Գոլուբաց ամրոց
 Նկարագրություն | |
| Տեսակ | ամրոց և դղյակ |
| Վարչական միավոր | Գոլուբաց և Golubac Municipality? |
| Երկիր |  Սերբիա |
| Կառուցված | 14-րդ դար |
| Ընթացիկ սեփականատեր | Սերբիա |
| Կայք | tvrdjavagolubackigrad.rs |
 | |
 | |
 Golubac Fortress Վիքիպահեստում | |
Գոլուբաց ամրոց (հունգ.՝ Galambóc, սերբ.՝ Голубачки Град, Голубац), միջնադարյան ամրոց ժամանակակից Սերբիայի տարածքում։ Կառուցվել է 14-րդ դարում Դանուբ գետի ափին` Երկաթե դարպասների մոտ[1][2]։ Գտնվում է Գոլուբաց և Կլադովո քաղաքների միջև։ Ամրոցի վաղ պատմությունը քիչ է ուսումնասիրված։ Դեռևս մինչ ամրոցի հիմնադրումը նրա շրջակայքում եղել է հռոմեական բնակավայր, որ երբեմն անվանել են «Columbiara»: Ժամանակակից ամրոցը հիմնադրել են սերբե՞րը, թե՞ հունգարները` վերջնականապես ճշտված չէ[3]։ Անհայտ է նաև, թե երբ է սկսվել ամրոցի շինարարությունը։ Աշտարակներից մեկում առկա ուղղափառ մատուռից կարելի է ենթադրել, որ ամրոցը կամ վերին քաղաքը հիմնադրվել է ուղղափառ ազնվականական տոհմի կողմից։ Ամրոցի հիմնադրման ժամանակի մասին ևս ստույգ տեղեկություններ չկան, չնայած բոլոր հիմքերը կան ենթադրելու, որ այն հիմնադրվել է 14-րդ դարի սկզբին։
Ամրոցի պատմության առավել դրամատիկ շրջանն է եղել 15-րդ դարը, երբ Հունգարիայի թագավորը ամրոցի կառավարումը վստահել է սերբ կառավարիչներ Լազարևիչին և Բրանկովիչին։ 1427 թվականին Գոլուբացին տիրում է թուրք սուլթան Մուրադ II-ը[4]։ Բալկաններում իր հակառակորդների դիրքերի ամրապնդումից ապահովագրվելու համար Հունգարիայի թագավոր Սիգիզմունդ I-ը 1428 թվականին ամրոցը ազատագրելու համար բազմահազարանոց զորք է ուղարկում, որ կազմված էր հունգարներից, վալախներից, լեհերից, իտալացիներից։ Ամրոցի պաշարումը հաջողությամբ չի պսակվում. մահանում է ուղղափառ ասպետ Զավիշա Չորնին (լեհ.՝ Zawisza Czarny, Завиша Чарны):
Ամրոցն ունի 9 աշտարակ, որոնց բարձրությունը 20-25 մ է:Դրանցից ամենահինը հինգն են։ Աշտարակները միանում են ուղղաբերձ ժայռից իջնող գետի քարե պատերի մոտ, որոնց լայնությունը հասնում է 280 սմ-ի։
Ծանոթագրություններ
[խմբագրել | խմբագրել կոդը]- ↑ "Golubac". Archived from the original on 2007-03-09. Retrieved 2007-01-28.
- ↑ "Golubac". Serbia National Association of Travel Agencies. Retrieved 2007-03-23.
- ↑ Hitchcock, Don (2004-12-13). "Golubac". Retrieved 2007-01-28.
- ↑ Zollner, Anton (1991). "Die Burgen "Sankt Ladislaus" und "Golubatsch"". Mittelalterliche Burgen auf dem Gebiet des rumänischen Banats (in German). Retrieved 2007-03-23.
 | Վիքիպահեստն ունի նյութեր, որոնք վերաբերում են «Գոլուբաց ամրոց» հոդվածին։ |
