Գորգերի թանգարան (Թեհրան)

Գորգերի թանգարան
Տեսակ	ազգային թանգարան և տեքստիլի թանգարան
Երկիր	Իրան[1]
Տեղագրություն	District 6?
Մասն է	Լալե այգի[1]
Հասցե	Fatemi Street?[1] և Kargar Street?[1]
Մակերես	3400 քառակուսի մետր
Կայք	carpetmuseum.ir​(պարս.)

Գորգերի թանգարան (պարս.՝ موزه فرش ایران, Muze-ye Farsh-e Iran)՝ Թեհրանի թանգարաններից մեկը։ Այն կառուցվել է Ֆարահ Պեհլևիի հրամանով և բացվել է նրա մասնակցությամբ 1978 թվականի փետրվարի 11-ին։ Թանգարանի բացման նպատակը իրանական գորգագործության արվեստի պատմության գիտելիքների ուսումնասիրությունն ու պահպանումն է։ Գտնվում է Թեհրանի «Լալե» պարկի հյուսիսային մասում^[2]։ 2016 թվականից սկսած թանգարանը ղեկավարել է բժիշկ Սեյդ Աբդալմադժիդ Շարաֆ Զադեն։ Նրան նախորդել է Շահրզադ Ամինշիրազին^[3]։

Թանգարանի շենք

Թանգարանի շենքի նախագիծը պատկանում է ժամանակակից իրանցի ճարտարապետ, Թեհրանի համալսարանի դասախոս՝ Աբդալազիզու Ֆարմանֆարմյանու^[2], ով ժամանակակից նորարարություններ է ներդրել իրանական ճարտարապետության մեջ։ Տարածքի կառուցվածքը 3400 քառ. մետր է։ Իր ձևով այն նման է ոստայնի։ Ներսում տարածքը բաժանված է երկու սրահի, որոնք օգտագործվում են իրանական գորգերի ցուցադրման համար։

Թանգարանի առանձնահատկությունը

Թանգարանում պահվում են գորգերի արժեքավոր հավաքածուներ, 19-րդ դարից սկսած մինչև այսօր։ Ուստի նա այս ոլորտում համարվում է գիտնականների և պարզապես արվեստի սիրահարների կողմից լավ աղբյուր։

Թանգարանի առաջին հարկում է գտնվում անփոփոխ ցուցադրությունները՝ Իրանի գորգագործության 135 գլուխգործոցները։ Դրանք բերվում են Իրանի գորգագործության հիմնական կենտրոններից՝ Կաշանայից, Կերմանայից, Տեբրիզայից, Հորասանայից, Կուրդիստանայից և այլն։ Թանգարանի ամենաթանկարժեք և եզակի ցուցանմուշներից մեկը ձեռագործ 130-ից 220 սմ չափով կաշան գորգն է։ Գորգը պատկերում է Պարսկաստանի ռազմական գործիչ Միրզա Կուչեկ-խան Ջանգալիին։ Կուչեկ-խանի պատկերով կա գրություն, որտեղ ասվում է «Կեցցե Միրզա Կուչեկ-խան Ջանգալիին»։ Ամենայն հավանականությամբ, աշխատանքը պատկանում է Ղաջարիների դինաստիա վերջին թագավորության ժամանակաշրջանին^[4]։

Բացի այդ, գորգերի ցուցանմուշներ են ներկայացված Շահնամեի պատկերով, որոնք փոխանցում են Իրանի գրականության հարստությունը, դիցաբանությունը, դավանությունը և մշակույթը։ Այս բոլոր գորգերը ստեղծվել են երիտասարդ վարպետների կողմից Մուսավի Սիրատա սրահում, համատեղելով ավանդական և ժամանակակից համակարգչային տեխնոլոգիաները։

Թանգարանի երկրորդ հարկը նախատեսված է ցուցահանդեսների և շնորհանդեսների համար^[5]։ Բացի այդ, թանգարանում կա գրադարանն, որտեղ կա պարսկերեն, արաբերեն, ֆրանսերեն, անգլերեն և գերմաներեն լեզուներեվ մոտավորապես 3500 գիրք։ Այս գրքերը նվիրված են արևելյան գորգերի պատմությանը, հատկապես, իրանական, ինչպես նաև կրոնի, արվեստի և գրականության^[4]։ Գրադարանի կողքին գտնվում է գրքերի խանութ։ Հատուկ համալրված դահլիճում թանգարանի այցելուներին ցուցադրում են ֆիլմեր, սլայդներ իրանական գորգերի մասին։

Թանգարանի աշխատակիցները զբաղվում են արվեստի պատմության ոլորտում հետազոտությունների զարգացմամբ, գորգագործության առանձնահատկություններով, Իրանում գորգագործությամբ և ձեռագործ գորգերի տարբեր նմուշների հավաքագրմամբ և ձեռքբերմամբ։

Պատկերասրահ

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

Ծանոթագրություններ

1. http://www.caoi.ir/en/projects/item/38
2. https://fa.wikipedia.org/wiki/موزه_فرش_ایران
3. http://www.carpetour.net/fa/part.asp?col=y&r=h&p=300401(չաշխատող հղում)
4. http://www.yjc.ir/fa/news/5109501/آشنایی-با-موزه-فرش-تهران-تصاویر
5. http://www.tishineh.com/touritem/766-32/1

Արտաքին հղումներ

• Cайт Иранского музея ковров Արխիվացված 2019-04-20 Wayback Machine
• Carpet Museum of Iran
• Информационный банк данных, посвященный иранским коврам ручной работы(չաշխատող հղում)
• Музей ковров в Тегеране
• Музей ковров в Тегеране

Վիքիպահեստն ունի նյութեր, որոնք վերաբերում են «Գորգերի թանգարան (Թեհրան)» հոդվածին։