Դանիել Գևորգի Ճոնքաձե (վրաց.՝ დანიელ გიორგის ძე ჭონქაძე, մարտի 18, 1830(1830-03-18), Ղվավիլի, Թիֆլիսի նահանգ, Ռուսական կայսրություն - հուլիսի 16, 1860(1860-07-16), Թիֆլիս, Թիֆլիսի նահանգ, Ռուսական կայսրություն), վրացի գրող։
Ստավրոպոլի հոգևոր ուսումնարանում (1851) և Թիֆլիսի հոգևոր ճեմարանում (1855) դասավանդել է օսերեն։ Ռուսական գիտությունների ակադեմիայի պատվերով նյութեր է հավաքել ռուս-օսական բառարանի համար։ Ճոնքաձեի միակ գեղարվեստական ստեղծագործությունը «Սուրամի ամրոցը» (1859) վիպակն է, որի հիմքում ընկած է ամրոց կառուցելիս կենդանի մարդուն պատի մեջ շարելու առասպելը։
Ճոնքաձե խարազանել է ճորտատիրական կարգերը, միապետությունը։ Վիպակը դեմոկրատական ոգով գրված առաջին ստեղծագործությունն է վրաց գրականության մեջ։
- Հրաչիկ Բայրամյան, Վրաց գրականությունը V-XIX դդ․, Գիրք Ա․, Երևան, 2007, էջ 178-182։
Բառարաններ և հանրագիտարաններ | |
|---|
| |
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 104)։ 
|
Ռուսական կայսրություն
Daniel Chonkadze Վիքիպահեստում
