Դանֆերմլայն պալատ

Դանֆերմլայն պալատի ազդեցիկ հարավային պատն ու պահակատունը։
Դանֆերմլայն պալատը Ուիլյամ Միլլերի փորագրության մեջ։
Պահակատունն ու կամարը, որոնք միացնում են Դանֆերմլայն պալատն ու վանքը։
Հուշատախտակ, որը վկայում է, որ թագավոր Չարլզ I-ը ծնվել է Դանֆերմլայն պալատում 1600 թվականին։

Դանֆերմլայն պալատ, շոտլանդական ավերված նախկին արքայական պալատ, կարևոր զբոսաշրջային ատրակցիոն է Դանֆերմլայնում, Շոտլանդիայի Ֆայֆ տարածաշրջանում։ Այժմ, հարևանությամբ գտնվող Դանֆերմլայն վանքի հարակից կառույցների հետ գտնվում է «Պատմական Շոտլանդիայի» հսկողության տակ որպես ազգային հուշարձան։

Դանֆերմլայնը եղել է շատ շոտլանդացի միապետների սիրելի բնակավայրը։ Թագավորական բնակավայր լինելու փաստագրված պատմությունն սկսում է 11-րդ դարից, երբ Մալքոլմ III-ն այն դարձրել է մայրաքաղաք։ Նրա նստավայրը գտնվել է Մալքոլմի աշտարակի մոտ, հետագայում կառուցված պալատից մի քանի հարյուր յարդ դեպի արևմուտք։ Միջնադարյան ժամանակաշրջանում Դավիդ II-ն ու Շոտլանդիայի թագավոր Ջեյմս I-ը երկուսն էլ ծնվել են Դանֆրմլայնում։

Դանֆերմլայն պալատը կապված է պատմական Դանֆերմլայն վանքի հետ և զբաղեցնում է վանքի ու հարավում գտնվող խորը կիրճի միջև տարածքը։ Այն միանում է նախկին վանական բնակհատվածներին պահակատան միջոցով, որը գտնվում է Դանֆերմլայնի միջնադարյան դարպասներից մեկի կամարի վրա (կամ yett)։ Հետևաբար, կառույցն զբաղեցնում է վանքի նախկին հյուրատունը։ Սակայն դրա մնացորդները մեծապես արտացոլում են այն ձևը, որն ունեցել է կառույցը 1500- ական թվականներին Ջեյմս IV-ի կողմից վերանորոգվելուց հետո։ Տասնվեցերորդ դարի ընթացքում շոտլանդական միապետներն ու թագավորական ընտանիքի անդամները հաճախ են եեղել բնակավայրում։

1589 թվականին իրենց ամուսնությունից հետո պալատը որպես ամուսնական նվեր Ջեյմս VI-ի կողմից տրվել է Անն Դանիացուն։ Նա իրենց երեխաներից երեքին՝ Էլիզաբեթին (1596)[1], Չարլզին (1600) ու Ռոբերտին (1602) ծնունդ է տվել այնտեղ։

1603 թվականին գահերի միացումից հետո շոտլանդական արքունիքի Լոնդոն տեղափոխելը նշանակում էր, որ կառոյցը հազվադեպ էր այցելվելու միապետի կողմից[2]։ Գոբելենների թագավորական հավաքածուից տասը գոբելեն 1616 թվականին դեռևս գտնվում էին այնտեղ, որոնք մնացել էին, երբ մանուկ արքայազն Չարլզը գտնվում էր պալատում[3]։ Երբ 1633 թվականին Չարլզ I-ը վերադարձել է իր շոտլանդական թագադրության համար, նա միայն կարճատև այցելություն է կատարել իր ծննդավայր։ Վերջին միապետը, որը զբաղեցրել է պալատը, եղել է Չարլզ II-ը, որը Դանֆերմլայնում մնացել է 1650 թվականին Փիթրեվի ճակատամարտից անմիջապես առաջ։ Դրանից հետո, Շոտլանդիայի կրոմվելյան նվաճման ընթացքում կառույցը լքվել է և մինչև 1708 թվականը դարձել տանիքազուրկ։

Այն ամենը, ինչ մնացել է պալատից այսօր, խոհանոցն է, նկուղները և տպավորիչ հարավային պատը՝ իշխող տեսարանով դեպի հարավում գտնվող Ֆորթի գետաբերանը։

Ծանոթագրություններ

[խմբագրել | խմբագրել կոդը]
  1. ↑ M. S. Giuseppi, ed., Calendar of State Papers Scotland, vol. 11 (Edinburgh, 1952), p. 306.
  2. ↑ Dennison, E. Patricia; Stronach, Simon (2007). Historic Dunfermline : archaeology and development. Dunfermline: Dunfermline Burgh Survey. էջեր 31-32. ISBN 978-0-9557244-0-4.
  3. ↑ Register of the Privy Council of Scotland, vol. 10, 521.

Արտաքին հղումներ

[խմբագրել | խմբագրել կոդը]
Վիիքպահեստ