Գեղարվեստի թանգարան (Գենտ)

Գեղարվեստի թանգարան
Տեսակ	պատկերասրահ և թանգարան
Երկիր	Բելգիա
Տեղագրություն	Գենտ
Կազմված է	Q51676290?
Մասն է	Q64699564?
Հասցե	Fernand Scribedreef 19000
Հիմնադրվել է	1798
Կայք	mskgent.be/en/(անգլ.), mskgent.be/fr/(ֆր.) և mskgent.be(նիդեր.)

Անվան այլ կիրառումների համար տե՛ս՝ Գեղարվեստի թանգարան (այլ կիրառումներ)

Գենտի գեղարվեստի թանգարան (հոլ.՝ Museum voor Schone Kunsten (MSK)), գեղարվեստի թանգարան Բելգիայի Գենտ քաղաքում։ Տեղակայված է Ցիտադել զբոսայգու արևելյան հատվածում (Գենտի ժամանակակից արվեստի քաղաքային թանգարանի հարևանությամբ)։

Պատմություն

Թանգարանը հիմնադրվել է 1798 թվականին։ Համարվում է Բելգիայի ամենահին թանգարաններից մեկը։ Հայտնի է հավաքածուների բազմազանությամբ, ներառում է միջնադարից մինչև 20-րդ դարասկիզբ ընկած ժամանակահատվածը։ Հիմնական հավաքածուն ներառում է ֆլամանդական արվեստի (Հարավային Նիդերլանդներ) նմուշներ, ունի նաև եվրոպական` մասնավորապես ֆրանսիական արվեստի նմուշներ։

Մշտական հավաքածուի ցուցադրմանը զուգահեռ թանգարանը կազմակերպում է նաև ժամանակավոր ցուցահանդեսներ (տարին երկու անգամ)։

Թանգարանի շենքի ճարտարապետն է Չարլզ վան Ռիսելգերգը։ Թանգարանն ունի համաժողովների դահլիճ, գրադարան, մանկական անկյուն և սրճարան։ 2007 թվականին քառամյա վերանորոգումից հետո թանգարանը վերաբացվել է։

Թանգարանն անդամակցում է Ֆլամանդական արվեստի հավաքածուին, որը միավորում է ֆլամանդական գեղարվեստի երեք խոշոր թանգարանները` Գեղարվեստի թագավորական թանգարանը, Գրունինգե թանգարանը և Գենտի գեղարվեստի թանգարանը։ Թանգարանների հավաքածուները մշակվել են նույն կերպ և լրացնում են միմյանց` ներկայացնելով 15-ից 20-րդ դարերի ֆլամանդական արվեստը։ Որպես բելգիական մշակութային ժառանգության միևնույն պատասխանատվությունը կրող կառույց` երեք թանգարաններն իրականացնում են փորձի փոխանակում, ձգտում են ավելի կայուն, բարձր որակի կառավարման և իրենց հավաքածուների միջազգային իրազեկման բարձրացման` մասնավորապես համաշխարհային ժառանգության մաս կազմող աշխատանքների։