոնների համատեղումն արգելող օրենքի պահանջով հրաժարվել է պատգամավորական մանդատից[7]։ Անցնելով խորհրդարանական ընտրությունների՝ նա Կարին Սինայի վաղաժամկետ հեռացման դեպքում Բոսսուին համարել է իր իրավահաջորդը, սակայն վերջինս դեռևս հուլիսին հրաժարվել է զբաղեցնել Սերվիլի աթոռը Ազգային ժողովում, և մանդատը թափուր է մնացել մինչև հաջորդ ազգային խորհրդարանական ընտրությունները՝ 2022 թվականին[8]։
Ծանոթագրություններ
[խմբագրել | խմբագրել կոդը]- ↑ 1,0 1,1 Sycomore (ֆր.) / Assemblée nationale
- ↑ 2,0 2,1 Répertoire national des élus — 2019.
- ↑ 3,0 3,1 3,2 Who's Who in France (ֆր.) — Paris: 1953. — ISSN 0083-9531; 2275-0908
- ↑ «Elections territoriales 2021 : Gabriel Serville le grand vainqueur du scrutin» (ֆրանսերեն). Guyane la 1ere. 2021 թ․ հունիսի 27. Արխիվացված օրիգինալից 2021 թ․ հուլիսի 2-ին. Վերցված է 2021 թ․ հուլիսի 28-ին.
- ↑ «Résultats élection territoriale 2021 en Guyane : Gabriel Serville (DVG) l'emporte» (ֆրանսերեն). RTL. 2021 թ․ հունիսի 28. Արխիվացված օրիգինալից 2021 թ․ հուլիսի 3-ին. Վերցված է 2021 թ․ հուլիսի 28-ին.
- ↑ «Résultats des régionales : les élections des présidents confirment les victoires de la plupart des sortants» (ֆրանսերեն). Guyane la 1ere. 2021 թ․ հուլիսի 2. Արխիվացված օրիգինալից 2021 թ․ հուլիսի 2-ին. Վերցված է 2021 թ․ հուլիսի 2-ին.
- ↑ «Composition de l'assemblée». JORF n°0178 du 3 août 2021 (ֆրանսերեն). legifrance.gouv.fr. 2021 թ․ օգոստոսի 3. Արխիվացված օրիգինալից 2021 թ․ նոյեմբերի 24-ին. Վերցված է 2021 թ․ նոյեմբերի 24-ին.
- ↑ «Carine SinaÏ Bossou, présidente de la Chambre de Commerce et d'Industrie et suppléante du député Serville n'ira pas à l'Assemblée Nationale» (ֆրանսերեն). Guyane la 1ere. 2021 թ․ հուլիսի 4. Արխիվացված օրիգինալից 2021 թ․ նոյեմբերի 24-ին. Վերցված է 2021 թ․ նոյեմբերի 24-ին.
Արտաքին հղումներ
[խմբագրել | խմբագրել կոդը]- «M. Gabriel Serville» (ֆրանսերեն). Национальное собрание Франции. Վերցված է 2021 թ․ հուլիսի 28-ին.
 | Վիքիպահեստն ունի նյութեր, որոնք վերաբերում են «Գաբրիել Սերվիլ» հոդվածին։ |
| ||||||
